Безжично полнење на Galaxy уредите

Кога не Ви сметаат жиците, полнењето станува лесно со безжичниот полнач.

1. Прво, приклучете го адаптерот за напојување на безжичниот полнач во штекер, а USB-кабелот во безжичниот полнач. Индикаторското светло на основата ќе трепка кога првпат ќе го поврзете кабелот.

2. Кога ќе бидете подготвени, ставете го телефонот или компатибилниот уред (како паметен часовник или слушалки) на безжичниот полнач.

3. За да може правилно да се полни, задниот дел на уредот треба да го допира безжичниот полнач, а уредот треба да биде централно поставен. Телефоните на преклоп треба да се затворат, а грбот треба да им биде свртен кон подлогата за полнење.

4. Доколку е потребно, извадете ја футролата на телефонот, особено ако футролата е дебела.

• Galaxy Note телефони: Galaxy Note20 5G, Note20 Ultra 5G, Note10+, Note10, Note9, Note8, и Note5
• Galaxy S телефони: S22 series, S21 series, S20 series, S10 series, S9 series, S8 series, S7 series, и S6 series
• Телефони на преклоп: Galaxy Z Fold, Z Fold2, Z Fold3, Z Fold4, Z Flip, Z Flip 5G, Z Flip3, и Z Flip4
• Samsung слушалки: Galaxy Buds Pro, Galaxy Buds Live, Galaxy Buds+, Galaxy Buds2, и Galaxy Buds
• Samsung паметни часовници: Galaxy Watch5 Pro, Galaxy Watch5, Galaxy Watch4, Galaxy Watch4 Classic, Galaxy Watch, Galaxy Watch3, Galaxy Watch Active, и Galaxy Watch Active2

Гледате црвено светло на Вашиот безжичен полнач, но што значи тоа? Имаме преглед на различните индикаторски светилки и што тие означуваат:

• Црвено: Се полни
• Зелено: Целосно наполнето
• Трепка црвено: Не се полни правилно поради положбата на телефонот на полначот
• Исклучено: Кога телефонот е отстранет од безжичниот полнач или кога безжичниот полнач не е поврзан на штекер

Доколку изгледа дека Вашиот безжичен полнач не работи, обично постои финта за брза поправка, како што е отстранување на дебелата футрола од телефонот. Видете ги следниве решенија за полначот да работи правилно:

• Кога уредот е погрешно поставен на површината за полнење, истиот може да не се полни правилно. Проверете дали Вашиот уред е поставен во центарот на подлогата за полнење без пречки. Задниот дел на уредот треба да биде во контакт со полначот.
• Безжичното полнење може да не работи правилно ако телефонот има дебела футрола. Доколку е потребно, отстранете ја пред да го ставите телефонот на безжичниот полнач.
• Кога слушалки се поврзани со Вашиот телефон, поставете го телефонот на безжичниот полнач во хоризонтална положба. Ако го ставите телефонот во вертикална положба, истиот може да не се полни.
• Ако го користите безжичниот полнач во области со слаби мрежни сигнали, може да го изгубите мрежниот прием.
• Ако на телефонот е поврзан друг полнач или USB-кабел, функцијата за безжично полнење може да биде недостапна.
• Проверете дали безжичниот полнач е приклучен на функционален штекер или извор на струја.