Како да користите дијагностика во апликацијата Samsung Members на уредот Galaxy

Проверете ги перформансите на уредот со Samsung Members. Дали некоја конкретна функција на уредот не работи правилно? Дали сакате да го знаете моменталното ниво на батеријата? Пред да појдете во сервисен центар, проверете ги перформансите на уредот со помош на алатките за самодијагностика. Карактеристиката Дијагностика од апликацијата Samsung Members овозможува самодијагностика и може да анализира повеќе од 24 различни карактеристики и функции на телефонот, вклучувајќи Батерија, NFC, СИМ-картичка, Мобилна мрежа, Сензор, Звучник, Камера, Екран на допир, Жичени слушалки, Препознавање лице, Bluetooth итн.

Пред да се обидете со препораките дадени во продолжение, задолжително проверете дали софтверот на уредот и поврзаните апликации се ажурирани до најновата верзија. За ажурирање на софтверот од мобилниот уред, постапете според следниве чекори:

Чекор 1. Одете на Settings (Поставки) > Software update (Ажурирање на софтверот).

Чекор 2. Допрете на Download and install (Преземи и инсталирај).

Чекор 3. Следете ги упатствата на екранот.

На апликацијата Samsung Members може да најдете одговори на често поставуваните прашања и да прочитате совети и трикови во врска со уредот Galaxy. Пред да појдете во локалниот сервисен центар на Samsung Electronics, проверете ја апликацијата којашто овозможува и поддржува погодни услуги, како што се Дијагностика, поднесување Извештај за грешки, Далечинска поддршка, надградби на OS, повратни информации поврзани со прашања и грижи итн. Таа е инсталирана стандардно на уредите Galaxy и може да се преземе од веб-врската подолу.

Кликнете овде за да ја преземете апликацијата Samsung Members.