Како да спречам микровибрации?

Општо земено, микровибрациите се појавуваат кога користите адаптер којшто не е заземјен. Истото може да се појави и во стари згради во кои нема заземјување при градбата. Микровибрациите се безопасни, но се препорачува да користите заземјен полнач ако забележите некаква непријатност.

Пред да се обидете со препораките дадени во продолжение, задолжително проверете дали софтверот на уредот и поврзаните апликации се ажурирани до најновата верзија. За ажурирање на софтверот од мобилниот уред, постапете според следниве чекори:

Чекор 1. Одете на Settings (Поставки) > Software update (Ажурирање на софтверот).

Чекор 2. Допрете на Download and install (Преземи и инсталирај).

Чекор 3. Следете ги упатствата на екранот.

Заземјувањето се однесува на заштитна мерка за менување на насоката на електричната струја заради безбедност на корисникот. Како што може да видите на сликата подолу, заземјениот адаптер има игла за заземјување на врвот и на дното од штекерот. Ако користите штекер без игла за заземјување, може да почувствувате микровибрации, зависно од околните фактори.

Ако користите заземјен полнач, лесно може да ги блокирате микровибрациите. Како што се гледа на сликата подолу, заземјениот и незаземјениот полнач физички се разликуваат. Проверете го типот полнач што го користите и, ако треба, обидете се да користите заземјен полнач. Може да купите заземјен полнач во најблискиот сервисен центар.