Не можете да регистрирате уред Samsung во SmartThings

Изберете ги поврзаните опции следејќи ги упатствата прикажани на екранот. 

Кога регистрирате апарат, не можете да продолжите на следниот чекор без да ја изберете опцијата(ите) лоцирани на екранот или панелот или далечинскиот управувач како што е наведено. Ако режимот АП е прикажан и потоа оневозможен на апаратот, изберете ги соодветните опции за да го рестартирате поставувањето во апликацијата SmartThings од почеток. (Кога е овозможено, AP режимот се прикажува пет минути).

Можеби ќе треба да ги исклучите мобилните податоци на телефонот за да може врската да работи. Одете до Поставки, допрете Врски и потоа допрете Употреба на податоци. Допрете го прекинувачот до Мобилни податоци за да го исклучите. Доколку се побара, допрете Исклучи.

Допрете Назад од екранот за користење податоци и потоа допрете Wi-Fi. Ако Bашиот телефон е поврзан на мрежа, допрете ја иконата Поставки веднаш до името на мрежата, а потоа допрете Заборави. Следно, изберете го името на рутерот од списокот Достапни мрежи, внесете ја лозинката за Wi-Fi доколку е потребно, а потоа допрете Поврзи.

• Се препорачува поврзување од 2,4 GHz за поврзување со сите уреди освен телевизори или семејни фрижидери на Wi-Fi мрежа. Користењето Wi-Fi врска од 5 GHz може да предизвика проблеми со поврзувањето со апаратите.
• Не можете да користите врска од 2,4 GHz ако рутерот за Wi-Fi е конфигуриран на 5 GHz. Погледнете во упатството за корисникот доставено со рутерот или контактирајте со Bашиот давател на интернет услуги за да го конфигурирате рутерот и за 2,4 GHz и за 5 GHz.

За да ја проверите конфигурацијата за автентикација и шифрирање на рутерот користејќи го телефонот, одете до и отворете ги Поставки на Bашиот телефон. Допрете Врски, и потоа Wi-Fi. Допрете Повеќе опции (трите вертикални точки), потоа Напредно, и потоа Управување со мрежи. Допрете го името на мрежата со која е поврзан Bашиот телефон.

• Ако се користи метод WPA2 со EAP автентикација, можеби нема да можете да воспоставите врска. Во овој случај, променете го методот за автентикација на рутерот за Wi-Fi и повторно поврзете го уредот.
• Погледнете во упатството за корисникот доставено со вашиот рутер или контактирајте со вашиот давател на интернет услуги за да го ажурирате фирмверот на рутерот до најновата верзија.
• Ако има заштитен ѕид, оневозможете го пред повторно да се обидете да го регистрирате апаратот.

Начините на исклучување ќе се разликуваат помеѓу апаратите и можеби ќе биде потребно да го исклучите напојувањето со копчето за напојување на апаратот само ако не можете да пристапите до кабелот за напојување или напојувањето.

• За да ги направите и двете, едноставно прво исклучете го напојувањето, а потоа исклучете го кабелот за напојување од апаратот. Почекајте 30 секунди, вклучете го кабелот за напојување и вклучете го повторно.

Допрете Неодамни на Bашиот телефон. Во зависност од Bашиот телефон, ќе треба да поминете нагоре, надолу, лево или десно на апликацијата SmartThings за да ја затворите. Потоа, повторно отворете ја апликацијата.

Одете до и отворете ја апликацијата SmartThings, допрете Уреди во лентата за навигација. Допрете Додај (+). Најдете го Bашиот уред со избирање или Скенирај QR-код, Скенирај во близина, По тип на уред или По бренд. Изберете локација и просторија за апаратот, а потоа следете ги упатствата на екранот за да го вклучите режимот АП специфичен за Bашиот апарат.

Одете до и отворете Поставки, допрете Врски, и потоа Употреба на податоци. Допрете го прекинувачот до Мобилни податоци за да го исклучите.

Од телефонот, отворете Поставки > Врски > Wi-Fi. Проверете дали јачината на Wi-Fi за мрежата на која е поврзан телефонот прикажува три или повеќе ленти за сигнал за Wi-Fi.

• Ако иконата за Wi-Fi е прикажана на Bашиот апарат, проверете дали има три или повеќе ленти за сигнал за Wi-Fi.
• Ако апаратите ја користат функцијата Smart Control (режим АП), застанете до апаратот со телефонот за да ја проверите јачината на Wi-Fi за мрежата.

Ако апаратот е предалеку од рутерот, мрежната врска ќе биде нестабилна. Ќе треба да инсталирате дополнителен рутер или повторувач за да ја проширите областа на покриеност за Bашиот дом. Имајте на ум, јачината на сигналот треба да покажува три или повеќе ленти за сигнал за Wi-Fi за да го регистрирате апаратот.