Samsung Galaxy телефонында виртуалды SIM картасын (eSIM) қалай орнатуға болады
Виртуалды SIM картасы (eSIM) — смартфондағы кірістірілген модуль, оған оператор, телефон нөмірі және тариф туралы деректерді жазуға болады. Оның көмегімен қоңырау шалуға, хабарлар жіберуге және Интернетті әдеттегідей пайдалануға болады, бірақ пластик SIM картасыз. Барлық ұялы желі баптаулары цифрлық түрде құрылғының өзінде сақталады.
Назар аударыңыз:
- Барлық Samsung Galaxy смартфондары және барлық ұялы байланыс операторлары eSIM қолдамайды.
- Құрылғыңыздың үлгісінде бұл функцияның бар-жоғын пайдаланушы нұсқаулығында анықтаңыз.
- Телефон нөміріңізде eSIM пайдалану мүмкіндігі туралы оператордан анықтаңыз.
Телефонға eSIM қалай қосуға болады
Смартфонға eSIM қосу үшін алдымен ұялы байланыс операторыңызға хабарласыңыз. Ол қазір бар пластик картаңызды ауыстырғыңыз немесе жаңа телефон нөмірін қосқыңыз келсе, виртуалды SIM картаңызды белсенді ету туралы мәліметтерді береді.
Тақырып бойынша:
Содан кейін келесі қадамдарды орындаңыз:
1-қадам. «Баптаулар» ашып, «Қосылымдар» бөліміне өтіңіз.
2-қадам. SIM карталар диспетчерін таңдаңыз.
3-қадам. «eSIM қосу» басыңыз.
4-қадам. «QR кодты сканерлеу» ашыңыз.
5-қадам. Ұялы байланыс операторы берген QR кодты камера көмегімен сканерлеңіз.
Егер QR коды бар сурет «Галереяда» сақталған болса, белгішені басыңыз
және қажетті файлды таңдаңыз.
Оператор QR кодтың орнына белсенді ету кодын берген болса, «Белсенді ету кодын енгізу» басып, оны енгізіңіз.
Содан кейін экрандағы нұсқауларды орындаңыз. Белсенді ету барысында құрылғының EID коды қажет болуы мүмкін. Ол Баптаулар → Телефон ақпараты → Күй → EID мәзірінде көрсетілген.
Назар аударыңыз:
Құрылғыңыздың баптауларында SIM карталар диспетчері тармағы болмаса, тек бір физикалық SIM картасын пайдалануға болады деген сөз. Мұндай құрылғыда eSIM пайдалануға қолдау көрсетілмейді.
eSIM қалай пайдалану керек
eSIM-ді бір физикалық SIM картасымен немесе онсыз бір уақытта пайдалануға болады.
Телефонға 2-ден 10-ға дейін виртуалды SIM картасын қосуға болады (құрылғы үлгісіне байланысты).
Бір уақытта бірнеше eSIM пайдалануға болмайды, тек бір виртуалды SIM картасы белсенді болуы мүмкін. Қажет болса, қосылған eSIM арасында ауыса аласыз.
eSIM арасында ауысу үшін Баптаулар → Қосылымдар → SIM карталар диспетчері тармағына өтіңіз. Осы сәтте белсенді етуіңіз келетін виртуалды картаны таңдаңыз.
eSIM-ді қалай жоюға болады
- Баптаулар → Қосылымдар → SIM карталар диспетчері → eSIM мәзірін ашыңыз.
- «Жою» басыңыз..
Телефонға eSIM қоса алмасаңыз, не істеу керек
Ең алдымен, телефоныңыз eSIM жұмысын қолдайтынына көз жеткізіңіз.
eSIM модулі – аппараттық деңгейде құрылғыға кіріктірілген арнайы чип. Сіздің үлгіңізде бұл функция жоқ болса, оны қосымшалар немесе керек-жарақтар арқылы қосу мүмкін емес.
Телефоныңыздың виртуалды SIM картасын қолдайтынына сенімді болсаңыз, бірақ оны қосу мүмкін болмаса, келесі ұсынымдарды орындаңыз:
Мәселе көбінесе QR код немесе белсенді ету кодының мерзімі өтіп кетуіне байланысты туындауы мүмкін. Бұл жағдайда eSIM қосу үшін оператордан жаңа деректерді сұрап, әрекетті қайталаңыз.
Басқа виртуалды SIM картасын қосу кезінде қиындықтар болмаса, телефон қалыпты жұмыс істеп тұр, ал ақаулықтар желі жұмысында деген сөз.
Бұл жағдайда ұялы байланыс операторына хабарласып, мәселе неде екенін анықтаңыз.
Телефон олардың жұмысындағы қателерді жою үшін барлық қосылған желілік қосылым баптауларын (соның ішінде Wi-Fi және Bluetooth) жадтан жояды. Арылтудан кейін Wi-Fi желілеріне және Bluetooth құрылғыларына қайта қосылу қажет болады.
1-қадам. «Телефон баптаулары» ашыңыз. «Жалпы баптаулар» бөліміне өтіңіз.
2-қадам. «Арылту» ашыңыз.
3-қадам. «Желі параметрлерін арылту» тармағын басыңыз.
4-қадам. «Баптауларды арылту» басыңыз. PIN кодты, құпия сөзді немесе графикалық кілтті нгізіңіз.
Деректерді арылту құрылғыда туындауы мүмкін және әдеттегі қайта жүктеуден кейін жоғалмайтын барлық бағдарламалық ақауларды жоюға көмектеседі.
Ескертпе:
Арылту алдында маңызды деректерді міндетті түрде сақтаңыз. Арылтудан кейін оларды қалпына келтіру мүмкін емес болады!
Егер ұсынымдардың ешқайсысы сізге көмектеспесе, смартфоныңыз ақаулы болуы мүмкін. Samsung Galaxy құрылғысына жөндеу қажет екеніне көз жеткізу үшін жақын жердегі қызмет көрсету орталығына хабарласуды ұсынамыз.
Ұсынылған материал пайдалы болды ма?
Пікіріңіз үшін алғыс білдіреміз!
Барлық сұрақтарға жауаптар