Samsung နားကြပ်များအတွက် ဆော့ဖ်ဝဲအပ်ဒိတ်မျာ

သင့် ဆော့ဖ်ဝဲအပ်ဒိတ် ချောမွေ့စွာလုပ်ဆောင်နေကြောင်း သေချာစေရန် သင့်ဖုန်း ၊ တက်ဘလက် သို့မဟုတ် ကွန်ပြူတာတွင် သင်လုပ်နိုင်သည့်အရာများ ရှိပါသည်။

• အပ်ဒိတ်များကို စစ်ဆေးရန်အတွက် သင့်တွင် Galaxy ဖုန်းရှိပါက ပထမဆုံးအနေဖြင့် သင့် Galaxy Buds စီးရီးကို သင့်ဖုန်း သို့မဟုတ် တက်ဘလက် ရှိ Galaxy Wearable app သို့မဟုတ် ကွန်ပြူတာစီမံခန့်ခွဲမှုဆော့ဖ်ဝဲသို့ ချိတ်ဆက်ပေးပါ။

မှတ်ချက် : Galaxy Buds Pro နှင့် Buds Lives တို့သည် ကွန်ပြူတာပေါ်ရှိ Galaxy Buds Manager နှင့် တွဲဖက်အသုံးပြု၍မရနိုင်ပါ။

• အပ်ဒိတ်မထည့်သွင်းမီ ဘာတွေပါဝင်သလဲ ကြည့်ရှုရန်အတွက် အက်ပ်ဒိတ်ပေါ့အပ် ပေါ်ရှိ ဘာအသစ်တွေလဲ ကိုနှိပ်နိုင်ပါသည်။ ထိုသို့လုပ်ဆောင်ခြင်းဖြင့် ဘာတွေပြောင်းလဲသွားမည်ဆိုတာ သင်အတိအကျ သိရှိပါလိမ့်မည်။
• ဆော့ဖ်ဝဲအပ်ဒိတ်ထည့်သွင်းပြီးသည့်နှင့်တပြိုင်နက် သင့်ကိရိယာဖြင့် နားကြပ်တခုတည်းကို အသုံးပြုနိုင်ပါပြီ။
• သင့်နားကြပ်များကို အပ်ဒိတ်လုပ်နေစဉ်အတွင်း ပြဿနာကြုံတွေ့ရပါက ၎င်းတို့ကို အားသွင်းဗူးတွင် ထည့်၍ အဖုံးကို ၁၀ စက္ကန့်ခန့်ပိတ်ထားပေးပြီး ပြန်စနိုင်ပါသည်
  

နားကြပ်အတွက် ဆော့ဖ်ဝဲအပ်ဒိတ် ရရှိနိုင်သည့်အချိန်တွင် Galaxy Wearable အက်ပ်တွင် သင့်ကို ပေါ့အပ်ဖြင့် အသိပေးပါလိမ့်မည်။ အပ်ဒိတ်လုပ်မည် ကိုနှိပ်ပြီး စခရင်တွင်ပေါ်လာသည့်အတိုင်း လိုက်ပါလုပ်ဆောင်ပါ။ နားကြပ်သည် ဖုန်းနှင့်ချိတ်ဆက်မှု ပြုတ်သွားပါလိမ့်မည်။ အပ်ဒိတ်လုပ်ဆောင်မှုပြီးစီးသည့်အခါတွင် နားကြပ်သည် ဖုန်းနှင့် အလိုအလျောက်ချိတ်ဆက်သွားမည်ဖြစ်သည်။