¿Imatataq rurawaq telefonoyki quñiriptin?

Sichus Galaxy telefonoykita llamkachichkaptiyki quñirin chayqa, kayqa tukuy rikchaqraykum kanman. Aswan energiata mañakuq funcionkunata utaq aplicacionkunata llamkachiptiyki utaq unay pachantin llamkachiptiykiqa, bateriapa aswan tukusqanraykum dispositivoykiqa pisi pachantinpi quñirinman. Aswanpas, carga inalámbrica nisqa utaq carga rápida nisqa rurakuchkaptinqa, telefonoykiqa tupaptiykim aswan quñi kanman. Dispositivoqa hamuq ruraykunapim quñirinman. Funcionkuna hinallataq aplicacionkuna llamkachisqaykimanhinam, kay ruraykunaqa mana modeloykipaqchu kanman.

●     Rantisqaykipa qipanta configuración inicial nisqapi utaq datokunata restaurasqapi.

●     Hatun archivokunata descargasqa.

●     Aswan energiata mañakuq aplicacionkunata llamkachisqa utaq aplicacionkunata llumpay pachantin llamkachisqa.

●     Achka llamkaykunata rurasqa utaq achka aplicacionkunata segundo plano nisqapi llamkachisqa.

●     Internetpi nubewan, correo electronicowan utaq huk cuentakunawan sincronizanapaq achka datokunata utilizasqa.

●     Dispositivota intipa kanchayninmanpuni churasqa.

●     Anclaje a red nisqa hinallataq punto de acceso móvil nisqa funcionta llamkachisqa.

●     Dispositivota pisilla kallpayuq utaq mana señalniyuq lawkunapi llamkachisqa.

●     Baterianta dañasqa cable USB nisqawan cargasqa.

●     Dispositivopa achka ruranapaq cargadornin dañasqa kaptin utaq yakuhina, polvohina, metalmanta polvokunahina utaq lapizpa minankuhina mana riqsisqa materialkunaman tupachisqa.

●     Roaming nisqata llamkachisqa.

Telefononuyki quñirisqanta musyaspaqa, telefonoykita chiriyachinaykipaq hamuq ruranakunata ruray.

●     Dispositivota aswan qipa musuq kaq softwarewan actualizasqata kachiy.

●     Dispositivoqa llamkaq aplicacionkunapura mana allin tupanakusqankuraykum quñirinman. Dispositivota musuqmanta reiniciay.  

●     Mana llamkachispaqa Wi-Fi nisqa, GPS nisqa hinallataq Bluetooth nisqa funcionkunata desactivay.

●     Bateriata utqayllaman tukuchiq utaq segundo planopi llamkariq aplicacionkunata mana llamkachisqa kaptinku wichqay.

●     Mana necesitasqayki archivokunata utaq mana llamkachisqayki aplicacionkunata eliminay.

●     Pantallapa kanchayninta pisiyachiy.

●     Sichus dispositivo unay pachantin llumpayta quñirin utaq quñirin chayqa, ama llamkachiychu.

●     Sapa kuti actualizaptiykiqa aswan llampu animacionkunata hinallataq kuyuykunatam qukun, ichaqa energiatam aswanta tukun. Actualizacionpa sapa hayka pachamanta rurakusqanta estándar nisqa modopi churay.

●     Sichus bateriata cargachkanki chayqa, dispositivopa cargadorninta desconectay hinaspa llamkaq aplicacionkunata wichqay. Dispositivo chirinanta suyay hinaspa musuqmanta cargayta qallaykuy.

●     Inalámbrico kaq cargadorta utilizaspaykiqa, dispositivopa chay cargadorpa chawpinpi metalmanta objetokunahina, imankunahina utaq banda magneticayuq tarjetakunahina mana riqsisqa materialkunata ama churaychu.

Sichus dispositivopa llumpay quñirisqanwan piñakuyta qallarinki chayqa, amaña llamkaychiyñachu. Dispositivo quñiriptinqa, funcionninkuna hinallataq llamkayninmi pisiyachisqa kanmanku utaq dispositivo chirianampaqqa apagakunmantaqmi. Kay funcionqa tupaq modelokunallapin disponible kachkan.

●     Sichus dispositivo llumpayta quñirinqa utaq huk temperaturaman chayanqa chayqa, dispositivopi fallakunata, qarapi irritacionkunata hinallataq dañokunata chaynallataq bateriapa lluptiyninkunata evitananpaq willakuq mensajem rikurinqa.  Dispositivopa temperaturanta pisichinapaqqa, pantallapa achkiyninmi hinallataq utqayman llamkayninmi pisiyanqa hinaspa bateriapa cargan sayanqa. Llamkachkaq aplicacionkunan wichqakunqa chaynallataqmi lliw qayakuykuna hinallataq huk funcionkuna limitasqa kanqa, llamadas de emergencia nisqaqa manataqmi, dispositivo chirianankama.

Qimpikuq telefonoykiqa kay hamuq pachamamamapa imayna kasqankunamanhinam quñirinman. Bateriapa kawsaynin pisichinaykimanta, dispositivo dañarqunaykimanta utaq kañarqunaykimanta sumaqllata llamkachiy.

●     Dispositivoykita nisu chiripi utaq nisu quñipi ama waqaychaychu.

●     Dispositivoykita unay pacha intimanpacha ama churaychu.

●     Dispositivoykita veranopi automovilpa ukunpihina, rupay lawkunapi ama usaychu nitaq waqaychaychu.

●     Dispositivota calefacción eléctrica nisqa alfombrapa qawanpihina, quñi lawkunapi ama churaychu.

●     Dispositivoykita calentadores nisqakunapa, microondakunapa, yanukunapaq quñi cocinapa utaq llumpay quñi anqarakunapa hichpankupi ama waqaychaychu.

●     Tillpasqa qarayuq utaq dañasqa cableta ama usaychu, nitaq imapas dañasqa utaq mana allin llamkaq cargadorta utaq bateriata ama usaychu.