သင့်ဖုန်းတွင် Always On Display အင်္ဂါရပ်ကို မည်သို့ဖွင့်ရမည်နည်း

Galaxy ဖုန်း၏ မျက်နှာပြင်ကို အသုံးမပြုချိန်တွင် ပိတ်ရန် သတ်မှတ်ထားပြီး ဖုန်းမျက်နှာပြင်ကို နှိပ်သည့်အခါမှသာ ပေါ်လာမည်ဖြစ်သည်။ သို့သော်၊ ဖုန်းအား မျက်နှာပြင်ကို ပိတ်ထားစဉ်တွင် အချက်အလက်ပြသရန် သင်သတ်မှတ်ထားနိုင်သည်။ Always On Display အင်္ဂါရပ်ကို စနစ်ထည့်သွင်းရန် အောက်ဖော်ပြပါ လမ်းညွှန်ကို စစ်ဆေးပါ။

သင့်ဖုန်း၏ဆော့ဝဲ အပါအဝင် သက်ဆိုင်သောအက်ပ်များကို နောက်ဆုံးဗားရှင်း အပ်ဒိတ်လုပ်ထားပါ။ သင့်မိုဘိုင်းဖုန်းဆော့ဝဲကို အပ်ဒိတ်လုပ်ရန် ဤအဆင့်များကိုလိုက်နာပါ။

အဆင့် ၁။ Settings > Software update သို့သွားပါ။ 

အဆင့် ၂။ Download လုပ်ပြီး Install ကိုနှိပ်ပါ။

အဆင့် ၃။ ညွှန်ကြားချက်များကို လိုက်နာပေးပါ။

ဖုန်းမျက်နှာပြင်ကို ပိတ်ထားသည့်အခါ၊ သင်သည် နာရီ သို့မဟုတ် ပြက္ခဒိန်ကဲ့သို့ အချက်အလက်များကို ကြည့်ရှုနိုင်သည် သို့မဟုတ် ဖုန်းမျက်နှာပြင်ပေါ်တွင် တေးဂီတဖွင့်ခြင်းကို ထိန်းချုပ်နိုင်သည်။ မက်ဆေ့ခ်ျအသစ်များ သို့မဟုတ် လွတ်သွားသောဖုန်းခေါ်ဆိုမှုများအတွက် အကြောင်းကြားချက်များကိုလည်း သင်တွေ့မြင်နိုင်ပါသည်။

ပုံမှန်အားဖြင့်၊ Always On Display သည် မျက်နှာပြင်ကို နှိပ်သောအခါမှသာ ပေါ်လာမည်ဖြစ်သည်။ ထိုမျက်နှာပြင်ကို အဆက်မပြတ်ပြသရန် သို့မဟုတ် သတ်မှတ်အချိန်အတိုင်းအတာတစ်ခုအထိ ဖုန်းမှန်တွင် ပြသရန် ဆက်တင်များကို ပြောင်းလဲနိုင်ဖို့အတွက် အောက်ပါအဆင့်များကို လိုက်နာပါ။

အဆင့် ၁။ Settings အက်ပ်ကိုဖွင့်ပါ။ ထို့နောက် Lock Screen ကိုရွေးချယ်ပါ။

အဆင့် ၂။ Always On Display ကိုနှိပ်ပါ။

အဆင့် ၃။  ၎င်းကိုဖွင့်ရန် စခရင်၏ထိပ်ရှိခလုတ်ကိုနှိပ်ပါ။ ထို့နောက် သင့်လိုအပ်ချက်များနှင့် အကိုက်ညီဆုံးပုံစံကို ရွေးချယ်ပါ။