¿Imaynatam mana llamkariq control remoto nisqata allichana?

1 Laya. Control remotoykipa bateriankunata qawariykuy 

Control remoto nisqata televisorniykiman qawarichispa kancharichinapaq botonta ñitiy. Televisorpa LED kasqan qawarichiqta llipllipyasqanta watiqay. Mana chayna kaptinqa, control remotoykipa baterianmi tukurqun.

2 Laya. Yachayniyuq control remotoykita tupanachiy

Sichus yachayniyuq control remotota llamkachichkanki chayqa, allinta llamkananpaqqa yaqapasmi kaqmanta tupanachinayki kanman. Kutichinapaq hinallataq puririchinapaq / sayachinapaq botonchakunata kuskata ñitiy 3 segundos nisqa llalliyninkama ima  chaynapi tupanachisqa kasqanta qawarinki. 

3 Laya. Imapas allqachiqkuna hinallataq harkaqkuna kasqanta chiqaqchay

Televisorniykita control remotoykiwan imapas harkasqanta chinkachiy. Sichus control remotoykipa hinallataq televisorpa receptornimpa chawpimpi imapas harkaq kachkan chayqa, chay infrarrojos nisqapa señalninkuna harkasqapuni karunman. Chaynallataqmi, electricidadwan llamkaq rantikusqaykikunaqa control remotoykipa señalninta harkankuman. Sichus achkiqkuna, radiokuna utaq celularkuna ima electricidadwan llamkaq rantikusqaykikuna televisorpa muyuriqninpi kachkan chayqa, astawan karunchachiy.

4 Laya. Señal infrarroja nisqata qawapay 

Infrarrojos nisqakunapa señalnintaqa mayqan cámara digital nisqawanpas chiqapchawaqmi, celularniykipawanpas kanmanmi. Camarata kancharichiy, hinaspa control remotopa ñawpaqninta camarapa qawarinanman qawarichiy. Celularniykipa pantallanta qawachkaspa, control remotopi kancharichinapaq botonchata ñitirayay. Control remotomanta akchita utaq pisi akchi lluqsiqtam rikunki. 

Control remotopa pilanta musuqwanña churachkaptiyki, akchita utaq pisi akchita control remotomanta lluqsiqta mana rikuptiykiqa control remoto nisqa sasachakuypi kasqantam nichkan.