Сензорот за близина не работи правилно

Кога разговарате на телефон со уредот на уво, екранот ќе се исклучи автоматски, а тоа е природна реакција на сензорот за близина. Кога нешто ќе го блокира сензорот за близина, екранот на допир автоматски ќе се заклучи (се исклучува екранот) и ќе се отклучи кога ќе се деблокира. Со ова се спречуваат случајни интеракции во текот на телефонските повици и се зачувува енергијата во батеријата.

Пред да се обидете со препораките дадени во продолжение, задолжително проверете дали софтверот на уредот и поврзаните апликации се ажурирани до најновата верзија. За ажурирање на софтверот од мобилниот уред, постапете според следниве чекори:

Чекор 1. Одете на Settings (Поставки) > Software update (Ажурирање на софтверот).

Чекор 2. Допрете на Download and install (Преземи и инсталирај).

Чекор 3. Следете ги упатствата на екранот.

Сензорот за близина се состои од компонента за емитување светлина и компонента за примање светлина. Инфрацрвените зраци од компонентата за емитување светлина ја анализираат светлината што се одразува од физичките предмети и го мерат растојанието помеѓу предметот и уредот.

Иако секој модел е различен, општо земено, сензорот за близина се наоѓа на горниот дел од предната страна на екранот. Серијата Galaxy S21 има бескраен екран со што се минимизира рамката, па затоа сензорот за близина се наоѓа на горниот внатрешен дел од екранот.