Ако не работи брзото полнење, проверете во поставувањата за да видите дали е вклучена опцијата за брзо полнење.

01 Одете во „Батерија и грижа за уред“ во „Поставувања“ и допрете на „Батерија“.
02 Допрете на „Повеќе поставувања за батерија“.
03 Проверете ја состојбата на „Брзо полнење“, „Супербрзо полнење“ и „Брзо безжично полнење“ во категоријата „Полнење“ во долниот дел.

※ Карактеристиката за брзо полнење не може да се префрли на вклучено/исклучено додека трае полнењето. Не може да вршите брзо полнење на телефонот со обичен полнач. ※ Ако не работи брзото безжично полнење, проверете во поставувањата како што е дадено погоре и задолжително користете брз полнач.

Ако температурата на вашиот уред или на средината е премногу висока или премногу ниска, заштитата на уредот може да ја намалува брзината на полнење.

За стабилно и брзо полнење, препорачуваме да се врши полнењето на собна температура.

Ако полните со USB-кабел поврзан на компјутер, напонот ќе биде понизок отколку кај оригиналниот полнач од Samsung и ќе доведе до бавно полнење.

За да се постигнат најдобри резултати, препорачуваме да се користи оригинален полнач од Samsung.

- Ако има заглавено туѓо тело внатре во USB-портата или кабелот, заштитата на уредот може да го исклучи полнењето заради сопствена заштита.
Отстранете ги туѓите тела со мека четка и обидете се да полните повторно.

- кај безжичното полнење, ако има некакво туѓо тело меѓу уредот и полначот, полнењето може да биде побавно.
Отстранете го туѓото тело и обидете се да полните повторно.

- Ако е забележана влага внатре во USB-портата или кабелот, заштитата на уредот ќе даде известување дека е забележана влага и ќе се исклучи полнењето.
Обидете се повторно кога ќе се исуши влагата.

※ Ако е забележана влага (икона со капка вода), извадете го полначот од уредот. Полнењето со влага може да предизвика корозија на USB-портата и оштетување на уредот.
Ако кородира USB-портата, обратете се во најблискиот сервисен центар за поправка на уредот.

Полнењето може да доцне ако кабелот не е правилно поврзан со уредот или полначот, ако иглата на приклучокот е деформирана заради долго користење или ако површината е рѓосана заради туѓи тела.

Ако продолжи полнењето во оваа состојба, уредот може да се оштети или да се прегрее.
Ви препорачуваме да го посетите вашиот локален Центар за поддршка на Samsung за совет.

Уредот може да се прегрее ако сте го започнале полнењето без да затворите одредени апликации.

Ако мислите дека уредот се прегрева, затворете ги сите отворени апликации и откачете го полначот. Продолжете со полнење откако ќе се излади уредот.

Ако е оштетен USB-кабелот или USB-портата на уредот, може да се прегрее.

Заменете го со нов, оригинален кабел или обратете се во сервисот за да ви го заменат.

- Проверете дали има туѓи метални или магнетни тела меѓу уредот и полначот, отстранете го телото и разделете го уредот од полначот.
Продолжете со полнење откако ќе се излади уредот.

- Ако се полни уредот со футрола на него, може да се прегрее поради затворениот простор.
Продолжете со полнење откако ќе ја извадите футролата.

Ако уредот се полни во жешка средина, на пример во автомобил во текот на жежок летен ден, полнењето може да запре за да се заштити уредот. Обидете се да го полните во посвежа средина.