1. 參加者可分成二至三組，每組排成一直行。

2. 每局遊戲開始時，每組第一位參加者會從《廣東話潮典卡》中抽取一個俗語。

3. 第一位參加者要記熟卡紙上嘅英文內容，然後以英文講畀第二位參加者聽（其他參加者須戴上耳機以防偷聽），第二位參加者將內容講畀第三位參加者聽，如此類推，直至將內容傳至最後一位參加者。

4. 最後一位參加者須估出該英文嘅「廣東話俗語」，向大家覆述，並用 Galaxy AI 語音翻譯核對答案，最多正確答案一組為勝。

1. 各人獲派一張牌，自己唔可以睇自己牌，玩家須將該牌放喺自己額前，等其他玩家睇到該牌。

2. 各人開始討論如何懲罰牌最細嘅人，例如倒立、跳舞、唱歌等。

3. 輪流講完懲罰後，如有玩家覺得自己嘅牌有機會最細（Ace 最大、2 最細），可以向所有玩家「自首」，嗌出自己認為拎住嘅「廣東話俗語」，嗌中即可避開懲罰，遊戲繼續；嗌唔中就要接受牌最大嘅人提出嘅懲罰，遊戲結束。

4. 如遊戲繼續，大家須同時將牌揭開，牌最細嘅人需要跟牌最大嘅人做懲罰。

1. 所有人圍圈坐，準備同人數對等份嘅啤牌，每份啤牌要係 4 隻同款牌（例如 6 個人就準備 6 份同款牌）。

2. 洗勻準備好嘅牌，每個玩家都會分派 4 張牌，每一輪都要將手中一張牌順時針傳畀下一位；同時從上一位取得一張牌。

3. 遊戲目的係要鬥快令自己擁有 4 張同款牌，當自己擁有 4 張相同嘅牌時，就要大聲講出你拎住嘅「廣東話俗語」同做摸鼻動作；其他玩家都要鬥快摸自己個鼻。

4. 最慢嘅玩家會成為「一級豬」，再輸就會變「二級豬」，直至第七級為止。記得唔可以同自己唔同級別嘅「豬」講嘢，否則較低級豬就會升級到對方級別。

1. 參加者可分成二至三組，每組派出一位組員面向潮典卡畀提示，其他隊員估題目。

2. 每條題目會有一張潮典卡，出提示者只可以講英文，唔可以做任何動作，亦唔可以直接用《廣東話潮典卡》上嘅 Galaxy AI 廣東話翻譯中任何一個英文字。

3. 限時內估得最多潮典卡字嘅隊伍勝出。