Различни начини за полнење на батерија кај паметен телефон Galaxy

Ако кабелот за полнење е правилно поврзан за базата за полнење, ќе видите различни бои во зависност од статусот на полнењето:
 

• Сина: Се полни.
• Зелена: Сосема наполнето.
• Цијан: Поврзано со адаптер со слаба моќност.
• Нема боја: Паметниот телефон не е поврзан со базата за полнење или базата за полнење не е поврзана со изворот на електрична енергија.

Ставете го вашиот паметен телефон Galaxy централно на базата за полнење.  

Ако имате база за полнење со потпора, паметниот телефон можете да го полните и така што ќе го потпрете на потпората. 

Кога паметниот телефон е сосема наполнет, извадете го од базата за полнење. Статусот на полнењето е прикажан на екранот на паметниот телефон со икона на батерија.

Ако LED сијаличките не функционираат како што е опишано, исклучете го полначот од базата за полнење и вклучете го повторно.

Совети за безжично полнење

• Паметниот телефон мора да биде во центарот на базата за полнење. 
• Меѓу паметниот телефон и базата за полнење не смее да има туѓи предмети како што се метални предмети, магнети или картички со магнетни ленти.  
• Задната страна на мобилниот уред и на полначот треба да биде чиста и без прашина.  
• Користете само станици за полнење и приклучни кабли што се одобрени од Samsung, кои имаат соодветен номинален влезен напон.
• Заштитниот капак може да пречи при процесот на полнење. Во таков случај, извадете го заштитниот капак од телефонот.  
• Ако го поврзете кабелот од полначот со паметниот телефон во текот на безжичното полнење, функцијата за безжично полнење нема повеќе да биде достапна.   
• Ако користете база за полнење на места со лош прием, приемот во текот на полнењето можеби нема да успее во целост. 
• Базата за полнење нема прекинувач за вклучување/исклучување. Кога не е во употреба, исклучете ја базата од штекерот за да спречите потрошувачка на енергија.

Ако функцијата за брзо полнење не е активирана, за Android верзија 6.0 и понови, следете ги овие чекори:

Како изгледа полначот за брзо полнење

Совети за брзо полнење

• За користење на функцијата за брзо полнење, екранот на вашиот телефон треба да биде исклучен или тој треба да биде исклучен од струја при полнење на батеријата.   
• За да ја зголемите брзината на полнење, полнете го вашиот уред во Flight Mode (Режим на летање).  
• Кога ја полните батеријата, тоа ќе биде прикажано на панелот за известување и на иконата на батеријата во горниот десен агол на вашиот телефон. 
• Преостанатото време на полнење можете да го проверите на екранот. Реалното преостанато време може да се разликува во зависност од условите за полнење.
• Вградената функција за брзо полнење не може да ја користите кога полните батерија со помош на стандарден полнач на батерии. 
• Ако уредот се загрева или амбиенталната температура се зголемува, брзината на полнење може автоматски да се намали. Ова се случува за да се спречи оштетување на уредот. 
  

• Кога ја полните батеријата првпат, едноставно поврзете го телефонот со испорачаниот полнач и полнете го без оглед кое е нивото на батеријата додека не се наполни до крај. Првите нивоа на батеријата и времињата на полнење може да се разликуваат. 
• За подолг животен век на батеријата, избегнувајте ги нивоата на батеријата од 0%. Батеријата може да ја полните во секое време, одржувајќи го оптималниот опсег од 20-80%.
• Сите уреди за напојување Samsung за паметни телефони се достапни за 100-240 волти. Оваа информација може да ја најдете на единицата за напојување.  Според тоа, вашиот паметен телефон може да го полните во странство на 110 волти.
  

• Ако истовремено го поврзете вашиот мобилен уред за полнач со кабел и го поставите на база за полнење, тој ќе се полни само преку полначот со кабел.