Bateri e lehtë me jone litiumi
Mësoni më shumë për baterinë me jone litiumi (Li-ion),
e cila ka dendësi të lartë energjetike, jetëgjatësi dhe siguri.
Përkeqësimi i baterisë
Normalisht, shenjat e përkeqësimit të baterisë përfshijnë shkurtimin drastik të kohëzgjatjes së baterisë dhe fikje të papritur të pajisjes.
Mësoni për fikjen e papritur të pajisjes.
Shenjat e përkeqësimit të baterisë
Me rënien e rendimentit, bateria mund të zgjasë shumë pak ose të fiket befas,
edhe sikur në ekran të duket sikur kapaciteti i baterisë nuk ka rënë.
Nëse keni probleme me bateri të përkeqësuar, drejtojuni qendrës më të afërt të shërbimit.
Kjo mund të ndodhë kur moti është i ftohtë, dhe shpeshtësia mund të rritet në varësi të nivelit të dëmtimit.
Me aplikacione me nivel të lartë performance, si aplikacionet e lojërave ose të kamerës, mund të ketë një rënie të performancës dhe një ngadalësim në reagim.
Kur duhet ta zëvendësoni baterinë
Nëse ju ndodh shpesh që telefoni të fiket në mënyrë të papritur, nëse kohëzgjatja e baterisë ka rënë në mënyrë drastike apo nëse keni probleme të tjera në lidhje me baterinë, drejtojuni qendrës më të afërt të shërbimit për një kontroll të pajisjes.
Në varësi të garancisë së pajisjes, mund të përfitoni zëvendësim falas.
Mund t’ju informojmë nëpërmjet një mesazhi në ekran nëse pajisja juaj ka nevojë për zëvendësim të baterisë.
1. Klikoni mbi njoftimin në “Status bar”.
2. Kontrolloni informacionin mbi gjendjen e baterisë.
Vetë-diagnozë e lehtë e baterisë
Kontrolloni gjendjen e baterisë së telefonit Samsung Galaxy
A po ngadalësohet pajisja juaj? Provoni të përdorni Kujdesin për telefonin i cili ofrohet në aplikacionin Samsung Members.
Mund të kontrolloni statusin e baterisë suaj dhe të optimizoni përdorimin e saj në pak sekonda.
1. Hapni aplikacionin Samsung Members dhe prekni "Mbështetja" në fund.
2. Kontrolloni statusin e baterisë nëpërmjet "Diagnostika e telefonit".
3. Trokitni "Testo të gjitha".
Kontrolloni gjendjen e baterisë së Samsung Galaxy Watch
Përdorni veçorinë e re të diagostikimit të Galaxy për të testuar performancën dhe për të kontrolluar gjendjen e baterisë së Galaxy Watch.
※ Vetë-diagostikimi mbështetet në seritë Watch 4, Watch 5 dhe modelet më të fundit.
1. Hapni aplikacionin Samsung Members dhe prekni "Mbështetja" në fund.
2. Prekni "Diagnostika e pajisjes së lidhur".
3. Nga opsionet e diagnostikimit zgjidhni "Statusit i baterisè".
※ Vetë-diagnostikimi i pajisjeve që mbahen në trup (menyja e diagnostikimit të pajisjes së lidhur) shfaqet në aplikacionin Samsung Members vetëm kur pajisja celulare Galaxy dhe pajisja që mbahet në trup janë të lidhura dhe aplikacioni Samsung Members, aplikacioni Members dhe softueri i pajisjes janë të gjithë të përditësuar.
Kërkim-verifikimi i baterisë Samsung
Kontrolli i plotë i cilësisë
Samsung Galaxy përmbush standardet ndërkombëtare të sigurisë në përdorimin e baterive të parrezikshme të cilësisë së lartë.
Bateritë tona kanë kaluar verifikime të brendshme dhe prova të cilësisë nga Autoritete Certifikimi të besuara.
※ Certifikata shtesë përtej kërkesave globale mund të ndryshojë nga vendi në vend apo nga produkti në produkt.