Како да пристапите до податоци кога екранот на Вашиот телефон не е достапен

Пред да се обидете со препораките дадени подолу, проверете дали софтверот и поврзаните апликации на Вашиот уред се ажурирани до најновата верзија. За да го ажурирате софтверот на Вашиот мобилен уред следете ги овие чекори: 

Чекор 1. Одете на Поставки > Ажурирање софтвер.

Чекор 2. Допрете на Преземи и инсталирај.

Чекор 3. Следете ги упатствата дадени на екранот.

Ако не можете да го користите екранот на допир, но екранот се гледа, може да пристапите до податоци како што се фотографии или пораки преку USB глувче. Потребен е USB адаптер како што е OTG (On The Go) адаптер за да се поврзете со глувче, вообичаено се користи USB-C адаптер со повеќе порти. Следете ги следниве чекори за да го поврзете телефонот со глувче.

Чекор 1. Поврзете USB адаптер со Вашиот телефон.

Чекор 2. Поврзете гo USB-то на глувчето со адаптерот.

Чекор 3. Откако ќе го поврзете, може да го користите глувчето. Користете го глувчето за да направите резервни копии од податоците што Ви требаат.

Ако екранот на телефонот е оштетен и ништо не се гледа на него, може да го користите телефонот така што ќе го поврзете со телевизор или монитор преку пресликување на екранот. Ќе Ви треба адаптер со повеќе порти и HDMI кабел за да го поврзете со телевизорот или глувчето.

Покрај тоа, телефонот мора да биде отклучен. Ако препознавањето отисок од прст или лице не функционира, може да одите на страницата Samsung Find My Mobile да се најавите со Вашата сметка на Samsung и да го отклучите. Следете ги следниве чекори за да го поврзете телефонот со телевизор.

Чекор 1. Поврзете го адаптерот со Вашиот телефон, а потоа поврзете го HDMI кабелот со адаптерот.

Чекор 2. Поврзете го другиот крај на HDMI кабелот со HDMI отворот на Вашиот телевизор.

Чекор 3. Откако ќе го вклучите телевизорот, изберете го влезот на кој е поврзан телефонот преку HDMI.

Чекор 4. Откако ќе се поврзе, на телевизорот ќе може да го видите екранот на телефонот, да ги менувате поставките и да правите резервни копии.