Samsung кір жуғыш машинасының дисплейінде 5E, 5C, E2 қателері

Соңғы жаңартулардың күні : 19.06.2024

Не болды

Кір жуғыш машинаның дисплейінде "5E", "5C" немесе "E2" қате туралы хабарлама пайда болды

Samsung кір жуғыш машинасының дисплейінде 5E, 5C, E2 қателері

Дисплейі жоқ үлгілерде барлық жуу режимдерінің индикаторлары және төменнен екінші температура индикаторы жанады.

Дисплейі жоқ Samsung кір жуғыш машинасындағы қате индикаторы

Қате нені білдіреді?

Машинадан су ағызылмайды.

Қате неге пайда болды?

  • Су ағызатын құбыршек майысқан, басылған немесе бітеліп қалған (көбінесе бітелу үй жануарлары жүнінің су ағызатын құбыршекке түсуінен болады, бұл су ағызу мүмкіндігін бөгейді);
  • Кәріз бітелген;
  • Машина ішіндегі құбыршектер бітелген;
  • Су ағызатын сүзгі немесе су ағызатын сорғы бітелген;
  • Су ағызатын сорғы жұмыс істемейді;
  • Су ағызатын құбыршек тым ұзын (ұзартылған бөлікпен бірге ол 3 метрден асса, онда су ағызатын сорғының су ағызуға күші жетпейді – оның қуаты жеткіліксіз болады);
  • Машинада су қатып қалған (егер машина нөлден төмен температурада сақталса).

Әрі қарай не істеу керек

1 Машинаны еркін су ағызумен іске қосыңыз:
  1. Кір жуғыш машинаны розеткадан ағытыңыз;
  2. Су ағызатын құбыршекті кәрізден (сифоннан, құбырдан) ажыратыңыз. Су ағызатын құбыршек ұзартылған болса, ұзартылған бөлікті алып тастаңыз;
  3. Су ағызатын құбыршектің ұшын ваннаға немесе шұңғылшаға салыңыз. Су ағызатын құбыршекте бүгілген жерлер жоқ екеніне көз жеткізіңіз;
  4. Машинаны қосып, "Шаю + Сығу" режимін іске қосыңыз (кірсіз және ұнтақсыз).

Егер су ағып кетсе, судың ағып кетуіне жол бермейтін кәріздегі (сифондағы, құбырдағы) бітелуді тазалаңыз. Осыдан кейін машинаны кәрізге қосыңыз.

Егер су ағып кетпесе, келесі қадамға өтіңіз.

2 Машинаны розеткадан ағытыңыз.
3 Су ағызатын құбыршектің орналасуын тексеріңіз. Ол тегіс, иілусіз орналасуы керек. Егер иілулер бар болса, оларды жойыңыз.
4 Апаттық ағызу арқылы суды ағызып, су ағызатын сүзгіні тазалаңыз.

Тақырып бойынша:

5 Машинаны "Шаю + Сығу" режимінде іске қосыңыз.

Егер қате пайда болмаса, машинаны пайдалануды жалғастырыңыз, бәрі жақсы.

Қате қайта пайда болса, құрылғының жұмысын диагностикалау үшін Samsung қолдау қызметіне немесе жақын жердегі тіркелген қызмет көрсету орталығына хабарласыңыз.

Байланысты сұрақтар

Пікіріңіз үшін алғыс білдіреміз!