Како да се реши крахирање и замрзнување на апликациите

Со оваа метода се решава проблемот со крахирање на апликации за Андроид така што се бришат непотребните податоци кои апликацијата ги складира во вашиот уред. Следете ги деталните упатства подолу за да ги избришете несаканите податоци и кеш меморијата на апликацијата.
 

Чекор 1. Одете во Поставки и изберете Апликации.

Чекор 2. На списокот со прикажани апликации, изберете ја соодветната апликација.

Чекор 3. Допрете Складирање > Избриши податоци или Избриши кеш меморија.

Недостатокот на простор за складирање на Андроидот е многу чест проблем, бидејќи зачувуваме голем број датотеки што ја полнат меморијата на уредот. За важните апликации да работат добро, избришете ги апликациите што ретко ги користите или непотребните документи за да ослободите простор во внатрешната меморија на уредот.
 

За проверка:

Чекор 1. Одете на Поставки > Апликации.

Чекор 2. Допрете Повеќе опции (три вертикални точки) во горниот десен агол > Сортирај по > Големина.

За бришење:

Чекор 1. Одете на Поставки > Апликации.

Чекор 2. Изберете ја апликацијата.

Чекор 3. Допрете Деинсталирај за да ослободите простор за складирање.

Неправилната инсталација на апликацијата исто така може да предизвика проблем со крахирање на апликациите за Андроид. Апликацијата мора да ја преземете од Google Play Store и да ја користите само по успешна и целосна инсталација на вашиот уред. Ако вашите апликации одеднаш престанат да работат, избришете ги или деинсталирајте ги од вашиот уред и по неколку минути повторно внимателно инсталирајте ги.
 

Чекор 1. За да ја деинсталирате апликацијата од Андроид уредот, одете на Поставки > Апликации.

Чекор 2. Изберете ја апликацијата > допрете Деинсталирај.

Чекор 3. Одете во Google Play Store и повторно инсталирајте ја апликацијата.

Враќањето на Андроид уредот на фабрички поставки мора да биде вашата последна опција затоа што ги брише сите податоци и поставки на уредот. Секако ви препорачуваме да направите резервна копија од сите важни податоци пред да го ресетирате уредот на фабрички поставки. За да го вратите уредот на фабрички поставки додека е вклучен, следете ги овие чекори.
 

Чекор 1. Одете во Поставки > пронајдете и допрете Општо управување.

Чекор 2. Допрете Ресетирање > Враќање на фабрички поставки.