¿Imataq Galaxy Z Flip4 nisqapa hinallataq Galaxy Z Fold4 nisqapa película protectora kapuqninku?

Samsungpa qimpikuq smartphonninkunaqa dispositivota mana dañaspan qimpiy atikuq Infinity Flex Display nisqayuq hinallataq Ultra Thin Glass nisqayuq equipasqa pantallakunatam utilizan.

Sumaq diseñonwan hinallataq vidrio ultrafino kapuqninwanmi,  qimpikuq pantallaqa yanqa qimpiyllamantaqa aswan allin kaq experienciata usuarioman qun hinallataqmi OLED nisqa sumaq tecnologiarayku aswan allin qawayta qukun. Galaxy Z Flip4 nisqa hinallataq Galaxy Z Fold4 nisqaqa aswan resistente qimpikuqninchikkuna kanankupaqmi diseñasqa kachkanku, exclusivo kaq Corning® Gorilla® Glass Victus®+ nisqawan reforzasqa aswan kallpayuq panel de visualización nisqawan aswan confianza kaq pantallata yaykuchispa chaynapi takarqukuptin dañokuna harkaypi yanapanapaq.

Samsungpa qimpikuq pantallanqa película protectora nisqayuq, capa protectora nisqayuq hinallataq akchiriq llimpikunata, relación de contraste nisqata chaynallataq pantalla AMOLED nisqapa llimpin qawachiq kallpanchanapaq vidrio ultrafino nisqayuqmi:

• Película protectora nisqa: Pantallapa hana lawninpi churasqam, kallpawan llapiyta aguantananpaqmi sirven hinallataqmi cambiakuqlla.

   

• Digitalizador nisqa: Fibrawan reforzasqa plasticomanta fabricasqam chaynapi telefonota mana ancha llasaqta hinallataq waqaychasqata kachiq aswan firme hinallataq resistente capa kananpaq.  

   

• Capa protectora nisqa: Vidrio ultrafino nisqapa hawanpi churasqam chaynapi hawamanta harkayninta aguantananpaq, takakuykunata sampayachinanpaq hinallataq pantalla ñutukunanta harkan.

   

• Vidrio ultrafino nisqa: Pampachasqa pampata qukuq vidrio fino nisqam hinallataqmi qimpikuq pantallapi dispositivopa durayninta allinyachin.

   

• AMOLED nisqa: Sapakama pixelmi kikimpa akchinta lluqsichin, chaymi llañu pantallawan utqayman kutichiyta, llimpipa hinallataq chuya kaypa allin mirayninta uyan.

Qimpikuq pantallaman laqasqa capa protectora nisqaqa rantipaslla productom. Sichus unayniq pachaña pasarqun chayqa, tukukuyninraykum película protectora nisqapi achpikuna, supullukuna hinallataq tillpakuykuna rikurinmanku. Wakin casokunapiqa, película protectora nisqallam dañakun. Sapaq película protectora nisqata churaspam dispositivotaqa mana ima sasachakuyllawan utilizawaq. Sichus capa protectora nisqa dañasqa kachkan chayqa, asistencia de Samsung nisqa yanapakuqwan contactakuy.

Cuidawllawan ruray, manachayqa película protectora nisqata qunqayllamanta churaptiyki utaq hurquptiykim panel nisqa dañakunman. Tukuy pachantin telefonota película protectora nisqayuqta utilizaymi ancha recomendasqa. Sichus Samsungpa mana chiqaq certificasqan película protectora kaqta utilizanki chayqa, pantallam afectakunman utaqmi rendimienton pisiyanman.

• Qimpikuq pantallapaqa, fino kaq hinallataq flexible kaq vidriowan chaynallataq qimpikuy atinanpaq huk película nisqawan, angulomanhinam fino kaq wakin patankuna kapun. Pantallapa chawpinpa qimpikuq lawpi sipukuna rikurinman.

• Llumpayta takarqukuptinqa, achka mirkakuna utaq llimpimanta suqikunam rikurinman. Wakin lawkunapi yana mirkakunahina, pantallapa kikinmanta kanchayninhina utaq pantallapi raqrakunahina pantallapa ukunpi rikuriq rikukuq dañokunam kanman.

• Pantalla takarqachinaykimanta cuiday, manachayqa vidrio ultrafino nisqam takarqukusqanwan raqrarqunman utaq pakirqukunman, chaymi muyuriqnin lawkunaman miranman, hinaptinmi dispositivota qimpiptiyki yuraq siqi rikuriman.