Што да направите кога нема звук во жичените слушалки

Ако сте ги поврзале жичените слушалки, но не слушате звук од уредот Galaxy, можеби се дефектни слушалките или можеби има проблем со приклучокот за слушалки на уредот. Прочитајте го следниов водич за да го решите проблемот.

Пред да се обидете со препораките дадени во продолжение, задолжително проверете дали софтверот на уредот и поврзаните апликации се ажурирани до најновата верзија. За ажурирање на софтверот од мобилниот уред, постапете според следниве чекори:

Чекор 1. Одете на Settings (Поставки) > Software update (Ажурирање на софтверот).

Чекор 2. Допрете на Download and install (Преземи и инсталирај).

Чекор 3. Следете ги упатствата на екранот.

Проверете дали има физичко оштетување на жичените слушалки. Ако приклучокот за аудио е свиткан или скршен, или ако кабелот е оштетен или изложен, може да не слушате звук од слушалките.

• Дури и ако не гледате никакво физичко оштетување, слушалките може да бидат оштетени. Ако имате друг уред за да ги поврзете слушалките, тестирајте ги со тој уред.
• Проверете дали слушалките се целосно вметнати во приклучокот за звук на уредот. Ако не се целосно вметнати, уредот може да не ги препознава слушалките и звукот ќе се пушта преку звучниците на уредот.