Refrigeradoraykita allinta llamkachinaykipaq yachanakuna

Refrigeradorniyki mana allinta llamkaptinqa, ñawpaqta energía kasqantaraq chiqapchanaykitam kamachiykiku. Energiawan mana imapas sasachakuy kanchu hinaptinpas refrigeradorpi sasachakuykuna hinallaraq kapuchkasunki chayqa, allinyachinaykipaq kay umachaykunata ñawinchay.

Wasiykipi rurasqaykiwan sasachakuy allinyachiyta mana atispaykiqa rantiqkunata yanapaq serviciota 0800-777-08 chay yupayman qayanaykitam niykiku. 

Refrigeradorpa punkunta 30 utaq 40 centimetrokama kichay hinaspa kachaykuy. Punkuqa sapallanmi wichqakunan kanqa. Ichaqa, mana chayna kaptinqa, refrigeradorpa ñawpaqnin ura lawyninpi chakinpa matina tornillonkuna kaqkunatam chiqapchanayki kanqa.
Hinallataq refrigeradorta  nivelpe kasqanta chiqapchay. Mana allin matipasqa kaptinqa, refrigeradorqa manam allintachu llamkanman.

Refrigeradorpa qipa lawnintaqa watapi hukta utaq iskay kutitam pichanata recomendaniku. Rupayway chiriwan mana chaqrukunanpaqqa, compresor kasqan lawqa mana polvoyuq kayninmi ancha chaniyuq. Refrigeradorpa qipa lawninpi polvoqa kay hamuq sasachakuykunatam qallarichinman, kaykunam kanmanku, qasa rikurinman utaqmi refrigeradorpi utaq congeladorpi nuyu kanman hinallataq llamkaptin llumpayta qaparinman.

Refrigeradorpa hinallataq congeladorpa ukunpi No-Frost sistemapa wayra purinan uchkuchakunaqa tukuy pacham mana harkasqa kanan. 

Kay kakllukuna lawpiqa productokunata ama churanaykitam kamachiykiku, verdurakunapa cajonninpa uranpim nuyu utaq  qipa law pirqapi qasa rikurinman.

Refrigerador mana chiriachiptin, ichaqa congelaynin allillanta llamkaptinqa, vacacionpaq modopi (kay opción refrigeradorniykipa medelonpaq disponible kaptin) configurasqa kasqantam chiqapchanayki. Pantallapi modo de vacaciones niqta desactivay hinaspa aswan willakuykuna chaskinaykipaq manualta tapukuy.