ရေရှည်တည်တံ့ရေး

"ကျွန်ုပ်တို့သည် ကမ္ဘာလုံးဆိုင်ရာကုမ္ပဏီတစ်ခုဖြစ်သဖြင့် မတူကွဲပြားမှု၊ မတူညီသောဘာသာတရားများ၊ လူမျိုးဆိုင်ရာ သတ်မှတ်ခံယူမှုများနှင့် မျိုးနွယ်စုဆိုင်ရာ သတ်မှတ်ခံယူမှုများ ဒွန်တွဲလျက်ပါလာပါသည်။ သင်၏ကိုယ်ပိုင် အစွဲများကို နားလည်ပြီး ၎င်းတို့ကို ပွင့်ပွင့်လင်းလင်း လက်ခံရန်မှာ သင့်တာဝန်ဖြစ်သည်။ အခြားနည်းဖြင့်ဆိုရလျှင် ကျွန်ုပ်တို့၏လူများနှင့် ကျွန်ုပ်တို့၏ဖောက်သည်များကို ပထမဦးစားပေးထားရန်မှာ ကျွန်ုပ်တို့၏တာဝန်ဖြစ်ပြီး ထိုတာဝန်ကိုကျေပွန်ဖို့ ကျွန်ုပ်တို့၏ အဖွဲ့အစည်းတွင်း အသိုက်အဝန်းကို ပြင်ပအသိုက်အဝန်းများနှင့် ထင်ဟပ်စေရမည် ဖြစ်ပါသည်။"

"ကျွန်ုပ်သည် မသန်စွမ်းသူတစ်ဦးဖြစ်ပြီး DEI ကောင်စီအဖွဲ့ဝင်လည်းဖြစ်သဖြင့် ဤယဉ်ကျေးမှု ‌ပြောင်းလဲဖို့၊ အဖွဲ့အစည်းတစ်ခုအနေဖြင့် အားလုံးပိုမိုပါဝင်လာစေဖို့ ကျွန်ုပ်တို့ အတူတကွ လုပ်ဆောင်ရန်မှာ ကျွန်ုပ်တို့၏တာဝန်ဖြစ်ကြောင်း ယုံကြည်ပါသည်။ DEI ကောင်စီကို ပျိုးထောင်ခြင်းသည် ပိုမိုကြီးမားသော ပန်းတိုင်ဆီရောက်အောင် SIEL အတွက် ကောင်းမွန်သော ခြေလှမ်းတစ်ခုဖြစ်ပြီး မတူကွဲပြားသောအဖွဲ့များမှ ပင်ကိုအရည်အချင်း အရှိဆုံးသောသူများ Samsung သို့ ခေါ်ထုတ်လာနိုင်စေရန် အထောက်အကူပြုမည်ဟု အပြည့်အဝ ယုံကြည်ပါသည်။"

"ကျွန်ုပ်၏အဖွဲ့ကို ဦးဆောင်ရန် အခွင့်အလမ်းရရှိခဲ့ကတည်းက ကျွန်ုပ်တို့၏ ဆန်းသစ်တီထွင်မှု၊ ဆုံးဖြတ်ချက်များနှင့် ရလဒ်များကို အားကောင်းစေမည့် မတူကွဲပြားသောအဖွဲ့တစ်ဖွဲ့ မည်သို့တည်ဆောက်ရမည်ကို ကျွန်ုပ် အပြည့်အဝ နားလည်နိုင်ပါသည်။ DEI သည် တရားမျှတမှု ခေတ်ရေစီးကြောင်းထက်ပင် ပိုပါသည်။ ၎င်းမှာ ထိရောက်မှု၊ အရည်အသွေးနှင့် အောင်မြင်မှုဆိုင်ရာ လုပ်ငန်းဗျူဟာတစ်ခုဖြစ်သည်။"

"လုပ်ငန်းခွင်တစ်ခုထက်ပို၍ Samsung သည် ကျွန်ုပ်အား ကမ္ဘာကြီးနှင့်အတူ ကောင်းမွန်သောအရာများ လုပ်ဆောင်နိုင်စေပါသည်။ Samsung ဝန်ထမ်းများအား ၎င်းတို့၏တန်ဖိုးများကို ရှာဖွေတွေ့ရှိပြီး ကိုယ်စိတ်နှလုံး အေးချမ်းသာယာစေဖို့ ကူညီပေးရန် ကျွန်ုပ်က စိတ်ပိုင်းဆိုင်ရာ အကြံဉာဏ်ပေးခြင်းဖြင့် မျှဝေခြင်းနှင့် ပျော်ရွှင်ခြင်းအကြောင်း သတင်းစကား ဖြန့်ဝေခဲ့ပါသည်။ ယင်းမှာ Samsung က ကြိုးပမ်းဆောင်ရွက်နေသော ပူးပေါင်းချမ်းသာမှု၏ တန်ဖိုးလည်း ဖြစ်ပါသည်။ ထိုအတွက် ကျွန်ုပ်က အမြဲတမ်း ဂုဏ်ယူလေးစားပါသည်။"

“China တွင် ဒစ်ဂျစ်တယ်စနစ်၊ ဉာဏ်ရည်တုနည်းပညာနှင့် အလိုအလျောက်စနစ်များ ဖွံ့ဖြိုးတိုးတက်လာသည်နှင့်အမျှ အမျိုးသမီးများသည် ၎င်းတို့၏ အိပ်မက်များကိုအကာင်အထည်ဖော်ရန်၊ သိပ္ပံနှင့်နည်းပညာလောကတွင် ယုံကြည်မှုရှိသော၊ မိမိကိုယ်ကို တိုးတက်အောင်လုပ်သော၊ တာဝန်ယူမှုရှိသော၊ တီထွင်ကြံဆသည့် ပင်ကိုအရည်အချင်းရှိသော အမျိုးသမီးများဖြစ်လာကြစေဖို့ ပို၍ ပို၍သော အမျိုးသမီးများသည် လူမှုရေးနှင့် စီးပွားရေး ဖွံ့ဖြိုးတိုးတက်ရေး အတွက် မိမိတို့ကိုယ်ကို စိတ်နှစ်မြုပ်လုပ်ကိုင်လာကြသည်။ ကျွန်ုပ်တို့သည် လေ့ကျင့်ရေးအခွင့်အလမ်းများကို ပံ့ပိုးပေးမည်ဖြစ်ပြီး အနာဂတ်တွင် သိပ္ပံနှင့်နည်းပညာလောက၌ ပင်ကိုအရည်အချင်းရှိသော အမျိုးသမီးများ ပိုများလာကြလိမ့်မည်ဟု မျှော်လင့်ပါသည်။”

"ရေရှည်တည်တံ့သော အဖွဲ့အစည်းများသည် တားဆီးမရနိုင်ဘဲ လက်ခံရမည်ဖြစ်သော ကွဲပြားမှုနှင့် ပါဝင်မှုဆိုင်ရာ အလေ့အကျင့်များကို ဖန်တီးခြင်းနှင့် ထည့်သွင်းခြင်းတွင် ထူးချွန်ပါသည်၊ အ‌ကြောင်းမှာ တူညီသော မျှော်မှန်းချက်အောင်မြင်ဖို့ ကြိုးပမ်းသည့်အခါ မတူညီသောရှုထောင့်များကို ထည့်သွင်းစဉ်းစားရန် ၎င်းတို့အား ခွန်အားဖြစ်စေသောကြောင့်ဖြစ်သည်။"

"ကျွန်ုပ် ဒီကုမ္ပဏီမှာ 2008 ကတည်းက အလုပ်လုပ်ခဲ့တာပါ။ ကျွန်ုပ်က LGBTQပါ၊ ဒါပေမယ့် တခြားသူတွေနဲ့ မတူဘူးလို့ တစ်ခါမျှ မခံစားဖူးပါဘူး။ ထိုအစား ကိုယ့်ကိုယ်ကိုယ် တိုးတက်အောင်လုပ်ဖို့ အခွင့်အရေးရခဲ့ပါသည်။ ကျွန်ုပ်၏အဖွဲ့သည် မတူကွဲပြားမှုများကို ပံ့ပိုးပေးပြီး ကျား၊ မ ဖြည်တည်မှုထက် ကျွန်ုပ်၏စွမ်းရည်ကို အလေးပေးခြင်းဖြင့် အသက်မွေးဝမ်းကြောင်းလမ်းကြောင်းတွင် အောင်မြင်ရန် အားပေးပါသည်။ ကျွန်ုပ်၏အလုပ်ကို နှစ်သက်ပြီး တတ်နိုင်သမျှ Samsungနှင့် ဆက်လက်လက်တွဲသွားပါမည်။"