Agar Samsung muzlatgich eshigi yopiq bo‘lsa ham ovoz chiqarsa nima qilish kerak
Nima sodir bo‘lmoqda
Muzlatgich eshigi yopiq bo‘lishiga qaramay, u ovoz chiqarmoqda.
Sabablari:
- Xonada elektr toki uzilgan yoki kuchlanish o‘zgarishi yuz bergan;
- Muzlatgich eshigi noto‘g‘ri o‘rnatilgan yoki u oxirigacha yopilmayapti;
- Muzlatgichning orqasida yoki ostida ovoz chiqarayotgan begona buyum mavjud.
Eslatma:
Agar muzlatgichning har qanday bo‘limi eshigi 2 daqiqadan ko‘proq vaqt davomida ochiq qolsa, ovozli signal eshitiladi – Door Alarm funksiyasi shunday ishlaydi.
Agar siz Door Alarm funksiyasini o‘chirib qo‘ymoqchi bo‘lsangiz, muzlatgich modelingiz uchun foydalanuvchi qo‘llanmasidan foydalaning.
Nima qilish kerak
Muzlatgich orqasiga tasodifan o‘yinchoq, soat, simsiz naushnik yoki boshqa ovoz chiqaruvchi buyum tushib qolgan bo‘lishi mumkin.
Shuningdek, ovoz muzlatgich yonida o‘rnatilgan elektron qurilmalardan chiqayotgan bo‘lishi mumkin.
Ovozli signal manbai aynan muzlatgich ekanligiga amin bo'lish uchun atrofingizdagi joyni diqqat bilan tekshiring.
Agar ovoz aynan muzlatgichdan chiqayotganiga amin bo‘lsangiz, keyingi tavsiyaga o‘ting.
Xonada elektr toki uzilgan bo‘lishi mumkin, va endi muzlatgich sizga ichidagi haroratning ko‘tarilganini, mahsulotlar erib ketishi yoki yaroqsiz bo‘lib qolishi mumkinligi haqida xabar bermoqda.
Haroratni boshqaruv paneli yordamida qayta sozlab ko‘ring, keyin qurilmaning ishini tekshiring.
- Agar ovoz to‘xtagan bo‘lsa, muzlatgichdan foydalanishda davom eting.
- Agar muammo davom etsa, keyingi tavsiyaga o‘ting.
Agar xonada kuchlanish o‘zgarishi bo‘lgan bo‘lsa, bu xato sabab bo‘lishi mumkin. Muzlatgichni elektr tarmog'idan uzib, 10 daqiqaga qoldiring – buning uchun shnurni rozetkadan chiqarib oling. Keyin uni qayta yoqib, muzlatgich va muzlatkich bo‘limlari uchun haroratni sozlang.
- Agar ovoz to‘xtagan bo‘lsa, muzlatgichdan foydalanishda davom eting.
- Agar muammo davom etsa, keyingi tavsiyaga o‘ting.
Agar yaqinda eshik ochilish yo‘nalishini o‘zgartirgan bo‘lsangiz va shundan keyin muzlatgich ovoz chiqara boshlagan bo‘lsa, ehtimol eshik noto‘g‘ri o‘rnatilgan.
Muzlatgich eshigini to‘g‘ri o‘rnatganingizga amin bo'ling, buning uchun quyidagi maqoladan foydalanishni tavsiya qilamiz.
Agar muzlatgich eshiklari to‘g‘ri o‘rnatilganiga amin bo‘lsangiz, keyingi tavsiyaga o‘ting.
Agar yuqoridagi tavsiyalar muammoni hal qilmagan bo‘lsa va muzlatgich ovoz chiqarishda davom etsa, qurilmani diagnostika qilish uchun servis markaziga murojaat qilishingizni tavsiya qilamiz.
Fikr-mulohazangiz uchun tashakkur!
Barcha savollarga javob bering.