Çfarë është TV 4K?
Çfarë të veçante ka 4K?
Lexoni për ta zbuluar.
Çfarë do të thotë 4K?
"Një televizor 4K është televizor me rezolucion 4K. Kjo do të thotë se televizori ka 3840 pikselë horizontalë dhe 2160 pikselë vertikalë, për një total prej rreth 8,3 milionë pikselësh. Në specifikimet e produktit të televizorit, rezolucionet zakonisht shfaqen si ""3840 x 2160” për televizorë 4K.
Rezolucioni është një term që ju tregon se sa të dendura janë vendosur në ekran këto pika të vogla, pikselët. Pikselët individualë grumbullohen së bashku për të krijuar imazhin që tregoni në ekran, prandaj sa më i madh numri i piksekëve aq më i lartë rezolucioni. “K” në 4K nënkupton Kilo (1000), që do të thotë një televizor që ka arritur rezolucion horizontal prej rreth 4000 pikselësh.
Sa e mirë është cilësia?
Televizorët 4K kanë katër herë më shumë pikselë se televizorët tradicionalë Full HD (1920 x 1080). Edhe në ekranet e televizorëve me të njëjtën madhësi, cilësia e figurës së televizorit 4K rezulton më e gjallë dhe më e detajuar falë dendësisë më të madhe të pikselëve. Kjo diferencë është veçanërisht e dukshme në televizorët me ekran të madh. Për shembull, nëse krahasoni cilësinë e një televizori tradicional 65" Full HD me një televizor 65" 4K UHD, do të vëreni një ndryshim në pikselët që përbëjnë ekranin. Për televizorët me rezolucion të madh, pikselët janë më të vegjël se në televizorët me rezolucion të ulët të të njëjtës madhësi, prandaj mund të keni një përvojë më tërheqëse pa kufizimet e distancës së shikimit dhe mund të shikoni nga afër pa vënë re pikselët individualë.
Çfarë
përmbajtjeje 4K
disponohet?
Kur u prezantuan fillimisht televizorët 4K, nuk kishte shumë përmbajtje 4K që mund të shikohej. Kjo bëri që disa konsumatorë të hezitonin që t’i blinin televizorët. Tani ofrohet aq shumë përmbajtje 4K, sa ky nuk është më problem.
Aktualisht, ka forma të ndryshme përmbajtjeje 4K nga transmetime 4K, shërbime transmetimi 4K, lexues dhe disqe Blu-ray 4K deri madje dhe video UGC të filmuara me kamera 4K ose smartfonë 4K. Ka rreth 80 kanale nëpër botë që transmetojnë në 4K (sipas Wikipedia-s), dhe shërbime VoD të tilla si Netflix, Amazon Prime, Vudu dhe Rakuten ofrojnë gjithashtu një gamë të gjerë përmbajtjeje të tillë si filma 4K dhe seri televizive. Plus, nëse keni lexues Blu-ray 4K mund të blini me lehtësi dhe të shikoni video 4K nga vende si Amazon.com.
Kohët e fundit, shumë njerëzve u pëlqen të filmojnë video duke përdorur kamera ose smartfonë 4K me kamera të integruara 4K dhe e ndajnë përmbajtjen me përdorues të tjerë përmes platformave të ndarjes së videove si p.sh. YouTube dhe Vimeo. Prandaj, mos ngurroni të eksploroni gjithçka që tërheq interesin tuaj.
Shijoni të gjitha përmbajtjet
në cilësinë 4K
Do të ishte fantastike nëse çdo përmbajtje e regjistruar të ishte filmuar në 4K, por ka ende shumë përmbajtje me rezolucion të ulët në krahasim me përmbajtjet në 4K. Por, fatmirësisht ky nuk është problem falë teknologjisë Upscaling.
Çfarë është teknologjia 4K Upscaling dhe çfarë mund të bëjë për ju?
Kur shikoni përmbajtje FHD me cilësi të ulët në një televizor 4K, Upscaling është një teknologji që rrit rezolucionin, e konverton dhe e optimizon atë për t’iu përshtatur panelit të ekranit të një televizori 4K. Me fjalë të tjera, nuk bën thjesht tërheqjen e imazhit, por e përditëson për ekranin 4K. Upscaling analizon automatikisht rezolucionin për të reduktuar mizat, për të përmirësuar detajet dhe për të dhënë kontrast optimal dhe ngjyra në mënyrë që këtë përmbajtje ta shikoni në cilësi si 4K. Dhe duke qenë se çdo markë e bën Upscaling ndryshe, sigurohuni që të zgjidhni atë që e bën këtë më mirë.
Çfarë është 4K? Çfarë është UHD?
E thënë thjesht, UHD nënkupton Ultra High Definition dhe 4K Resolution është një lloj rezolucioni UHD.
Marka të ndryshme përdorin shprehje të ndryshme për të thënë të njëjtën gjë, si p.sh. Ultra HD, 4K TV, Ultra High Definition TV dhe 4K UHD TV. Me kalimin e kohës, industria e televizorëve e gjeti frazën “4K” më të lehtë dhe më intuitive për konsumatorët dhe filloi ta përdorë atë gjithnjë e më shumë. Sot, shumica e prodhuesve dhe distributorëve përdorin termin 4K TV ose 4K UHD TV. Së fundi, një lloj tjetër televizori UHD ka filluar të shfaqet në treg: televizori 8K.
Bëhuni pjesë e përvojës
me 4K
Televizorët me rezolucion të lartë janë diçka që duhen marrë parasysh kur blini produkte me përdorim të gjatë si televizorët. Nëse do të blini një televizor të ri, atëherë bëjini vetes një nder dhe zgjidhni një televizor 4K.
Ju duhen përgjigje të shpejta për pyetjet rreth televizorit? Shkoni te çdo artikull me këshilla të shpejta më poshtë:
_JPG$)