Звук може да стигне до вашиот мозок за 0,05 секунди, многу побрзо од тие 0,2 секунди што се потребни за глетка или допир. Но поважно, звукот ја има таа неверојатна моќ што моментално ве носи на посебни места и сеќавања; Веселите Божиќни песни нè потсетуваат дека празниците се тука, а една песна може да ги оживее моментите од вашиот прв матурски танц.
На ист начин, звуците на брендот ја имаат можноста да го подигнат доживувањето на потрошувачите на следното ниво, правејќи го доживувањето поповрзано со чувствата и повпечатливо. Со оглед на тоа што ја разбираме таа моќ, нашиот тим на дизајнери на звук отсекогаш бараше начини звучно да го изрази брендот Samsung во целото доживување на нашите производи. Во минатите години, дизајниравме импресивни звуци на брендот како што се „Над хоризонтот“ и „Зад хоризонтот“ што ги придружуваат и ги изразуваат пионерските иновации на нашите мобилни уреди и удобната, доверлива практичност на нашите куќни апарати.
Денеска, претставуваме нов звук на брендот што го опфаќа целото семејство Samsung: „Патување“. Создаден со тимска работа што ги интегрира и поедноставува мелодиите на „Над хоризонтот“ и „Зад хоризонтот“, „Патување“ ќе претставува химна на постојаните иновации на Samsung во сите допирни точки за подобрување на вашето доживување со брендот преку нашиот омилен јазик – музиката.
Тој звук на Samsung!
Минималната мелодија од четири ноти на „Патување“ е направена за да го претставува духот на Samsung на непоколеблив пионер кој ги надминува пречките и трасира патеки што треба да ги следат другите. Нејзината прекрасна едноставност овозможува повторно интерпретирање и повторно замислување на партитурата на безброј начини за различни контексти и приказни, истовремено задржувајќи ја целта за создавање на „тој звук на Samsung“ за публиката ширум светот.
Никогаш не запира, дури и за совршенството
Секоја нота на „Патување“ е внимателно поставена за да испорача важна приказна; нашето ветување за гаранцијата и доверливоста на нашите производи и оптимистичкото предвидување за нашите идни иновации.
Мелодијата започнува со чувство на удобност и стабилност.
Почетната нота, „До“(Ц), го претставува силниот почеток што ја трасира нашата патека до нови можности.
Потоа доаѓа префинетата промена на тонот во средината на мелодијата, почнувајќи со „Сол“(Г) и спуштајќи се на „Ми“(Е), изразувајќи ја нашата подготовка за следниот голем чекор.
На крај, последната нота „Ре“(Д) нè остава со отворено чувство на очекување и возбуда кон бескрајно отворена иднина.
Преку овие ноти, „Патување“ ја кани публиката на бескрајното патување на Samsung кон поголемо совршенство.
Една мелодија, различни стилови
Со оглед на тоа што секогаш сакаме да ја испорачаме нашата порака со најсоодветниот тон каде и да нè сретнете, „Патување“ ќе биде достапна во различни верзии изменети врз основа на 4 тоналитети на брендот на Samsung - Смела за доживувањето на чувствата на нашите клиенти, Оригинална за пријатните и шармантни моменти, Современа за охрабрувањето да се пробаат нови начини на размислување и Разиграна за топлината и хуманоста на нашите приказни. Секое дело ќе претставува различни расположенија, наменети за различни контексти и опкружувања. Ајде да запознаеме некои од верзиите подолу!
„Патување“ ќе се слуша во продавници, на офлајн настани, производи, дигитални содржини и многу повеќе како џингл на Samsung, носејќи ве на места што никогаш не сте ги очекувале.
Останете со нас додека „Патување“ продолжува!
Повик до сите пионери
Отсекогаш сме биле и ќе останеме верни на нашиот курс да направиме подобра иднина со нови и возбудливи иновации. И постојано бараме начини да ја пренесеме нашата порака за да може да биде слушната, почувствувана и запомнета.
Затоа го создадовме звукот на брендот; да ве потсетиме на нашиот пионерски дух преку живописно звучно доживување што ги надминува зборовите и сликите. Да го инспирираме секој пионер.
Без разлика каде и кога ќе ја слушнете „Патување“, се надеваме дека ќе ве охрабри да ни се придружите на нашето патување за да го направиме светот подобро место.
