مه‌رج وبڕگه‌كانی فرۆشتن
ڕێكه‌وتننامه
ئه‌م مه‌رج و بڕگانه‌ی خواره‌وه ڕێكه‌وتنێكە له نێوان ئێوه و كۆمپانیای سامسۆنگ ئه‌لیكترۆنیكس لێڤانت/ئوردن (كه دواتر ته‌نها به "سامسۆنگ" ناوده‌برێت)، هه‌روه‌ها بریكاری نا تایبه‌ته ڕێگه‌پێدراوه‌كه‌ی كۆمپانیانی UTS Global FZCO له ڕێگه‌ی كۆمپانیای "انطلاق الحركة الكبيرة" بۆ بازرگانی گشتی و هاوه‌رده‌ی مۆبایل وپێداویستیه‌كانی/سنوردار، كه ئه‌مه كۆمپانیایه‌كی تۆمار كراوه به پێی یاساکانی عێراق و له‌مه‌وبه‌دوا (به جێناوی ئێمه یاخود جێناوی قسه‌كه‌ر ناوده‌برێت).
مه‌رج و بڕگه‌كانی ئه‌م رێكه‌وتننامه‌یه به‌سه‌ر هه‌موو ئه‌و شتانه جێبه‌جێ ده‌كرێت كه سامسۆنگ نمایشی ده‌كات یان ده‌ینافرۆشێت له ڕێگه‌ی ئەو فرۆشگا ئۆنلاینەوە (ئه‌لیكترۆنی)یەوە کە بۆ عێراق تەرخان کراوە، كه دواتر به "مه‌رج و بڕگه‌كان" ناوده‌برێن كه به پێی ئه‌مانه ئه‌و به‌رهه‌مانه (به‌رهه‌م "به‌رهه‌مه‌كان") كه له ماڵپه‌ڕە ئه‌لیكترۆنییەکەمان به‌ر ده‌سته (ماڵپه‌ری ئه‌لیكترۆنی) https://www.samsung.com/iq_ku/. له كاتی فرۆشتنی به‌رهه‌مه‌كانمان له ڕێگه‌ی هه‌ر لایه‌نێكی ده‌ره‌كی دیكه ئه‌م مه‌رج وبڕگانه كاریان پێناكرێت.
ئه‌م مه‌رج و بڕگانه‌ی كه خراونه‌ته‌ڕوو به رێكه‌وتنێك هه‌ژمار ده‌كرێت له نێوان ئێوه و سامسۆنگ ده‌رباره‌ی سەردانی کردنی ماڵپهڕهكه و به‌كارهێنانی ته‌واوی ناوه‌ڕۆكه‌كه‌ی و ئەو به‌رهه‌م و خزمه‌تگوزاریانەی كه پێشكه‌شی ده‌كات، جگە لە کڕینی به‌رهه‌مه‌كان یاخود خزمه‌تگوزارییه‌كان یانیش پێشكه‌ش كردنی هه‌ر داواكاریه‌ك له ڕێگه‌یه‌وه.
داواكاریتان بۆ ئێمه خستنه‌ڕوێكه بۆ كڕینی به‌رهه‌م "به‌رهه‌مه‌كان" كه هه‌ڵتانبژاردوه له سەبەتەی داواكاریه‌كه‌تان. به‌مه‌یش ئاوا هەژمار ده‌كرێن كه ئێوه داواكاریه‌كه‌تان پێشكه‌ش كردوه له لای ئێمه له میانەی پێشكه‌ش كردنی داواكاری به شێوه‌ی پاره‌دان له ڕێگه‌ی ئینته‌رنێته‌وه.
دوای پێشكه‌ش كردنی داواكاری، ئیمه‌یلێكتان پێ ده‌گات له لایه‌ن ئێمه‌وه، تیایدا جه‌خت له‌سه‌ر ئه‌وه ده‌كرێت كه داواكاریه‌كه‌تان له لایه‌ن ئێمه‌وه وه‌رگیراوه، هه‌روه‌ها له نامه ئه‌لیكترۆنیه‌كه ژماره‌ی سه‌رچاوه‌ی داواكاریه‌كه/داواكاریه‌كان له خۆ ده‌گرێت له‌گه‌ڵ وورده‌كارییه‌كانی ئه‌م به‌رهه‌مه كه داواتان كردوه ("دڵنیابوونەوە له وه‌رگرتنی داواكاریه‌كه"). به پێویستی ده‌زانین كه‌وا ئه‌مەتان بۆ ڕوون بكه‌ینەوە كه‌وا دڵنیابونەوە له وه‌رگرتنی داواكاری به مانای ته‌نها ئه‌وه دێت كه‌وا ئێمه داواكاریه‌كه‌مان وه‌رگرتووه و پێمان گه‌یشتووه، ئه‌مه به مانای پەسەند كردنی داواكاریه‌كه‌تان نایه‌ت. سه‌رجه‌م داواكاریه‌كانتان بۆ کڕینی بەرهەم "بەرهەمەکانمان" ده‌بێت له لایه‌ن ئێمه‌وه پەسەند بكرێت. و کاتێک داواكاریه‌كه‌تان پەسەند کراوە کە نامه‌یه‌كتان (بریتییە لە گرێبەستی فرۆشتن) پێدەگات له ڕێگه‌ی ئیمێڵه‌وه بۆ دڵنیابوون له‌وه‌ی كه به‌رهه‌مه‌كه نێردراوه ("دڵنیابوونەوە له ناردن"). له‌وانه‌شه داواكاریه‌كه‌تان ڕەت بكه‌ینه‌وه:(أ) ئه‌گه‌ر به‌رهه‌مه‌كه به‌رده‌ست نه‌بوو؛
(ب) ئه‌گه‌ر فه‌رمانی پاره‌دانه‌كه‌مان پێنه‌گات؛
(ج) ئه‌گه‌ر هه‌ڵه‌یه‌ك له نرخ یان وه‌سفكردنی به‌رهه‌مه‌كه‌دا هه‌بوو؛
(د) ئه‌گه‌ر ئەو پێوەرانەی شایستەیی کە لە خوارەوە لە 'دۆخی تۆ'دا هاتووە، بەدی نەکرێت.
(ه) ئه‌گه‌ر هه‌ڵه‌یه‌ك له نرخه‌كاندا هه‌بوو به پێی بڕگه‌ی 3 له "نرخ و پاره‌دان".گرێبه‌سته‌كه "گرێبه‌ست" له کاتێکدا لە نێوانماندا دروست دەبێت کە ئه‌گه‌ر ئه‌مانه ڕووبده‌ن:
1) کاتێک نامەی دووپاتکردنەوەت بۆ دەنێرین، یان
2) له كاتی بەدەست گەیشتنی به‌رهه‌مه‌كه.تكایه ئه‌م مه‌رج و بڕگانه به باشی بخوێنە و لێی تێبگه پێش ئه‌وه‌ی به‌رهه‌مێك له به‌رهه‌مه‌كانمان داوا بكه‌ی له ڕێگه‌ی ماڵپه‌ڕە ئه‌لیكترۆنییەکەمانەوە. هه‌روه‌ها پێویسته ئاگاداربن لەوەی که لە كاتی پێشكه‌ش كردنی داواكاریه‌كانتان بۆ ئه‌وه‌ی یه‌كێك له به‌رهه‌مه‌كانمان بكڕن، ئه‌وه به مانای ئه‌وه دێت كه ئه‌م مه‌رج و بڕگانه‌تان پەسەند كردوه. ده‌توانن كۆپیه‌ك له‌م مه‌رج وبڕگانه كۆپی بكه‌ن بۆ ئه‌وه‌ی له داهاتوودا به‌كاریبهێنن. ئێمه به شێوه‌یه‌كی یاسایی پابه‌ندین به دابین كردن و فرۆشتنی به‌رهه‌مه‌كان به پێی ئه‌م مه‌رج وبڕگانه.
ئه‌گه‌ر هه‌ر پرسیار یان سه‌رنج یاخود تێبینی یانیش ناڕەزاییەکتان هه‌بوو سه‌باره‌ت به‌م مه‌رج و بڕگانه، ده‌توانن په‌یوه‌ندیمان پێوه بكه‌ن له ڕێگه‌ی ئه‌م ناونیشانه‌ی خواره‌وه:
له ڕێگه‌ی ژماره ته‌له‌فۆنی : 80010080 یان له ڕێگه‌ی ئیمه‌یڵه‌وه: estore.iq@samsung.com
پێشكه‌ش كردنی خزمه‌تگوزاری
داواكاری یاخود گه‌یاندنی به‌رهه‌مه‌كان بۆ ئه‌و ناونیشانانه پەسەند ناكه‌ین كه ده‌كەونە ده‌ره‌وه‌ی کۆماری عێڕاق ("ناوچە").
بارودۆختان
له گه‌ڵ پێشكه‌ش كردنی هه‌ر داواكاریه‌ك له ڕێگه‌ی ماڵپەڕە ئه‌لیكترۆنیه‌كه‌مانه‌وه، گه‌ره‌نتی ئه‌مانه‌ی خواره‌وه ده‌كه‌ن:
(ا) ئێوه لە ڕووی یاساییەوە شیاون بۆ ئه‌نجامدانی گرێبه‌ستی پابه‌ندكار،
(ب) ئێوه گه‌یشتۆنه‌ته ته‌مه‌نی یاسایی به پێی یاسا کارپێکراوەکانی ئه‌و ووڵاته‌ی لێی نیشته‌جێن، هه‌روه‌ها لە ڕووی یاساییەوە شیاون بۆ پابه‌ند بوون به‌م مه‌رج وبڕگانه.
(ج) ئێوه له هه‌رێم نیشته‌جێن،
(د) ئێوه له هه‌رێمه‌وه سه‌ردانی ماڵپه‌ڕه ئه‌لیكترۆنیه‌كه‌مان ده‌كه‌ن، و
(ه) ئێوه تاکێکی تایبه‌تن وبه پشتبەستن بەم سیفه‌ته به‌رهه‌مه‌كان ده‌كڕن،
(و) ئێوه به‌رهه‌مه‌كان ته‌نها بۆ ناوه‌وه‌ی هه‌رێم ده‌كڕن.
مه‌رجه‌كانی به‌كارهێنان
له ڕێگه‌ی به‌كارهێنانی ماڵپه‌ڕی ئه‌لیكترۆنی، و له هه‌ركاتێك كه ماڵپه‌ڕه ئه‌لیكترۆنیه‌كه به‌كارده‌هێنن، ئه‌مه به مانای ئه‌وه دێت كه ئێوه ئه‌و مه‌رج و بڕگانه پەسەند ده‌كه‌ن به ناوی خۆتان، یاخود هه‌ر چۆنێك جێبه‌جێ ده‌كرێت، له ڕێگه‌ی نوێنه‌رایه‌تی كردنی به‌كارهێنانی ماڵپه‌ڕه ئه‌لیكترۆنیه‌كه له لایه‌ن یه‌ك یاخود چه‌ند لایه‌نێكه‌وه، ئه‌گەر ئه‌م مه‌رج وبڕگانه پەسەند ناكه‌ی، ئه‌وا نابێت ماڵپهڕهكه به‌كاربهێنی یاخود سه‌ردانی بكه‌ی.
مافی (به پێی هه‌ڵسه‌نگاندی تایبه‌تمان)، هه‌مواركردنی ئه‌م مه‌رج و بڕگانه‌مان پارێزراوه له هه‌ر كاتێك کە بمانه‌وێ به بێ ڕەزامەندی وەرگرتنی ئێوە، ئەمەش بە بڵاوکردنەوەی مه‌رج وبڕگه هه‌مواركراوه‌كان له ماڵپه‌ڕەکەدا. و پێویستە ئێوەش بە ووردی چاو بەم مه‌رج وبڕگانەدا بخشێننەوە. به‌كارهێنانی ماڵپەڕه‌كه له دوای گۆڕین وهه‌مواركردنی مه‌رج وبڕگه‌كان، به واتای ئه‌وه دێت كه‌وا ئێوه ئه‌م هه‌مواره‌تان په‌سه‌ند كردوه و ڕەزامەندن لەسەری.
ئه‌گه‌ر هه‌ر داواكاریه‌كتان پێشكه‌ش كرد له ماڵپەڕه‌كه‌ماندا، ئه‌وه ده‌بێت ئێوه پابه‌ندی مه‌رج وبڕگه بڵاوكراوه‌كان بن له ماڵپه‌ڕه‌كه‌دا له كاتی پێشكه‌ش كردنی داواكاریه‌كەدا. و لە پاش تەواو بوونی پرۆسەی پارەدان لە ئینتەرنێتەوە داواكاریه‌كه‌تان پێشوه‌خته ئاماده ده‌كرێت.
هەژماری به‌كارهێنه‌ران
-
بۆ ئه‌وه‌ی سوود له هه‌ندێك تایبه‌تمه‌ندی ماڵپه‌ڕەکە وه‌ربگرن، ده‌توانن وورده‌كاریه‌كانی چوونه ناو هەژماری سامسۆنگ به‌كاربهێنن، ئه‌گه‌ر ئه‌كاوه‌نتی سامسۆنگتان نه‌بوو، له‌وانه‌یه داوای ئه‌كاوه‌نتی به‌كارهێنه‌ری نوێت لێ بكرێت له سامسۆنگ ("هەژماری سامسۆنگ"). وده‌توانن ماڵپهڕهكه وه‌كو سه‌ردانیكه‌ر به‌كاربهێنن.
ئه‌م مه‌رج و بڕگانه ته‌واوكه‌ری مه‌رج وبڕگه‌كانی به‌كارهێنانی خزمه‌تگوزاری هەژماری سامسۆنگه كه لەم لینكەی خواره‌وه‌دایە: https://account.samsung.com/membership/terms
مه‌رج و بڕگه‌كانی خزمه‌تگوزاری هەژماری سامسۆنگ به‌شێكی دانه‌بڕاوی ئه‌م مه‌رج وبڕگانه‌یه. له ئه‌گه‌ری بوونی هەر ناکۆکییەک یان جیاوازییەک لە نێوانیاندا، كار به‌م مه‌رج وبڕگانه ده‌كرێت. و به‌رپرسیار دەبن له هه‌ر چالاكیه‌ك له هەژمارەکەتاندا ئەنجام دەدرێت و له پاراستنی ووشه‌ی نهێنی "پاسۆرد".
به‌ڵێن ده‌ده‌ن كه‌وا ده‌بێت ڕاستەوخۆ سامسۆنگ ئاگادار بكرێتەوە له ئه‌گه‌ری بوونی هه‌ر سەرپێچییەکی ئه‌منی یاخود به‌كارهێنانێكی ڕێگه پێنه‌دراو لە هەژمارەکەتتدا. ئێمه به هیچ شێوه‌یه‌ك به‌رپرس نین له‌و زه‌ره‌ر وزیانه‌ی كه ڕووبەڕووی دەبنەوە له ئه‌نجامی به كارهێنانی هەژمارەکەتان به بێ ئاگاداریی و بە بێ ڕێگەدان.
نرخ و پاره‌دان
نرخی به‌رهه‌مه‌كانمان له ماڵپەڕه ئه‌لیكترۆنیه‌كه‌دا ماوه ماوه ڕاده‌گه‌ێنرێت، جگه له‌م حاڵه‌تانه‌ی كه تیایدا هه‌ڵه‌یه‌كی به‌رچاو ڕووده‌ات. ئەو نرخەی لە ماڵپەڕەکەماندا بۆ بەرهەمەکان دیاری کراوە، پارەی گەیاندن ناگرێتەوە کە بە جیا لە ماڵپەڕەکەماندا دیاری کراوە.
نرخی به‌رهه‌مه‌كان و کرێی گه‌یاندن له هەموو کاتێکدا قابیلی گۆڕانكارین، ئه‌م گۆڕانكاریانه کاریگەری لەسەر ئه‌و داواكاریانه نییە كه پێشتر په‌یامی ("پشتڕاستکردنەوەی ناردن") مان دەربارەیان ناردوه.
سامۆنگ بە مافی خۆی دەزانێت هەر داواکارییەک ڕەت بکاتەوە لە کاتی ڕوودانی گۆڕانکارییەکی زۆر لە ئاڵوگۆڕی دراودا، کاتێک داواکە دەگەیەنێت.
ماڵپەڕە ئه‌لیكترۆنییەکەمان ژماره‌یه‌كی زۆر له به‌رهه‌م له‌خۆ ده‌گرێت، هه‌رچه‌نده هه‌وڵ وكۆششێكی زۆر ده‌ده‌ین بۆ ئه‌وه‌ی هه‌ڵه له نرخه‌كان ڕوونه‌دات، به‌ڵام له‌وانه‌یه هه‌ندێك جار له ماڵپه‌ڕه ئه‌لیكترۆنیه‌كه‌ماندا نرخه‌كان به هه‌ڵه دابنرێت. و وه‌كو ئه‌ركێكی ڕۆتینی و سروشتی و وه‌ك به‌شێك له ڕێوشوێنه بەکارهاتووەکان له پرۆسه‌ی ناردنی به‌رهه‌مه‌كان، دووباره نرخه‌كان دەپشکنین ، تەنانەت ئه‌گه‌ر نرخی به‌رهه‌مه‌كه كه‌متر بوو له‌وه‌ی كه به هه‌ڵه ڕاگه‌ێنراوه، له‌م دۆخه‌دا کرێكه‌تان بە كه‌متر بۆ دیاری ده‌كه‌ین له كاتی ناردنی به‌رهه‌مه‌كه‌دا. ئه‌گه‌ر نرخه‌كه له نرخه ڕاگه‌یندراوه‌كه زیاتر بوو له‌وه‌ی كه له ماڵپه‌ڕه ئه‌لیكترۆنیه‌كه‌مان ڕاگه‌ێنراوه، ئه‌وه به پێی هه‌ڵسه‌نگاندنمان، یان به شێوه‌یه‌كی سروشتی پەیوەندیتان پێوە دەکەین لە ڕێگەی تەلەفۆنەوە بۆ ئه‌وه‌ی رێنماییه دەرچووەکانتان پێ ڕابگەیەنین پێش ناردنی به‌رهه‌مه‌كه ، یاخود داواكاریه‌كه‌تان ڕه‌ت بكه‌ینه‌وه وئاگادارتان بكه‌ینەوە كه داواكاریه‌كه‌تان ڕه‌ت كراوه‌ته‌وه. و ئه‌گه‌ر هه‌ڵه‌ی نرخاندنه‌كه زۆر به زه‌قی دیاری كرابوو و زۆر به ڕوونی له لایه‌ن ئێوه‌وه بارودۆخه‌كه دیاری كراوه كه هه‌ڵه‌یه، ئه‌وه له‌م حاڵه‌ته‌دا ناچارنین به‌رهه‌مه‌كه‌تان به نرخه هه‌ڵه‌كه (كه‌مه‌كه) بۆ بنێرین.
ده‌كرێ پاره‌ی سه‌رجه‌م ئه‌و به‌رهه‌مانەی كه له كۆماری عێراق کڕدراوە لە ناوچە ئاماژه‌پێكراوه‌كانی سه‌ره‌وه، به شێوه‌ی كاش بدرێت له‌كاتی بەدەست گەیشتنی بەرهەمەکە، و پاره‌كه له‌لایه‌ن لایه‌نێكی ده‌ره‌كی به ناوی ئێمه‌وه وه‌رده‌گیرێت.
ده‌بێت كۆپیه‌ك له تۆماری مامەڵه‌كان و سیاسه‌ته‌كان وڕێساكان كه پێشكه‌شتان ده‌كه‌ین، له لای خۆتان بپارێزن.
سیاسه‌تی گه‌یاندن
سامسۆنگ هه‌ڵده‌ستێت به ئه‌ركی گه‌یاندنی به‌رهه‌مه‌كان بۆ ناونیشانی شوێنی مه‌به‌ستی ڕاست و دروست لە ناوەوەی عێڕاق و پێویسته له‌سه‌ر کەسی داواکار ناسنامه‌ی باری كه‌سی كه ڕێكه‌وته‌كه‌ی به‌سه‌ر نه‌چووه پێشكه‌ش بكات، و ده‌بێت ناسنامه‌كه وێنه‌یه‌كی كه‌سی له‌خۆ بگرێت بە مەبەستی وەرگرتنی داواکارییەکان لەسەر بنەمای ناسنامەکە، هه‌روه‌ها ده‌بێت ناوه‌كه له‌گه‌ڵ وورده‌كاری ئەو ناوەدا یەک بێت کە داواكارییه‌كه‌ی پێشکەش کردوە. سه‌رجه‌م داواكارییه‌كانت له ڕێگه‌ی ئه‌و هاوبه‌شه‌وە پێدەگات كه هه‌ڵده‌ستێت به ئه‌ركی گه‌یاندن و ئێمه كاری له‌گه‌ڵدا ده‌كه‌ین.
سامسۆنگ هه‌ڵده‌ستێت به گه‌یاندنی ئه‌و به‌رهه‌مانه‌ی كه ده‌یانكڕن بۆ ئه‌و ناونیشانه‌ی كه له‌و هه‌رێمه‌دایە (به له‌به‌ر چاو گرتنی بڕگه‌ی 1 له سیاسه‌تی گه‌یاندن) كه ئێوه له كاتی پێشكه‌ش كردنی داواكاریه‌كه‌تان دیاری ده‌كه‌ن. خاوه‌نداریه‌تی به‌رهه‌مه‌كه بۆ ئێوه ده‌بێت دوای ئه‌وه‌ی به‌رهه‌مه‌كه ده‌گاته ئه‌و ناونیشانه‌ی كه له داواكاریه‌كه‌دا دیاری كراوه وپاش دانی پاره‌ی به‌رهه‌مه‌كه به شێوه‌یه‌كی ته‌واو. هه‌روه‌ها ئێوه به‌رپرسن له وونبوون، دزین وتێكچوونی ئه‌و به‌رهه‌مه‌ی كڕیوتانه دوای ئه‌وه‌ی ده‌گاته ئه‌و ناونیشانه‌ی كه‌داواكارییه‌تان لێی دیاری كردوه، ئه‌مه جگه له‌م حاڵه‌تانه كه پێچه‌وانه‌ی ئه‌مانه‌یه به پێی مه‌رج وبڕگه‌كان.
ئه‌گه‌ر به‌رهه‌مه‌كه له کاتی دیاریکراوی خۆیدا نەگەیشت، واتە ئەو کاتەی کە له نامه‌ی دووپاتکردنەوەکەدا پێت گەیشتووە ، پێویستە په‌یوه‌ندیمان پێوه بكەن له ڕێگه‌ی ئه‌م ئیمه‌یڵه‌وه estore.iq@samsung.com یاخود په‌یوه‌ندیمان پێوه بكه‌ن به ژماره ته‌له‌فۆنی: 80010080
* له‌وانه‌یه داواكاریه‌كه‌ت دره‌نگ پێ بگات به هۆی هه‌ندێك بارودۆخی چاوەڕوان نه‌كراوەوە.ئه‌گه‌ر ڕه‌تی وه‌رگرتنی هه‌ر به‌رهه‌مێكتان کرد كه داواتان كردبوو یاخو وەرتان نەگرت، جگه له‌وه‌ی كه‌وا هۆكاری ڕه‌تكردنه‌وه‌كه بۆ تێكچوونێكی به‌رچاو بگه‌ڕێته‌وه و له كۆمپانیای گواستنه‌وه سه‌رچاوه‌ی گرتبێ یاخود به هۆی یه‌كێك له‌م هۆكارانه‌ی خواره‌وه له چوارچێوه‌ی گهڕاندنهوهی به‌رهه‌مه‌كان نه‌بێت، ئه‌وه له‌م حاڵه‌ته‌دا ئێوه به‌رپرسیاریه‌تی وونبوونی یاخود دزران یان تێكچوونی به‌رهه‌مه‌كه له ئه‌ستۆ ده‌گرن، ئه‌و جگه له‌مانە هەر مافێك و ڕێكارێكمان كه هه‌یه سنوردار ناكرێت:
أ.مافی داواكردنی پاره‌ی ته‌واوی به‌رهه‌مه‌كانمان هه‌یه كه بۆ ناونیشانی خوازراومان ناردووه، بە تێچووی گه‌یاندن و هه‌ر کرێیەكی بەستن كه له چ كاتێكدا جێبه‌جێكرا، وب.سامسۆنگ بە مافی خۆی دەزانێت به‌رهه‌مه‌كان به‌و جۆرە بنرێت كه به گونجاوی ده‌زانێت، وله ئه‌گه‌ری ڕه‌تكردنی وه‌رگرتنی به‌رهه‌مه‌كه، و بەرپرسیار دەبن لە هەر تێجوویەکی زیادە کە دەرئەنجامی ڕەتکردنەوەی بەرهەمەکان یان وەرنەگرتنیان ڕووبدات .
ئه‌گه‌ر وه‌ڵامی په‌یوه‌ندی ته‌له‌فۆنی و / یان ئیمیه‌لی ئه‌لیكترۆنی تایبەت بە داواکارییەکەت نه‌دایەوه، سامسۆنگ بۆ ماوەی 3 ڕۆژ هەوڵی دووپاتکردنەوەی داواکەت دەدات، پاشی ئەوە سامسۆنگ مافی هه‌ڵوه‌شاندنی داواكاریه‌كه‌تی هه‌یه.
سیاسه‌تی گه‌ڕاندنه‌وه
ده‌رباره‌ی ئامێره‌كانی ماڵه‌وه و ئامێرەکانی ته‌له‌فزیۆن و ئه‌و ئامێرانه‌ی كه له‌به‌رده‌كرێن و تابلێتەکان و جوانکارییه‌كان، ده‌كرێ ئه‌م جۆره ئامێرانه بگه‌ڕێندرێنه‌وه پێش پرۆسه‌ی پاره‌دان و پێش ئەوەی واژوو بکرێت له سه‌ر پسوولەی وه‌رگرتن.
سیاسه‌تی گهڕاندنهوهی ته‌كنیكی
له كاتی وه‌رگرتنی به‌رهه‌مه‌كه پێویسته زۆر به باشی بیپشکنی. ئه‌گه‌ر كه‌م وكوڕییه‌كه‌تان دۆزیه‌وه یاخود زیاده‌یه‌كی له گه‌یاندندا هەبوو / یاخود گومانی ئه‌وه‌تان بۆ دروست بوو كه‌وا به‌شێكی به‌رهه‌مه‌كه‌تان وون بووه یان هه‌ر نیشانه‌یه‌كی تێكچوون له‌سه‌ر به‌رگی ده‌ره‌وه‌ی پاكێتی به‌رهه‌مه‌كه تێبینی كرا (وه‌كو شوخت یان دڕاندن یاخود له‌كه و شتی دیكه) یانیش شوێنەواری ده‌ستكاریكردنی به‌رهه‌مه‌كه (وه‌كو بوونی شوێنەواری یان هه‌وڵی كردنه‌وه‌ی به‌رهه‌مه‌كه یان كردنه‌وه‌ی مادده داپۆشەرە‌كه‌ی یاخود دووباره پێچانەوەی به تیپ یانیش هتد) یان خراپ به‌كارهێنانی، له‌م حاڵه‌تانه‌دا تكایه په‌یوه‌ندی بکە به ژماره‌ی سه‌نته‌ری كڕیارانمان كه له‌سه‌ره‌وه ئاماژەی پێکراوە یاخود په‌یوه‌ندیمان پێوە بكه له ڕێگه‌ی ئه‌م ئیمه‌یڵه‌وه: estore.iq@samsung.com
أ. ئه‌گه‌ر ده‌ركه‌وت له‌كاتی وه‌رگرتنی به‌رهه‌مه‌كه‌ت، عه‌یبداره به هۆی كێشه‌یه‌ك له كوالیتی (بۆ نمونه، كێشه له ووزه، یان كێشه‌یه‌كی هه‌بوو له كوالیتی شاشه‌كه، یان كێشه‌ی هه‌بوو له ئه‌ركه‌كانی، یانیش پارچه‌ی کەم بوو)، له‌م حاڵه‌ته‌دا ده‌توانی به‌رهه‌مه‌كه له ماوه‌ی 7 ڕۆژ له ڕێكه‌وتی وه‌رگرتنی ئامێره‌كانی مۆبایل، تابلێتەکان، ئه‌و ئامێرانه‌ی كه له به‌ردەكرێن، جوانکارییه‌كان به شێوه‌ی ته‌كنیكی بگه‌ڕێندرێنه‌وه.
ب. سه‌باره‌ت به ئامێره‌كانی ماڵه‌وه و ئامێره‌كانی ته‌له‌فزیۆن، ئه‌وه له‌م حاڵه‌ته‌دا ده‌توانن له ماوه‌ی 14 ڕۆژی كار به‌رهه‌مه‌كه به هۆی گه‌ڕاندنەوەی ته‌كنیكی بگه‌ڕێننه‌وه، هه‌روه‌ها نابێت به‌رهه‌مه‌كه له‌و شوێنەی خۆی كه بۆی نێردراوه، بیگوازیته‌وه شوێنێكی دیكه. تكایه له‌م حاڵه‌ته‌دا پێویسته سه‌رجه‌م پارچه‌كان و كارتۆنی گواستنەوەی ئۆریجناڵ و ماددە داپۆشەرەکانی به‌رهه‌مه‌كه لەگەڵ بەرهەمەکەدا به یه‌كه‌وه بگەڕێندرێنەوە. ئه‌گه‌ر به‌رهه‌مه‌كه له ماوه‌ی پێنج (5) ڕۆژ له‌و ڕێكکه‌وته‌ی كه په‌یوه‌ندیت به سامسۆنگه‌وه كرد وه‌رنه‌گیرایه‌وه، تكایه پێویسته په‌یوه‌ندی بکەیت به ژماره‌ی سه‌نته‌ری كڕیارانمان كه له‌سه‌ره‌وه ئاماژەی پێکراوە یاخود په‌یوه‌ندیمان پێوە بكه له ڕێگه‌ی ئه‌م ئیمه‌یڵه‌وه: estore.iq@samsung.com
بۆ داواكاری گهڕاندنهوهی ته‌كنیكی ئامێره‌كانی مۆبایل، تابلێت، ئه‌و ئامیرانه‌ی له‌به‌ر ده‌كرێن، جوانکارییه‌كان، پێویسته ئه‌م خاڵانه‌ی خواره‌وه ڕەچاو بکرێن:i. تكایه سه‌ردانی نزیكترین سه‌نته‌ری باوه‌ڕپێكراوی سامسۆنگ بكه، یاخود په‌یوه‌ندی به سه‌نته‌ری خزمه‌تگوزاری كڕیارانی سامسۆنگه‌وه بكه له‌ڕێگەی ئه‌و ژمارانه‌ی كه له‌سه‌ره‌وه ئاماژەی پێکراوە.
ii. دوای ئه‌وه‌ی به‌رهه‌مه‌كه‌ت دایەوە بە سه‌نته‌ری خزمه‌تگوزارییه باوه‌ڕپێكراوه‌كه‌ی سامسۆنگ ، تاقیکردنەوەی دیاری كردنی كێشه‌كه‌ی بۆ ده‌كرێت به مه‌به‌ستی دڵنیابوون له‌وه‌ی ئایا به‌رهه‌مه‌كه عه‌یبداره یاخود نا. سامسۆنگ هیچ به‌رپرسیاریه‌تێك هه‌ڵناگرێت له ئه‌گه‌ری وونبوون و سڕینه‌وه‌ی هه‌ر جۆره داتایه‌ك به هۆی ئه‌نجامدانی ئه‌م تێسته سه‌ره‌تاییه.
iii. ئه‌گه‌ر ده‌ركه‌وت به‌رهه‌مه‌كه عه‌یبداره (له‌سه‌ر بنه‌مای ئه‌و هۆكاره‌ی كه داواكاری گه‌ڕاندنه‌وه‌ت بۆ كردووه)، له‌م حاڵه‌ته‌دا مه‌رجه‌كانی جێبه‌جێ كردنی گه‌ره‌نتی سامسۆنگ جێبه‌جێ ده‌كرێت، كه ئه‌مه چاكردنه‌وه یاخود گۆڕین یانیش گەڕاندنەوەی پاره له خۆ ده‌گرێت. بۆ زانیاری زیاتر تكایه سه‌ردانی ئه‌م ماڵپه‌ڕه‌ی خواره‌وه بكه: https://www.samsung.com/iq_ku/support/warranty/
iv. ئه‌گه‌ر ده‌ركه‌وت كه‌وا به‌رهه‌مه‌كه هیچ كێشه‌یه‌كی نییه (له‌سه‌ر بنه‌مای ئه‌و هۆكاره‌ی كه داواكاری گه‌ڕاندنه‌وه‌ت بۆ كردووه)، له‌م حاڵه‌ته‌دا به‌رهه‌مه‌كه‌ت بۆ ده‌گه‌ڕێندرێته‌وه و هیچ بڕه پاره‌یه‌كیشت بۆ ناگه‌ڕێندرێته‌وه.
پ. هەنگاوەکانی داواكاریی گهڕاندنهوهی ته‌كنیكی ئامێره‌كانی ماڵه‌وه و ته‌له‌فزیۆن:i. په‌یوه‌ندی کردن به سه‌نته‌ری خزمه‌تگوزاری كڕیارانی سامسۆنگەوە به ڕێگەی ئه‌و ژمارانه‌ی كه له‌سه‌ره‌وە ئاماژەی پێکراوە كراوه.
ii. سه‌نته‌ری په‌یوه‌ندی كردنی تایبه‌ت به ئێمه، هه‌ڵده‌ستێت به دیاری كردنی ئه‌ندازیارێكی خاوه‌ن ئه‌زموون به مه‌به‌ستی سه‌ردانی كردنت بۆ ئەوەی ئامێرەکەت بۆ بپشکنێت یان ڕێنمایی پێویستت ده‌داتێ بۆ ئه‌وه‌ی به‌رهه‌مه‌كه بگوازیته‌وه نزیكترین سه‌نته‌ری خزمه‌تگوزاری باوەڕپێكراو یان / و خزمه‌تگوزاری لە ماڵەوە یان/و خزمه‌تگوزاری گوێزراو به پشت به‌ست به جۆری به‌رهه‌مه‌کەت به‌م شێوه‌ی خواره‌وه:
جۆری خزمه‌تگوزاری به‌رهه‌م خزمه‌تگوزاری گوێزراو (سه‌ردانی كردنی كڕیاره‌كان بۆ سه‌نته‌ره‌كانی خزمه‌تگوزاری) ته‌له‌فزیۆنی شاشه‌ی 32 ئینج یاخود كه‌متر، مایكرۆوه‌یڤ، گسكی كاره‌بایی خزمه‌تگوزاری لە ماڵەوە (پسپۆرێكی ته‌كنیكی سه‌ردانی كڕیارەکە ده‌كات) ته‌له‌فزیۆنی شاشه‌ی 32 ئینج گه‌وره‌تر، سه‌لاجه، جلشۆر، قاپشۆر، ووشککەرەوەی قژ، ئامێری چێشتخانه‌ی به یه‌كەوە لكێنراو، ئامێره‌كانی سپلیت. iii. ئه‌گه‌ر ده‌ركه‌وت كه‌وا به‌رهه‌مه‌كه عه‌یبداره (له‌سه‌ر بنه‌مای ئه‌و هۆكاره كه داواكاری گه‌ڕاندنه‌وه‌ت بۆ كردووه)، له‌م حاڵه‌ته‌دا مه‌رجه‌كانی جێبه‌جێ كردنی گه‌ره‌نتی سامسۆنگ جێبه‌جێ ده‌كرێت، كه ئه‌مه چاكردنه‌وه یاخود گۆڕین یانیش گەڕاندنەوەی پاره له خۆ ده‌گرێت. بۆ زانیاری زیاتر تكایه سه‌ردانی ئه‌م ماڵپه‌ڕه‌ی خواره‌وه بكه:
https://www.samsung.com/iq_ku/support/warranty/
iv. ئه‌گه‌ر ده‌ركه‌وت كه‌وا به‌رهه‌مه‌كه هیچ كێشه‌یه‌كی نییه (له‌سه‌ر بنه‌مای ئه‌و هۆكاره كه داواكاری گەڕاندنه‌وه‌ت بۆ كردووه)، له‌م حاڵه‌ته‌دا به‌رهه‌مه‌كه‌ت بۆ ده‌گه‌ڕێندرێته‌وه و هیچ بڕه پاره‌یه‌كیشت بۆ ناگەڕێندرێته‌وه.
هه‌ندێك بنه‌مای گشتی بۆ گەڕاندنه‌وه‌ی به‌رهه‌م
وه‌كو به‌شێك له پرۆسه‌ی گەڕاندنه‌وه، كار ده‌كه‌ین بۆ پارێزگاری كردن له نهێنی ئێوه. لەبەر ئەوە، پێش ئه‌وه‌ی به‌رهه‌مه‌كه بگەڕێندرێته‌وه، ئێوه به‌رپرسیاریه‌تی سڕینەوەی هه‌ر زانیاریه‌كی نهێنی یان تایبه‌ت یاخود كه‌سیی له ئه‌ستۆ ده‌گرن، ئه‌مه هه‌ڵوه‌شاندنەوەی کارا کردنی G-mail و هه‌ر هەژمارێکی دیكه كه په‌یوه‌ندیدار بێت به به‌رهه‌مه‌كه وسڕینه‌وه‌ی سه‌رجه‌م داتا وناوه‌ڕۆكی تۆماركراو ده‌رباره‌ی به‌رهه‌مه‌كه دەگرێتەوە. ده‌رباره‌ی مۆبایلەکە، تكایه پێویسته سه‌رجه‌م داتا كه‌سییه‌كان له ته‌له‌فۆنه‌كەدا بسڕیته‌وه پێش گەڕاندنەوەی، ئه‌مه‌یش بەم ڕێگایانەی خواره‌وه:
- بڕۆ بۆ لیستی "ڕێکخستنەکان" (سێتینگ).
- "بەڕێوه‌بردنی گشتی" هه‌ڵبژێره.
- "دووبارە ڕێکخستن" هه‌ڵبژێره.
- "دووبارە ڕێکخستنەوەی داتای کارگە" هەڵبژێرە.
- "دووبارە ڕێکخستنەوەی ئامێره‌كه" هەڵبژێرە (ئامێره‌كه شێوازی به‌كارهێنانی ده‌وێ/ژماره‌ی ناساندنی كه‌سیی).
- بژارده‌ی "هه‌موو شتێك بسڕه‌وه" هه‌ڵبژێره.
- تكایه پێش سڕینەوەی داتاكان، دڵنیابه له‌وه‌ی كه سه‌رجه‌م داتاكانت لە لای خۆت تۆمار كردوه. و به پێی یاسای بەکارهاتوو، سامسۆنگ هیچ به‌رپرسیاریه‌تیه‌ك هه‌ڵناگرێت سه‌باره‌ت به وون بوونی هه‌ر داتایه‌ك یاخود ناوەڕۆكێکی تۆماركراو له به‌رهه‌مه‌كه‌دا یاخود دۆزینه‌وه‌ی یانیش له ناوبردنی، هه‌روه‌ها سامسۆنگ به‌رپرسیارێتی دووباره گەڕاندنەوەی هیچ داتایه‌ك یاخود ناوه‌ڕۆكێكی تۆماركراو له به‌رهه‌مه‌كه‌دا ناگرێتە ئەستۆ.كۆمپانیاکانی په‌یوه‌ندی بێ ته‌ل سیاسه‌تی جیاواز بۆ هه‌ڵوه‌شاندنی خزمه‌تگوزارییه‌كانیان په‌یڕه‌و ده‌كەن. ئێوه به ته‌نیا به‌رپرسیارێتی هه‌ر کرێیەکی یان هه‌ر خزمه‌تگوزاریه‌كی تایبه‌ت به به‌رهه‌مه‌كه له ئه‌ستۆ ده‌گرن. سامسۆنگ به هیچ شێوه‌یه‌ك به‌رپرسیار نییه له هه‌ر بڕه پاره‌یه‌ك یان رسوماتێك یاخود تێچووێك (له نێوانیان رسوماتی كۆتایی پێهێنان) كه له لایه‌ن كۆمپانیا بێ ته‌لەکانەوە سه‌پێنراوه. ده‌بێت ئێوه په‌یوه‌ندی به كۆمپانیای په‌یوه‌ندی بێ ته‌لەوە بكه‌ن بۆ زانینی ئه‌و سیاسه‌تانه‌ی كه په‌یڕه‌وی ده‌كات.
خزمه‌تگوزاری گه‌یاندن و به‌ستن :
وەرگرتنی به‌رهه‌مه‌كانی مۆبایل و ئامێره‌كانی ته‌له‌فزیۆن و ئامێره‌كانی ماڵه‌وه 1-3 ڕۆژی كاره، له ڕێکه‌وتی گەیشتنی نامه‌ی ئه‌لیكترۆنی بۆ ڕێكه‌وتی ناردنی داواكاری.
گه‌یاندن دواناخرێت له‌زیاتر له 10 ڕۆژی كار. ئه‌گه‌ر پرۆسه‌ی گه‌یانن له ماوه‌ی 10 ڕۆژی كار ئه‌نجام نه‌درا، ئه‌وه داواكاریه‌كه‌ی خودکارانە هەڵدەوەشێنرێتەوە.
گه‌یاندن و به‌ستن ده‌بێت له یه‌ك سه‌رداندا ئه‌نجام بدرێت. نابێت به‌ستن بۆ ڕێكه‌وتێكی دیكه دوابخرێت.
ئه‌و به‌رهه‌مانه‌ی كه سامسۆنگ هه‌ڵده‌ستێت به ئه‌ركی به‌ستنی بریتین له ته‌له‌فزیۆن، ساردکەرەوە، جلشۆر، قاپشۆر، ووشککەرەوە و سپلیت.
ده‌باره‌ی ئامێره‌كانی ته‌له‌فزیۆن، شاشه‌ی بچووكتر له 49 ئینج خزمه‌تگوزاری به‌ستنه‌وه نایگرێتەوە.
مه‌رجه تایبه‌ته‌كان ده‌رباره‌ی كڕینی به‌رهه‌مه‌كانی سپلیت
پێویسته کڕیار، دڵنیابێت له‌وه‌ی كه قه‌باره‌ی ئامێره دیاریكراوه‌كه گونجاوه بۆ ڕووبه‌ره‌كه له ڕووی سه‌رما/گه‌رما.
أ. به‌ستن ته‌نها ئه‌و بۆریه مسانه ده‌گرێتەوە كه درێژیه‌كه‌ی 4 مه‌تره.
ب. نرخی هه‌ر مه‌ترێكی بۆڕی 19,000 دیناری عێڕاقییە (نۆزدە هەزار دیناری عێڕاقی).
ج. ماوه‌ی گه‌ره‌نتی سپلیت یه‌ك ساڵه و له ڕێكه‌وتی كڕینیەوە ده‌ست پێ ده‌كات.
د. ماوەی گەرەنتی 10 ساڵە بۆ کۆمپرێسەرەکە و کڕیار دەبێت هەر تێچووییەکی کار /یان گواستنەوە بدات دوای تەواوبوونی ماوەی گەرەنتی بەرهەمهێنەر دوای ساڵی یەکەم.
ه. به‌ستن هیچ كارێكی زیادەی شارستانی یان كاره‌بایی یاخود كانزایی له خۆ ناگرێت.
و. به‌ستنی یه‌كه‌ی ده‌ره‌كی تەنها له‌سه‌ر بنه‌مایه‌كی كانزایه.
ز. نرخه‌كه لێكردنه‌وه‌ی سپلیتی كۆن له خۆ ناگرێت.
ح. پێش گەیاندن دەکرێت سپلیتەکە بگەڕێندرێتەوە.
گه‌ره‌نتی به‌رهه‌م
له‌گه‌ڵ به‌رهه‌مه‌كانی سامسۆنگدا گه‌ره‌نتی كۆمپانیاتان پێدەگات. ده‌توانن لە وورده‌كارییەکانی گه‌ره‌نتی كۆمپانیا بکۆڵنەوە له ڕێگه‌ی ئه‌و به‌ڵگانه‌وه كه له‌گه‌ڵ به‌رهه‌مه‌كه‌تان هاوپێچ ده‌كرێت. له‌وانه‌یه داوای ئه‌وه‌تان لێ بكرێت ناوتان تۆمار بكه‌ن به مه‌به‌ستی سوود وه‌رگرتن له گه‌ره‌نتیه‌كه یان هه‌ر گه‌ره‌نتیه‌كی درێژخایەن.
به‌رپرسیاریه‌تیه‌كان و گه‌ره‌نتیه‌كان
له‌گه‌ڵ سه‌ردانیكردنتان بۆ ماڵپەڕه‌كه، به مانای ئه‌وه دێت كه ئه‌مانه‌ی خواره‌وه‌ت پەسەند كردووه:
سه‌رجه‌م ئه‌و زانیاریانه‌ی كه پێشكه‌شی ده‌كه‌ن ڕاست ودروست و وورد و ته‌واون.
هەڵگرتنی بەرپرسیارێتی سەرجەم کرێ، باجی گومرک، باجه‌كان، به‌رپرسیارێتیه داراییه‌كانی دیكه كه ده‌كه‌وێته سه‌ر به كارهێنانی ماڵپەڕه‌كه یان ئه‌كاوه‌نته‌كه.
ڕەزامەندی دان لەسەر کۆکردنەوەی سه‌رجه‌م ئه‌و داتا كه‌سییانەی كه پێشه‌كه‌شی ده‌كه‌ن له ڕێگه‌ی ماڵپهڕهكه و به‌كارهێنان و لێکۆڵینەوە کردن لێیان به پێی مه‌رجەکانی سیاسەتی تایبەتێتی ئێمه.
خستنه‌ڕوو وپەسەند کردن وپێشكه‌ش كردنی داواكاری
ئەو بەرهەم و خزمەتگوزاریانەی کە لە ماڵپەڕه‌كه‌دا ڕیکلامیان بۆ دەکرێت یان باس دەکرێن بانگهێشتێکن بۆ ئەوەی داواكاری پێشکەش بە سامسۆنگ بکەیت بۆ کڕینی بەرهەم و خزمەتگوزارییەکانی و ئۆفەرێک نین بۆ فرۆشتنیان. پێشكه‌ش كردنی داواكاری بۆ ئێمه له ڕێگه‌ی ته‌واوكردنی ڕێككاره‌كانی پاره‌دان بۆ سامسۆنگ بۆ كڕینی به‌رهه‌مه‌كان یاخود خزمه‌تگوزاریه ئاماژه پێ كراوه‌كان له داواكارییه‌كانتان دەکرێت.
خاوه‌نداریه‌تی ماڵپه‌ڕ
سامسۆنگ خاوه‌نی یاخود سه‌رجه‌م مافه فكرییه‌كانی ماڵپهڕهكه وناوه‌ڕۆكه‌كه‌یه‌تی، ئه‌مه بۆ نمونه مافه‌كانی دەرهێنان و بڵاوكردنه‌وه و مافی هێما بازرگانییەکان و زانیارییه‌كان ودەقەکان و ئایکۆنه‌كان و خسته‌ڕوو و ڕێكخستن وگرته ڤیدیۆكان و ده‌نگ و وێنه گرافیكیه‌كانی ماڵپهڕهكه ("ناوەڕۆك"). به‌كارهێنانی ماڵپهڕهكه هیچ مافێكتان پێ نابه‌خشێت له خاوه‌نداریه‌تی ماڵپهڕهكه یاخود ناوه‌ڕۆكه‌ی یان خاوه‌ندارێتیكردنی هه‌ر جۆره مافێك یانیش مافه‌كان تیایدا. ماڵپهڕهكه و ناوەڕۆكه‌كه‌ی پارێزراوه به پێی یاساكانی شانشینی ئه‌رده‌نی هاشمی و مافه‌كانی بڵاوكردنه‌وه و هێما بازرگانییه نێوده‌وڵه‌تیه‌كان و یاساكانی دیكه.
دەبێت ڕه‌زامه‌ندی ده‌رببڕن به‌وه‌ی بە هیچ ناوه‌ڕۆكێكەوە نابەسترێنەوە، كه ئه‌مه‌یش هه‌ر یەك له ئایكۆنەكانمان، یان دروشمەکانمان، یاخود هێمای بازرگانیمان یانیش ئاماژه‌ی پێ بكرێت یان به‌كاربهێنرێت یاخود دووباره به‌رهه‌م بهێنرێت یانیش دابه‌ش بكرێت به بێ ئەوەی نوسراوێکی ڕەزامەندیی پێشوه‌خته‌ی ئێمه‌ی هه‌بێت.
هێمای بازرگانی
هیچ شتێك نییه له مه‌رج وبڕگه کارپێکراوەکانمان كه ده‌سه‌ڵات و مافی به‌كارهێنانی ناوه‌كان یان دیزاینه‌كان یان هێما بازرگانیه‌كان یاخود دروشمه ده‌ركه‌وتووه‌كان بدات له ماڵپهڕهكه ("هێماكان"). هێماكان، هێمای بازرگانین و هێمای خزمه‌تگوزاری و ناوی بازرگانین و دروشمه تۆماركراوه‌كان یاخود تۆمار نه‌كراوه‌كان كه خاوه‌نداریه‌تیه‌كیان بۆ سامسۆنگ ده‌گه‌ڕێته‌وه یانیش له لایه‌ن ئه‌وه‌وه ڕێگای به‌كارهێنانی پێ دراوه.
لینكی سایته‌كانی دیكه
له‌وانه‌یه ماڵپهڕهكه، لینكی ماڵپەڕ و سایتی پێگه‌ی دیكه له خۆ بگرێت كه خاوه‌نداریه‌تیه‌كه‌ی بۆ لایه‌نه ده‌ره‌كیه‌كان بگەڕێته‌وه یان له لایه‌ن ئه‌وانه‌وه بەڕێوه‌ببرت. ئێمه به هیچ شێوه‌یه‌ك پاڵپشتی له هیچ زانیارییه‌ك یان به‌رهه‌مێك یاخود خزمه‌تگوزاریه‌ك كه ئه‌م لینكانه له خۆی گرتووه و ئه‌م جۆره زانیاریانه بڵاوده‌كه‌نه‌وه ناکەین. هه‌روه‌ها سامسۆنگ هیچ به‌رپرسیارێتیەک له ئه‌ستۆ ناگرێت ده‌رباره‌ی چاکكردنی ئه‌م ماڵپەڕه ده‌ره‌كیانه یاخود به‌كارخستنی یانیش چاودێری كردنی، هیچ گه‌ره‌نتی یاخود به‌ڵێنێك ده‌رباره‌یان ناخه‌ینه‌ڕوو. ئێوه به‌رپرسیاریه‌تی ته‌واو ده‌گرنه ئه‌ستۆ كاتێك ده‌چنه ئه‌م ماڵپه‌ڕ و سایتانه و به‌كاریان ده‌هێنن و سوود له ناوه‌ڕۆكه‌كه‌ی وه‌رده‌گرن.
هه‌ڵه‌كان و بوونی به‌رهه‌مه‌كه و داتای نرخه‌كان و داواكارییه‌كان
ئێمه هه‌وڵ وكۆششێكی زۆر ده‌ده‌ین بۆ بڵاوكردنه‌وه نوێترین و ووردترین زانیاری له ماڵپه‌ڕه‌كه‌ماندا، هه‌رچه‌نده ئه‌گه‌ری ئه‌وه هه‌یه هه‌ندێك جار هه‌ڵه‌ی چاپی ڕووبدات یاخود به هەڵە شت بڵاوبكرێتەوە یانیش هه‌ندێك هه‌ڵه‌ی دیكه ڕووبدات، ده‌توانین هه‌ندێك نمونه ده‌رباره‌ی ئه‌م بابه‌ته به‌م شێوه‌یه بخه‌ینه‌ڕوو، هه‌ڵه‌كه له‌وانه‌یه له نرخی یاخود تایه‌تمه‌ندییه‌كانی به‌رهه‌مه‌كان یانیش هه‌ردووكیان بێت، ئه‌مه‌یش له ئه‌نجامی گۆڕینی بارودۆخی بازاڕ و ڕكابه‌ریه‌وه. سامسۆنگ گه‌ره‌نتی دابین كردنی به‌رهه‌م و خزمه‌تگوزارییه پێشكه‌ش كراوه‌كان ناكات له ماڵپه‌ڕه‌كان له‌و كاته‌ی كه ده‌بیندرێت یان له‌كاتی سه‌ردانی كردنی فرۆشگا یانیش دوای ئه‌و.
هه‌وڵ وكۆششمان ده‌خه‌ینه‌گه‌ر بۆ دابین كردنی چاره‌سه‌ری گونجاو بۆ كڕیارانمان بۆ ئه‌وه‌ی وه‌ڵامی پێداویستییەکانی كڕینیان بداته‌وه، هه‌ر چه‌نده ئێمه گەرەنتی ڕاست و دروستی یان ته‌واویی ناوه‌ڕۆكی ماڵپه‌ڕەکە ناكه‌ین، ئه‌مه‌یش بۆ نمونه وه‌كو وورده‌كارییه‌كانی به‌رهه‌م یان نرخه‌كانیان یاخود وێنه فۆتۆگرافیه‌كان.
مافی هه‌ڵوه‌شاندنه‌وه‌ی هه‌ر خستنه‌ڕوێكمان هه‌یه كه له ماڵپه‌ڕه‌كه‌دا نمایش كرابێت، پارێزراوه، هه‌روه‌ها مافی ڕاست كردنه‌وه‌ی هه‌ڵه یاخود بی دیقەتیی یانیش له‌كاتی بوونی زانیاری ناته‌واو و نادروست پارێزراوه، بۆ نمونه ئه‌و‌ەش له خۆ ده‌گرێت كه له ڕێگه‌ی داواكاری پێشکەشکراوی ماڵپه‌ڕەکە‌وه ڕوودەدات ئه‌م داواكارییه ئه‌گه‌ر دووپات بکرێتەوە كه‌وا وه‌رگیراوه یاخود نا، یانیش پاره‌كه‌ی دراوه یان نه‌دراوه، ئه‌مه‌یش له چوارچێوه‌ی یاسا بەکارهاتووەکانە.
گۆڕینی ناوه‌رۆكی ماڵپه‌ڕ یان خستنه‌ڕوو یاخود داواكارییه‌كان
ئێمه خاوه‌ندارێتی یاخود ده‌سه‌ڵات پێدراوین بۆ ئه‌وه‌ی سه‌رجه‌م مافه فكرییه‌كان و سه‌رجه‌م بابه‌ته‌كان وناوەڕۆكه‌كه له ماڵپه‌ڕە ئه‌لیكترۆنییەکەمان به‌كاربهێنین. ئێوه‌یش ده‌توانن ئه‌م ماڵپه‌ڕه و بابه‌ته‌كان و ناوه‌ڕۆكه‌كه‌ی به‌كاربهێنن ته‌نها بۆ مه‌به‌ستێكی كه‌سی نه‌وه‌ك بازرگانی.
أ. پێگه‌ی ئه‌لیكترۆنیمان له‌سه‌ر بنه‌مای "له‌سه‌ر بارودۆخی خۆی" و "ڕەخساندنی" به بێ ئه‌وه‌ی هیچ به‌رپرسیاریه‌تیه‌ك بخاته ئه‌ستۆی خۆی، وبه‌هیچ شێوه‌یه‌ك هیچ گه‌ره‌نتیه‌ك نا‌دات له هه‌ر جۆرێك بێت، جا به شێوه‌ی ئاشكرا یان شاراوه بێت دەر‌باره‌ی ماڵپه‌ڕه ئه‌لیكترۆنیه‌كه‌مانه، هیچ گه‌ره‌نته‌یك ناده‌ین كه‌وا مڵپه‌ڕه‌كه‌مان وه‌ڵامی سه‌رجه‌م داواكارییه‌كانی ئێوه ده‌داتەوە یان له كارناكه‌وێت، له هه‌ر كات وساتێكدا یانیش بێ كێشه ده‌بێت و هه‌ڵه‌ی نابێت، یاخود ناتوانین گه‌ره‌نتی ئه‌وه بده‌ین كه‌وا ماڵپه‌ڕه‌كه‌مان یان ئەو سێرڤه‌ره‌ی كه ماڵپەڕه‌كه‌ی له‌سه‌ره، هیچ ڤایرۆسێكی تێدا نییه یان هه‌ڵه له‌خۆ ناگرێت.له كاتێكدا به درێژایی ڕۆژ و شه‌و هه‌وڵ ده‌ده‌ین بۆ به‌رده‌وامیی بەردەستی ماڵپه‌ڕه‌كه‌مان ، ئێمه هیچ به‌رپرسیارێتیه‌ك له ئه‌ستۆ ناگرین کاتی بەر‌ده‌ست نه‌بوونی ماڵپەڕه‌كه‌مان له هه‌ر كاتێك و بۆ هەر ماوەیەک. له‌وانه‌یه سه‌ردانیکردنی ماڵپهڕهكه بۆ ماوه‌یه‌كی كاتی بوه‌ستێت به شێوه‌یه‌كی كاتی و به بێ ئاگاداری پێشوه‌خته له كاتێكدا له ژێر چاکكردنه‌وه یان باشتر كردن یاخود له‌به‌ر هه‌ر هۆكارێكی دیكه بێت له ده‌ره‌وه‌ی ئیراده و ویستی ئێمه بووە.
مافی سامسۆنگ پارێزراوه له‌م حاڵه‌تانه‌ی خواره‌وه:
أ. ڕاست كردنه‌وه‌ی هه‌ر هه‌ڵه‌یه‌ك له ناوەڕۆكی ماڵپهڕهكه له هه‌ر كات وساتێكدا به بێ ڕەزامەندی ئێوه و بەبێ هەڵگرتنی به‌رپرسیایه‌تی به‌رامبه‌ر ئێوه یان به‌رامبه‌ر هه‌ر كه‌سێكی دیكه،
ب. گۆڕینی به‌رهه‌مه‌كان و خزمه‌تگوزاریه ڕاگه‌یەنراوه‌كانی فرۆشتن و نرخه‌كانی و رسومات و تایبه‌تمه‌ندییه‌كان و هه‌ر خستنه‌ڕوویه‌كی ڕیكلام بۆكراو وهه‌ر ناوه‌ڕۆكێكی دیكه له ماڵپهڕهكه به بێ ڕەزامەندی ئێوه یان هیچ جۆره به‌رپرسیاریه‌تیه‌ك له ئه‌ستۆ بگرێت به‌رامبه‌رتان یان به‌رامبه‌ر هه‌ر تاكێكی دیكه ،
ت. دیاری كردنی بڕه به‌رده‌سته‌كان بۆ فرۆشتن یان هی فرۆشراو،
ث. ڕەتکردنەوەی هه‌ر داواكاریه‌ك یان ڕاستكردنەوەی یاخود هه‌ڵوه‌شاندنه‌وه‌ی یانیش كۆتایی پێ هێنانی، ئه‌مه داواكارییه پەسەند كراوه‌كانیش له خۆ ده‌گرێت، له‌به‌ر هه‌ر هۆكارێك بێت بۆ نمونه:
ئه‌گه‌ر به‌رهه‌مه‌كه یاخود خزمه‌تگوزاریه‌كه به‌رده‌ست نه‌بوو، یان
ئه‌گه‌ر په‌یامی دڵنیابوونەوەمان پێ نه‌گه‌یشت ده‌رباره‌ی پاره‌دانی داواكراو له كۆمپانیای په‌یوه‌ندیدار كه چاره‌سه‌ری پاره دانه‌وه‌كه ده‌كات، یان
ئه‌گه‌ر هه‌ڵه‌یه‌ك له نرخی به‌رهه‌م یان خزمه‌تگوزاریدا ڕوویدا، یاخود
ئه‌گه‌ر ستاندارده‌كانی شیاویی دیاری كراو له‌م مه‌رج و بڕگانه نه‌بوو، یان
ئەگەر دەرکەوت زانیاری ناڕاست، هه‌ڵه، چەواشەکارانە یان ناتەواو پێشکەش کراوە.
خستنه‌ڕووه بانگه‌شه‌كه‌ره‌كان
دان بەوەدا دەنێیت و تێدەگەیت کە هەر بە بازاڕکردنێک، وەک ئەوانەی لە ماڵپەڕەکە و لە ڕیکلامەکاندا بڵاودەکرێنەوە، بۆ ماوەیەکی سنووردارە، و لەوانەیە لە هەر کاتێکدا بگۆڕدرێن، و لەوانەیە بۆ ئەو مەرج و ڕێسا زیادانە جێبەجێ بکرێت کە جارجارە لەلایەن ئێمەوە ڕاگەیەندراوە.
ڕاستی زانیارییه‌كان
ئێوه به‌رپرسیارێتی وورده‌كاری و ته‌واویی و نوێبوونه‌وه‌ی زانیارییه داواكراوه‌كان له ئه‌ستۆ ده‌گرن، به مه‌به‌ستی كردنه‌وه‌ی هەژماری به‌كارهێنه‌ر و داتاكانی په‌یوه‌ندی كردن و سه‌رجه‌م داتاكانی مامەڵه‌كه. هه‌روه‌ها به‌رپرسیاریه‌تی ته‌واو له ئه‌ستۆ ده‌گرن ده‌رباره‌ی هه‌ر زیانێك یان تێكچوونێك یاخود تێچووی یانیش خه‌رجیه‌كان له ئه‌ستۆ ده‌گرن کە تۆ یان هەر کەسێکی تر لە ئەنجامی پێدانی زانیاریی هەڵە، ناڕاست، چەواشەکارانە یان ناتەواودا تووشی دەبێت.
زانیاری كه‌سیی
ئەو زانیارییە كه‌سییانەی كه بە ئێمەی دەدەی وەک بەشێک لە داواکارییەکەت بەکاردەهێنرێت بۆ ته‌واو كردنی پرۆسه‌ی پارەدان به ئینته‌رنێت ، ئەم پرۆسەش بە پێی سیاسەتی تایبەتی ئێمە جێبەجێ دەکرێت. بە پەسەند کردنی ئه‌م مه‌رج وبڕگانه، ڕەزامەند دەبیت بە كۆكردنه‌وه‌ی داتای كه‌سی له ڕێگه‌ی ماڵپه‌ڕه‌وه به پێی ئه‌م مه‌رج و بڕگانه و سیاسه‌تی نهێنی سامسۆنگ كه به‌رده‌سته له‌م لینكه‌ی خواره‌وەدا: https://www.samsung.com/iq_ku/info/privacy/ سامسۆنگ داتا كه‌سیه‌كانی كڕیارانی كۆده‌كاته‌وه و به‌كاریان ده‌هێنێ و ڕایانده‌گه‌ێنێت به پێی مه‌رجه‌كانی نهێنی كه په‌یڕه‌وی ده‌كات، كه مافی ئه‌وه‌شی هه‌یه ئه‌م مه‌رجانه هه‌موار بكات یان بیانگۆڕێت به بێ ئه‌وه‌ی ڕەزامەندی ئێوه وەربگرێت، و ئه‌مه‌یش به گوێرەی ئیراده و ویستی خۆی ئه‌نجامی ده‌دات. له‌گه‌ڵ پەسەند کردنی مه‌رج و بڕگه‌كان، ئه‌وه‌ش پەسەند ده‌كه‌ن كه‌وا له هه‌ر كاتێكدا ماڵپه‌ڕه‌كه‌تان به‌كارهێنا، ئه‌وه داتا كه‌سیه‌كانتان كۆده‌كرێته‌وه و به‌كارده‌هێنرێت وڕاده‌گه‌ێنرێت به پێی مه‌رجه‌كانی سیاسه‌تی نهێنی سامسۆنگ .
هه‌روه‌ها پێویستە دان بنێن و بەڵێن به سامسۆنگ بدەن كه‌وا ئێوه ڕەزامەندن له‌سه‌ر كۆكردنه‌وه‌ی داتا كه‌سیه‌كانتان و به‌كارهێنانی وڕاگه‌یاندنی ، ئه‌مه ئه‌وه‌ش له‌خۆ ده‌گرێت كه‌وا ناو وناونیشانتان و ئیمەیل و ژماره‌ی مۆبایلتان و داتا داراییه‌كانی دیكه‌ی تایبه‌ت به ئێوه ("داتا كه‌سییه‌كان")، كه ده‌رباره‌ی ئێوه له ڕێگه‌ی ماڵپه‌ڕه‌وه كۆده‌كه‌ینه‌وه، ده‌رباره‌ی كڕین یان پێشكه‌شكردنی هه‌ر داواكاریه‌ك بۆ كڕینی به‌رهه‌مێك له به‌رهه‌مه‌كانی سامسۆنگ ("كڕین") وڕاگه‌یاندنی بۆ لایه‌نه‌كانی دیكه كه له‌وانه‌یه پێویستی بۆ كۆكردنه‌وه‌ی داتا كه‌سیه‌كانتان هه‌بێت به مه‌به‌ستی به كارهێنانی یاخود ڕاگه‌یاندنی بۆ ئه‌وه‌ی سامسۆنگ و هه‌ر لایه‌نێكی دیكه بتوانن پرۆسه‌ی فرۆشتن ته‌واو بكه‌ن و خزمه‌تگوزارییه ته‌واوكرا‌وه‌كان پێشكه‌ش بكه‌ن، هه‌روه‌ها بۆ ئه‌وه‌ی خزمه‌تگوزاریه‌كانی دوای فرۆشتن پێشكه‌ش بكه‌ن وه‌كو چاك كردن و گەڕاندنه‌وه. هه‌روه‌ها ئه‌م پرۆسه‌یه ئه‌مانه‌ش له‌خۆ ده‌گرێت: بۆ نمونه كۆكردنه‌وه‌ی داتا كه‌سییه‌كان، و ناردنی بۆ سامسۆنگ و كۆمپانیاكانی خزمه‌تگوزرای پاره‌دانی ده‌ره‌كی و كۆمپانیاكانی گه‌یاندن كه ئه‌ركی گه‌یاندنی به‌رهه‌مه‌كانی سامسۆنگیان پێ سپێردراوه (ئه‌مانه هه‌موویان بـ"لایه‌نه‌كانی دیكه‌ی ڕێگه‌پێدراو") وبه‌كارهێنانی داتا كه‌سیه‌كانی له لایه‌ن ئه‌م لایه‌‌نانه‌وه به ئامانجی: (أ) جێبه‌جێ كردنی كڕین و دانه‌وه‌ی پاره‌كه‌ی، و (ب) ئاماده كردنی پسوڵه‌كانی كڕین و وه‌رگرتنی، (ج) گه‌یاندنی به‌رهه‌مه‌كان بە ئێوە، و (د) په‌یوه‌ندی بەستن به شێوه‌یەکی ڕاسته‌وخۆ یاخود ناڕاسته‌وخۆ ده‌رباره‌ی پرۆسه‌ی كڕین و ئاگادارکردنەوەتان سه‌باره‌ت به به‌رهه‌م وخزمه‌تگوزرایه‌كانی دیكه‌ی به‌رده‌ست یان ئه‌وه‌ی له داهاتوودا به‌رده‌ست ده‌بێت، و (ه) پێشكه‌شكردنی خزمه‌تگوزای كڕیارانی چالاك بۆ ئێوە بۆ نمونه چاره‌سه‌ر كردنی كێشه‌كان و گه‌ره‌نتی و داواكردنی تێبینیه‌كان ده‌رباره‌ی ئه‌و خزمه‌تگوزاریانه، (و) گواستنه‌وه‌ی باجه سەپێنراوه‌كان، و (ز) پابه‌ندبوون به پێداویستییه یاسایی و ڕێكخرا‌وەییە‌كان (سه‌رجه‌م ئه‌مانه به ناوی "شته‌كان" ناوزه‌ند ده‌كرێن). له‌گه‌ڵ پێشكه‌ش كردنی داتا كه‌سییه‌كانتان، بە پێشکەشکردنی زانیارییە کەسییەکانت، تۆ دان بەوەدا دەنێیت کە لایەنی سێیەمی ڕێگەپێدراوەکان دەتوانێ پشت بەو ڕەزامەندییە ببەستێ کە لەم بڕگەیەدا هاتووە بۆ ئەو مەبەستانەی سەرەوە. هه‌روه‌ها پێویستە پشتڕاستی ئه‌وه بكه‌نه‌وه و دان بەوەدا بنێن کە ڕەنگە زانیارییە کەسییەکانت لە دەرەوەی شانشینی هاشمی ئوردن هەڵبگیرێن. جگه له‌مه بە پێشکەشکردنی زانیارییە کەسییەکانت، دان بەوەدا دەنێیت کە لایەنە سێیەمە ڕێگەپێدراوەکان لەوانەیە پشت بەو ڕەزامەندییە ببەستن کە لەم بڕگەیەدا هاتووە.
به‌رپرسیارێتی
ئێوه خۆتان به‌رپرسن له سه‌ردانی كردنی ماڵپهڕهكه و به‌كارهێنانی، ماڵپهڕهكه به‌رده‌سته له‌سه‌ر بنه‌مای "هه‌روه‌ك خۆی" و"به پێی به‌رده‌ست بوونی" به بێ پێشكه‌شكردنی هیچ گه‌ره‌نتیه‌ك یاخود به‌ڵێنێك یان هه‌ر جۆره مه‌رجێك، ئاشكرا یاخود نهێنی بێت، ئه‌مانه ئه‌م خاڵانه‌ش له خۆ ده‌گرێت، نوێنەرایەتی یان گەرەنتی گونجان، دەستپێگەیشتن، گونجان بۆ مەبەست، بازرگانیکردن، کارایی، یان مانەوە، کە سامسۆنگ تا ئەو ڕادەیەی کە یاسا ڕێگەی پێداوە ڕەتیدەکاتەوە.
سامسۆنگ گەرەنتی ئەوە ناکات کە ناوەڕۆکی ماڵپەڕەکە بێ پچڕان یان بێ هەڵە بێت، یان کەموکوڕییەکان ڕاست دەکرێنەوە، یان ئەو ماڵپەڕە یان ئەو سێرڤەرەی کە کاری لەسەر دەکات دوور بێت لە ڤایرۆس یان پێکهاتەی زیانبەخشی تر.
یاساكانی هه‌ندێك ناوچه ڕێگه نادەن بە هەندێک جیاکاری یان سنووردارکردنی به‌رپرسیارێتی یان زیانی دیاریکراو. و کاتێک ئەم یاسایانەت بەسەردا جێبەجێ دەکرێت، له‌وانه‌یه هه‌ندێك یاخود سه‌رجه‌م ئه‌و جیاکارییەکان یان بەندەکانی به‌رپرسیارێتیتان بەسەردا جێبەجێ نەکرێت، ، له‌وانه‌شه هه‌ندێك مافی دیكه‌تان هه‌بێت. سامسۆنگ و کارمەندەکانی یاخود بریكاره‌كانی یان به‌رپرسانی یانیش ئه‌ندامانی ده‌سته‌ی كارگێری، هیچ بەرپرسیارێتییەک هەڵناگرن کە به هۆی هه‌ر زیانێكی ڕاسته‌وخۆ یان ناڕاسته‌وخۆ ڕووداو، سزایەك یاخود پایه‌ندبونێكی تایبه‌ت یاخود په‌شیمانكه‌ر یانیش هه‌ر جۆرێكی دیكه‌ی زیان، بۆ نمونه ، لەدەستدانی داهات یان ، زیان، برینداربوون، ناڕەحەتی سۆزداری، یان زیانەکانی هاوشێوە کە لە ئەنجامی: (1) هه‌ر هه‌ڵه‌یه‌ك یان سڕینەوەی ناوەڕۆك یان (2) چوونە ناو سێرڤه‌ره‌كانمان یان هەژمارەکانتان یاخود هه‌ر داتایه‌كی كه‌سی یان داتا داراییانە‌ی لە ناویدا پارێزراون، یانیش هه‌موو ئه‌وانه یان به‌كارهێنانی، یان (3) تێكچوونی ماڵپهڕهكه یاخود وه‌ستانی تایبه‌تمه‌ندی ناردن لێیەوە یان ناردن بۆی، یان (4) هه‌ر جۆره هه‌ڵه‌یه‌كی پرۆگرامسازی (كێشه و گرفت) یان ڤایرۆسه‌كان یانیش ترۆجان و هاوشێوه‌كانی، كه ده‌كرێ له لایه‌ن كه‌سانی دیكه بگوازرێته‌وه بۆ ماڵپەڕه‌كه یان له ماڵپهڕهكه بیگوازێته‌وه بۆ لایه‌نی دیكه. ئه‌م سنورداركردنه‌ی به‌رپرسیارێتی لەسەر هەر بنه‌مایه‌كی یاسایی پشتی پێبەسترابێت بنیادنرابێت ، (داواكانی كه‌مته‌رخه‌می و گوێنەدانیش له خۆ ده‌گرێت)، هه‌تا ئه‌گه‌ر سامسۆنگ ئه‌گه‌ری ڕوودانی ئه‌م زیانانه‌ی پێشبینی كردبێت. سنوردار كردنی به‌رپرسیاریه‌تی ئاماژه‌ی پێكراوە، تا به‌رزترین ڕادەی جێبەجێکردن جێبه‌جێ ده‌كرێت له ناوچه‌ی په‌یوه‌ندیدار.
كۆتایی پێهێنان
مافی گۆڕینی ماڵپه‌ڕ یان ڕاگرتنی یان هه‌مواركردنی یاخود سنورداركردنی یان هەڵپه‌ساردنی یان كۆتایی پێهێنانی ته‌واوه‌تی یان به‌شێكیمان هه‌یه له هه‌ر كات وساتێك به ویستی و ئیراده‌ی خۆمان به بێ ئه‌وه‌ی بگهڕێینه‌وه لاتان یان بكه‌وینه ژێر هیچ جۆره به‌رپرسیاریه‌تیه‌ك به‌رانبه‌ر ئێوه یان هه‌ر تاكێكی دیكه. هه‌روه‌ها مافی ئه‌وه‌شمان هه‌یه ئه‌م مه‌رج وبڕگانه کۆتاییان پێی بهێنین یان كۆتایی به سه‌ردانی كردنی ماڵپه‌ره‌كه و به‌كارهێنانی له لایه‌ن ئێوه كه رێگه پێدراون، بهێنین به ویست و ئیراده‌ی خۆمان به بێ ئه‌وه‌ی بگه‌ڕێنه‌وه لاتان یان لای هه‌ر كه‌سێكی دیكه.
ئەگەر مۆڵەتی بەکارهێنانی ماڵپەڕەکەت بە هەر هۆکارێک هەڵبوەشێتەوە، ئەوا مەرج و بڕگه‌كانی دیکە بە تەواوی بەکارایی ده‌مێنێتەوە و کاریگەری دەبێت. کۆتایی هاتنی ئەم مەرج و بڕگانه یان هەڵوەشاندنەوەی مافی بەکارهێنانی ماڵپەڕەکە کاریگەری لەسەر جێبەجێکردنی هیچ ڕێککەوتنێکی دیکە لە نێوان تۆ و سامسۆنگدا نابێت.
بڕگه گشتیه‌كان
ئه‌م مه‌رج وبڕگانه شوێنی هیچ ڕێكه‌وتنێكی دیكه‌ی نێوان تۆ و سامسونگ ناگرێته‌وه، به‌ڵكو ده‌خرێته سه‌ری وده‌بێته به‌شێك لێی.
دان به‌وه‌داده‌نێن كه‌وا به‌رهه‌م و شتومه‌كه‌كان و خزمه‌تگوزراییه‌كان له ڕێگه‌ی ماڵپەڕه‌وه، پابه‌نده به مه‌رج وبڕگه‌كانی دیكه، بۆ نمونه مه‌رج وبڕگه‌كانی ئه‌و بڕه پارانه‌ی كه ده‌بێت بدرێت، پاره‌ی كڕین و رسومات و باجه‌كان، هه‌روه‌ها دان به‌وه‌داده‌نێن كه به ته‌واوه‌تی پابه‌ندی ئه‌م مه‌رج و بڕگانه ده‌بن.
جێبه‌جێ نه‌كردنی بڕگه‌یه‌ك له بڕگه‌كانی ئه‌م مه‌رج و بڕگانه كاریگه‌ری نابێت له‌سه‌ر جێبه‌جێ كردنی بڕگه‌یه‌كی دیكه. ئه‌گه‌ر بڕگه‌یه‌ك له بڕگه‌كانی جێبه‌جێنه‌كردنه‌كه‌ی یاخود یاسایی نه‌بوونی سه‌لمێنرا، ئه‌وه له‌م حاڵه‌ته‌دا ئه‌م مه‌رج وبڕگانه جێبه‌جێ ده‌كرێن و به‌م شێوه‌یه مامه‌ڵه له‌گه‌ل ئه‌م بابه‌ته ده‌كرێت كه‌وا ئه‌م بڕگه نادروست و نایاساییه به‌شێك نییه له‌م مه‌رج وبرگانه.
هه‌ر دواكه‌وتنێك له لایه‌ن سامسۆنگه‌وه له جێبه‌جێ كردنی مافه‌كانی یان ده‌سه‌ڵاته‌كانی یاخود ڕێوشوێنه به‌رده‌سته‌كان به پێی ئه‌م مه‌رج وبڕگانه یانیش ڕه‌تكردنه‌وه‌ی جێبه‌جێ كردنیان یاخود جێبه‌جێ نه‌كردنیان به واتای ده‌ستبه‌رداربوون ناێیت له‌م مافە یاخود ده‌سه‌ڵات یانیش رێوشوێنانه.
هەموو پرس و کێشەکانی لێکدانەوە و ڕەوایی و جێبەجێکردنی ئەم مەرج و بڕگانه یان هەر بابەتێک کە پەیوەندییان پێوە هەبێت، بەپێی یاساکانی کارپێکراو لە شانشینی هاشمی ئوردن بەڕێوەدەبرێن و لێکدەدرێنەوە، بەبێ ئەوەی بخرێتە بواری جێبەجێکردنەوە بە بنەمای هەڵبژاردنی یاسا یان ناکۆکی یاساکان کە ڕەنگە ببێتە هۆی جێبەجێکردنی یاساکانی هەر هەرێمێکی تر. لایەنەکان دان بە دەسەڵاتی تایبەتی دادگاکانی عەمماندا دەنێن لە ڕەچاوکردنی هەر داواکارییەک بۆ جێبەجێکردنی ئەم مەرج و بڕگانه یان بەکارهێنانی ماڵپەڕەکە (یان هەر داواکارییەکی پەیوەندیدار بەوەوە).
ناتوانن ده‌ستبه‌رداربن له مافه‌كانی ئه‌م مه‌رج وبڕگانه، یان راسپاردنی مافه‌كانت بۆ لایه‌نێكی دیكه دانێی.
به له‌به‌ر چاوگرتنی هەر ڕێکەوتنێکی تر کە لەگەڵ ئێمەدا هەتە، ئەم مەرج و برگانه و هەر ئاگادارییەک یان ڕاگەیاندنێکی تر کە لە ماڵپەڕەکەدا بڵاوکراوەتەوە، تەواوی ڕێکەوتنەکەمانە سەبارەت بە بەکارهێنانی ماڵپەڕەکە و ناوەڕۆکەکەی. ئەم مەرج و برگانه جێگەی پەیوەندی و ئۆفەرە پێشووەکان یان هاوچەرخەکان دەگرنەوە، جا ئەلیکترۆنی، زارەکی یان نووسراو بێت، لە نێوان تۆ و سامسۆنگ سەبارەت بە ماڵپەڕەکە و ناوەڕۆکەکەی.
یاسای جێبه‌جێكراو
گرێبه‌سته‌كانی كڕینی به‌رهه‌مه‌كان له ڕێگه‌ی ماڵپەڕی ئه‌لكترۆنی و هه‌ر ناكۆكیه‌ك یان داواكاریه‌ك كه دروست ده‌بێت، كه په‌یویه‌ندیداره پێی یان به بابه‌ته‌كه‌ی یان به‌دامه‌زراندنی (ناكۆكیه‌كان یان داواكارییه نا گرێبه‌سته‌كان) ئه‌وه سه‌رجه‌م ئه‌م بابه‌تانه له چوارچێوه‌ی یاساكانی کۆماری عێڕاق چاره‌سه‌ر ده‌كرێن و پابه‌ندی ئه‌و یاسایانه‌یه. هەر ناکۆکییەک یان داواکارییەک کە لە ئەنجامی یان پەیوەندی بەو گرێبەستانەوە یان دامەزراندنیانەوە سەرهەڵبدات (لەوانەش ناکۆکی یان داواکارییە ناگرێبەستییەکان)، دەچێتە ژێر دەسەڵاتی تایبەتی دادگاکانی هەولێرەوە.
ڕەزامەندی دەردەبڕم کە ئەو بەرهەمەی لەڕێگای پڕۆگڕامی کڕێنی کارمەندن دەیکڕم بۆ بەکارهێنانی کەسیی دەبێت و بە هیچ شێوەیەک بۆ مەبەستی بازرگانی بەکارناهێندرێت.
