Професионално фотографирање со апликацијата Expert RAW од Galaxy

Кога фотографирате со Expert RAW, се зачувуваат и JPEG-датотеки и RAW-датотеки (Linear DNG 16-битни). За разлика од форматот JPEG, којшто ги компримира фотографиите за да им ја намали големината, RAW-датотеките ги задржуваат оригиналните некомпримирани податоци за сликата од сензорот на камерата, па може да го уредувате резултатот подетално во апликацијата за постуредување.

Покрај тоа, може да се фотографира попрофесионално со тоа што имате поголема контрола врз поставувањата на камерата, како што се ISO, брзината на блендата, балансот на белата боја, експозицијата и фокусот. 

Исто така, активирањето на карактеристиката „Специјални фотографски опции“ овозможува функција на лабораторија во апликацијата Expert RAW од S23 и S22 (T OS) за да се сними астрофотографија, како и можност да фотографирате со повеќекратни експозиции.

• Како да снимите астрофотографија

Изберете го режимот Астрофотографија и приспособете ги фокусот, балансот на белата боја и времето за експозиција за да доловите ноќно небо и небесни објекти. Ако ја изберете функцијата Sky Guide, ќе се прикаже водич за соѕвездија.

• Како да фотографирате фотографии со повеќекратна експозиција

Повеќекратна експозиција значи фотографирање една фотографија со акумулирање и комбинирање различни слики со повеќекратна експозиција во една единствена слика. Ако изберете континуиран режим на фотографирање, може да фотографирате слики во редовни интервали, а ако изберете рачно, може да фотографирате слики една по една кога што сакате. Може да се изберат и комбинирани режими за да ви одговара на желбите за фотографирање.