Байгальд ээлтэй бүтээгдэхүүн
Бид үнэ цэнийн сүлжээний бүх шатанд манай бүтээгдэхүүний амьдралын мөчлөг бүрд, үүнд бүтээгдэхүүнийг хөгжүүлэхээс эхлээд худалдан авах, үйлдвэрлэх, түгээх, ашиглах болон хаях явцад байгаль орчинд үзүүлэх нөлөөллийг хамгийн бага түвшинд байлгах өргөн далайцтай санаачлагыг эхлүүлээд байна.
Samsung Electronics нь байгаль орчны менежмент болон эрчим хүчний удирдлагын тогтолцооны олон улсын стандартын гэрчилгээ авсан. 2021 оны байдлаар бүх бизнесийн сайтууд ISO 14001 (Байгаль орчны менежментийн систем) болон ISO 50001 (Эрчим хүчний удирдлагын систем) гэрчилгээ авсан.
Манай зах зээлд гаргасан бүтээгдэхүүний байгаль орчны гүйцэтгэлийг янз бүрийн Гэрчилгээжүүлэх хөтөлбөрүүдээр (Жишээлбэл, АНУ-ын EPEAT, Солонгосын ногоон технологи, Эко шошго гэх мэт.) баталгаажуулж, бүтээгдэхүүний байгаль орчны гүйцэтгэлийг үнэлдэг.
Samsung Electronics нь өөрийн үнэлгээний системийг ашиглан бүтээгдэхүүнийхээ амьдралын мөчлөгийн байгаль орчны үнэлгээг хийдэг. Энэхүү системд олон нийтийн итгэлийг олж авахын тулд бид БНСУ-ын эко шошго, АНУ-ын EPEAT¹⁾, ENERGY STAR, AHAM²⁾ -ийн тогтвортой байдлын стандартын баталгаажуулалтын шалгуурыг баталсан. Нэмж дурдахад, бүтээгдэхүүнийг үйлдвэрлэх, ашиглах, устгах үе шатуудын амьдралын мөчлөгийн туршид хүрээлэн буй орчинд үзүүлэх нөлөөллийг шинжлэхийн тулд бид үндсэн бүтээгдэхүүнийхээ амьдралын мөчлөгийн шинжилгээ (LCA) - ийг хийж, үр дүнг байгаль орчинд нөлөөлөх байдлын гэсэн арван ангилалд³⁾ үнэлдэг. Ялангуяа бид үе шат бүрт дэлхийн дулааралд үзүүлэх нөлөөллийг шинжилж, үр дүнд үндэслэн хамгийн бага хүлэмжийн хийн ялгаралтай бүтээгдэхүүнийг хөгжүүлэхийг хичээдэг.
Samsung Electronics нь "Байгаль орчны аюулгүй байдлын эсрэг ямар ч асуудалд бууж өгөхгүй" гэсэн зарчмыг баримталж, байгаль орчинд сөрөг нөлөөтэй бодисын хэрэглээг сайтар хянадаг.
Samsung Electronics нь Эко-Партнер гэрчилгээжүүлэлтийн системээрээ дамжуулан бүх бүтээгдэхүүн болон түүний эд ангид байгаль орчид аюултай бодис агуулагдаагүй болохыг хатуу хянаж шалгадаг. Нийлүүлэгчид аюултай бодис хэрэглэсэн эсэхийг заасан бүтээгдэхүүний байгаль орчны нөлөөллийн тайланг, өөрсдийн нийлүүлэгчдээс авсан түүхий эдийн мэдээллийн хамтаар илгээх ёстой. Үүний дараа Samsung Electronics нийлүүлэгчдийн үйлдвэрт биечлэн очиж өгсөн баримт бичгийг баталгаажуулж үнэлгээ хийнэ. Эко-Партнер гэрчилгээг авахын тулд нийлүүлэгчид жилд хоёр удаа аудитын шалгалтад орох ба тэнцээгүй бол нийлүүлэлтийн сүлжээнээс хасагддаг. Ийм аргачлалаар бид нийлүүлэгчдээ ногоон менежментийн санаачлагад нэгдэхэд түлхэц үзүүлдэг. Бид тогтвортой нийлүүлэлтийн менежментийг хангах үүднээс бүх нийлүүлэгч түншүүддээ нэг удаагийн үнэлгээнээс илүүтэй байнгын менежментийн хяналт, үнэлгээ хийхийг зорьдог.
01
Түүхий эд нийлүүлэгчид
02
Эд анги нийлүүлэгчид
03
Samsung Electronics
04
Эко-партнер гэрчилгээ
Хэрэглэгчдийн хүлээлтэд нийцүүлэхийн тулд Samsung Electronics үнэр болон нянгийн үүсгэгчийг илрүүлж, арилгах судалгаанд хөрөнгө оруулалт хийх болсон.
2004 онд бид Европын холбооны Аюултай бодисын хэрэглээг хязгаарлах (RoHS) журамд заасан зургаан бодисыг шинжлэх "Байгаль орчны шинжилгээний лаборатори"-ийг байгуулсан бол, 2007 онд шинжлэх бодисын хүрээг бүтээгдэхүүнийг үйлдвэрлэх явцад илэрч болзошгүй дэгдэмхий органик нэгдлээр нэмэгдүүлсэн. 2020 онд уг лабораторийн нэрийг "Эко-амьдрал" хэмээн өөрчилж, олон төрлийн үнэрний нэгдлийг шинжлэх хүчин чадалтай тусгай өрөө, мөн нарийн шинжилгээ хийх багаж төхөөрөмжөөр тоноглосон. Түүнчлэн, бид микроын чиглэлээр мэргэшсэн магистр, докторын зэрэгтэй шинжээчдийг элсүүлэн авсан. Мөн бид температур, чийгшлийг хэмжих тусгай төхөөрөмж бүхий өрөөнүүдээр дэд бүтцээ өргөтгөсөн.
Манай тусгай шинжилгээний систем бүхий Эко-Амьдрал лаборатори нь БНСУ-ын KOLAS, олон улсын TÜV Rheinland зэрэг мэргэжлийн гэрчилгээжүүлэлтийн байгууллагуудад хүлээн зөвшөөрөгдсөн.
2004 оноос
Микробын шинжилгээний лаборатори байгуулагдав
Антибиотик,
мөөгөнцрийн эсрэг (’20)
болон вирусын эсрэг (‘22) үр дүнтэй хариу үйлдлийг шинжлэх
Үнэрний нарийвчилсан шинжилгээ
Дэгдэмхий органик нэгдлийн нарийвчилсан шинжилгээ
Хортой бодисын нарийвчилсан шинжилгээний
лабораторийн шаардлага хангасан
Галд тэсвэртэй бодисын нарийвчилсан шинжилгээ явуулах
KOLAS Гэрчилгээг авсан
Андеррайтерс Лабораторийн албан ёсны
шинжилгээний газраас баталгаажуулсан
Андеррайтерс Лаборатрийн гэрчилгээ
Аюултай бодисын хэрэглээг хязгаарлах
журамд заасан бодисын нарийвчилсан шинжилгээ
Байгаль орчны шинжилгээний
лаборатори байгуулагдав
Samsung Electronics нь аюулгүй ажиллагааг хангахын тулд химийн бодистой холбогдох бүхий л ажиллагаа, үүнд худалдан авахаас эхлээд хаях хүртэлх бүхий л шатыг системтэй удирдаж, хянадаг. Химийн бодистой харьцаж буй ажилтнууд шинжээчдийн багт өгч, урьдчилан үнэлгээ хийлгэж, хэрэглээнд тохиромжтой эсэхийг тогтоосны дараа л тухайн бодисыг худалдан авдаг. Түүнчлэн химийн бодисыг нөөцөлсний дараа тухайн бодисын ашиглалт, нөөц зэргийг шат шатанд хянана.
Samsung Electronics-ийн үйлдвэрт хэрэглэгдэж буй бүх химийн бодисод тухайн үйлдвэр байрлаж буй улсын холбогдох журам, мөн манай дотоод журмын дагуу хатуу хяналт тавьдаг.
Samsung Electronics компанийн бүх ажилчид эрүүл байгаль орчныг хөгжүүлэх үйл ажиллагаанд оролцдог. Бид байгаль орчны үндсэн зарчим, ач холбогдлыг сурталчлах чиглэлээр удирдлага, ажилчдынхаа оролцоог идэвхтэй дэмжихийн тулд кампанит үйл ажиллагааг явуулдаг.
Samsung Electronics нь эко систем болон биологийн олон янз байдлыг хамгаалахын ач холбогдлыг онцолдог. Биологийн олон янз байдалд нөлөөлөх нөлөөллийг хамгийн бага хэмжээнд байлгахын тулд бид эко системийг хамгаалах санаачлагуудыг идэвхтэй хэрэгжүүлнэ.
· Ажилтан бүр биологийн олон янз байдлыг хамгаалах нь эко-менежментийн гол үнэт зүйл болохыг ойлгоно.
· Бүтээгдэхүүн нь амьдралынхаа мөчлөгийн явцад эко систем болон биологийн олон янз байдалд нөлөөлж буй эсэхийг үнэлж, шинжилгээ хийх ба аливаа сөрөг нөлөөг хамгийн бага түвшинд байлгахыг зорих.
· БНСУ төдийгүй хилийн чанад дахь бүх салбаруудад биологийн олон янз байдлыг хадгалах үнэ цэнийг чухалчлан авч үзэж, орон нутгийн шаардлагад нийцүүлэн түүнийг хамгаалах арга хэмжээг авч хэрэгжүүлэх.
· Ажилтнууд, орон нутгийн иргэд, ТББ-ууд болон бусад оролцогч талуудтай нягт харилцаа холбоотой байж, тухайн орон нутаг дахь биологийн олон янз байдлыг хамгаалах хүчин чармайлтуудыг нэмэгдүүлэхэд хувь нэмрээ оруулах.
