Samsung နားကြပ်များဝတ်ဆင်နည်း

သင့် Galaxy Buds Pro, Buds2, သို့မဟုတ် Buds2 Pro တို့ကို မဝတ်ဆင်မီ နားကြပ်ခေါင်းများတပ်ဆင်ထားကြောင်းသေချာစွာစစ်ဆေးပါ။ သင့်အကြိုက်ဆုံးအရာကို နားထောင်နေချိန်တွင် နားကြပ်များကိုသေချာစွာတပ်ဆင်ထားခြင်းက သင့်ကို သက်တောင့်သက်သာရှိနေစေမည်ဖြစ်ပါသည်။

• နားကြပ်ကို မိုက်ကရိုဖုန်းနှင့် နားကြပ်ခေါင်းကို အောက်သို့စိုက်လျက်အနေအထားဖြင့် အပေါ်တွင် L သို့မဟုတ် R အတိုင်းကိုင်ပါ။ နားကြပ်ကိုထည့်ပါ။ ထို့မှသာ ၎င်းသည် သင့်နားလှိုဏ်ထဲသို့ ဝင်သွားမည်ဖြစ်သည်။

မှတ်ချက် - Galaxy Buds Pro နှင့် Galaxy Buds2 Pro တို့တွင် L နှင့် R သည် ထိုးထည့်မည့် နေရာနားတွင် ရှိပါသည်။

• အံဝင်ခွင်ကျဖြစ်ပြီး အကောင်းဆုံးအသံအရည်အသွေးရရှိရန် L ကို သင့် ဘယ်ဘက်နားတွင် ထည့်၍ R ကို သင့်ညာဘက်နားတွင်ထည့်ပါ။

• သင်သည် နားကြပ်များကို သင့်နားနှင့် အံကိုက်ဖြစ်စေရန် ဘယ်သို့မဟုတ် ညာသို့ရွှေ့၍ ချိန်ညှိနိုင်ပါသည်။
  

• နားကြပ်ထိပ်သည် သက်တောင့်သက်သာ အံဝင်ခွင်ကျမဖြစ်ပါက ပိုအံဝင်စေရန်အတွက် အခြားဆိုဒ် ကို တပ်ကြည့်နိုင်ပါသည်။ ၎င်းသည် မိုက်ခရိုဖုန်း၏ စွမ်းဆောင်ရည်ကို တိုးတက်စေပြီး ပိုမိုပြတ်သားသည့်အသံကို ပေးစွမ်းပါသည်။
• Buds2 နှင့် Buds2 Pro တို့ဖြင့် သင်သည် မှန်ကန်စွာတပ်ဆင်ထားခြင်း ရှိမရှိ သေချာစေရန် နားကြပ်အံဝင်မှု စစ်ဆေးချက်ကို အသုံးပြုနိုင်ပါသည်။ Galaxy Wearable အက်ပ်မှ နားကြပ်သတ်မှတ်ချက်များ ကိုနှိပ်၍ နားကြပ်အံဝင်မှု စစ်ဆေးချက် ကိုနှိပ်ပါ။ နားကြပ်များကို သင့်နားတွင်ထည့်၍ စမ်းသပ်မှုစတင်ရန် စတင်မည် ကိုနှိပ်ပါ။
• နားကြပ်များကို တတ်နိုင်သမျှ အကောင်းဆုံးအခြေအနေတွင်ထားရန်အတွက် အထူးသဖြင့် မကြာခဏ အသုံးပြုတတ်ပါက သင့်နားကြပ်များကို ပုံမှန်သန့်ရှင်းပေးပါ။
• အသုံးပြုနေစဉ် သင့်နားအတွင်းတွင် အစိုဓာတ်လွန်ကဲဖြစ်တည်မှုကို ကာကွယ်ရန်နားကြပ်ကို အချိန်တခုရောက်တိုင်း ချွတ်၍ သင့်နားကို ခြောက်သွေ့စေရန်လုပ်ဆောင်ပါ။
• သင်နားကြပ်တပ်ထားစဉ်တွင် သင်နားကြပ်တပ်ထားကြောင်းကို အာရုံခံဆင်ဆာမှ အလိုအလျောက် သိရှိမည်ဖြစ်သည်။ ယခုလိုဖြစ်ပါက ပွင့်လာပြီး အသံတချက်မြည်ပါလိမ့်မည်။ အာရုံခံဆင်ဆာနှင့် သင့်နားထိတွေ့မှုမရှိပါက နားကြပ်အလုပ်လုပ်မည်မဟုတ်ပါ။
  

သင့် Galaxy Buds Live နားကြပ်များ ချောင်နေခြင်း သို့မဟုတ် နားလှိုဏ်နှင့် ဝေးနေခြင်းတို့ဖြစ်ပါက သင်သည် မကောင်းသည့် အသံ ၊ အက်နေသည့်အသံ သို့မဟုတ် ချိတ်ဆက်မှုပြဿနာများ ကြုံတွေ့ရနိုင်ပါသည်။

သက်တောင့်သက်သာ သီချင်းနားထောင်နိုင်ရန်အတွက် သင့်နားရွက်များအတွက် နားကြပ်ချိတ်ဆိုဒ် ကို မှန်ကန်စွာအသုံးပြုနေကြောင်း သေချာပါစေ။

• Galaxy Buds Live သည် သင့်အနေနဲ့ အံဝင်ခွင်ကျဖြစ်မှု ကိုချိန်ညှိရန်လိုတိုင်း လဲနိုင်ရန် အသေးနှင့် အကြီးချိတ်များ တပါတည်းပါဝင်ပါသည်။ ထည့်သည့်အခါတွင် စပီကာများသည် သင့်နားအောက်ခြေဆီသို့ မျက်နှာမူ၍ သေချာစွာတပ်ဆင်မှသာ အကောင်းဆုံးအသံကို ရရှိမည်ဖြစ်သည်။ နားကြပ်အပေါ်ပိုင်းသည် ဒေါင်လိုက်ရှိနေရမည်ဖြစ်ပြီး အလျားလိုက်ရှိမနေရပါ။
• နားကြပ်ချိတ်မှာ သင့်နားနှင့် သက်တောင့်သက်သာ အံဝင်ခွင်ကျမရှိပါက အခြားဆိုဒ်တခုဖြင့် ပြောင်းသုံးကြည့်ပါ။
  

ပထမဆုံးလုပ်ရမည့်အရာမှာ နားကြပ်ခေါင်းနှင့် နားကြပ်ချိတ်တပ်ခြင်းတို့ဖြစ်သည်။ သင့်အကြိုက်ဆုံးသီချင်းနားထောင်ရန် အဆင်သင့်ဖြစ်နေချိန်တွင် သက်တောင့်သက်သာမဖြစ်ခြင်းကို ကာကွယ်ရန် နားကြပ်များကို သေချာစွာတပ်ဆင်ထားပါ။

• နားကြပ်တစ်ဖက်စီ၏ ဦးတည်ရာကိုစစ်ဆေးပါ။ နားကြပ်ချိတ်များကို အပေါ်သို့မျက်နှာမူလျက် သင့်နားတွင် သက်တောင့်သက်သာအနေအထား ရောက်သည်အထိ ထည့်ပါ။
• သင်သည် နားကြပ်များကို သင့်နားနှင့် အံကိုက်ဖြစ်စေရန် ဘယ်သို့မဟုတ် ညာသို့ရွှေ့၍ ချိန်ညှိနိုင်ပါသည်။
• နားကြပ်ချိတ်မှာ သင့်နားနှင့် သက်တောင့်သက်သာ အံဝင်ခွင်ကျမရှိပါက အခြားဆိုဒ်တခုဖြင့် ပြောင်းသုံးကြည့်ပါ။ ပိုကျပ်သည့် အပိတ်သည် သင် ပိုပြတ်သားသည့်အသံလိုချိန်တွင် မိုက်ခရိုဖုန်းလုပ်ဆောင်ရည်ကို တိုးတက်စေပါသည်။