როგორ გავააქტიურო nano-SIM ბარათი და eSIM ბარათი Galaxy S22 სერიის მოწყობილობებზე
ამ სტატიაში აღწერილია, თუ როგორ უნდა დააყენო და გავააქტიურო nano-SIM ან eSIM ერთ მოწყობილობაზე ორი სატელეფონო ნომრის გამოყენების მიზნით.
სანამ ქვემოთ მოცემულ რეკომენდაციებს შეასრულებ, დარწმუნდი, რომ შენს მოწყობილობაზე დაინსტალებული პროგრამული უზრუნველყოფა და შესაბამისი აპლიკაციები განახლებულია ბოლო ვერსიამდე. პროგრამული უზრუნველყოფის განახლებისთვის შეასრულე შემდეგი მოქმედებები:
საფეხური 1. გახსენი „პარამეტრები“ > „პროგრამული უზრუნველყოფის განახლება“.
საფეხური 2. დააჭირე ღილაკზე „ჩამოტვირთვა და ინსტალაცია“.
საფეხური 3. მიჰყევი ეკრანზე გამოჩენილ ინსტრუქციებს.
რა არის nano-SIM და eSIM?
SIM-ბარათი საჭიროა სერვის-პროვაიდერის მობილურ ქსელთან წვდომისთვის და შესაბამისად ის გაძლევს საშუალებას განახორციელო სატელეფონო ზარები, გააგზავნო შეტყობინებები და ა.შ. ერთ მოწყობილობაზე ორი სატელეფონო ნომრის გამოყენებისთვის, შეგიძლია გაააქტიურო eSIM ან მოწყობილობაში მოათავსო ორი SIM-ბარათი.
nano-SIM-ბარათისგან განსხვავებით, eSIM წარმოადგენს ინტეგრირებულ ციფრულ SIM-ბარათს.
გაითვალისწინე, რომ nano-SIM-ბარათის და eSIM-ის ერთდროულად გამოყენებამ ზოგიერთ რეგიონში შეიძლება მონაცემების გადაცემის სიჩქარის შემცირება გამოიწვიოს.
Nano-SIM
eSIM
- როგორ გამოვიყენო ორი SIM-ბარათი: SIM1 (ჩვეულებრივი SIM-ბარათი) + SIM2 (ჩვეულებრივი SIM-ბარათი ან eSIM)
როგორ მოვათავსო SIM-ბარათი სწორად ორი SIM-ბარათისთვის განკუთვნილ ბუდეში
მოწყობილობაში SIM-ბარათის არასწორად მოთავსების შემთხვევაში შენი ტელეფონი ვერ შეძლებს მის ამოცნობას. დარწმუნდი, რომ შენი SIM-ბარათი ბუდეში მოთავსებულია ოქროსფერი კონტაქტებით გარეთ და საიმედოდაა დაფიქსირებული.
Galaxy S22 სერიის ტელეფონებს აქვს ორი SIM-ბარათის მხარდაჭერა, რომლებიც შესაძლოა მოთავსდეს ბუდის როგორც ზედა, ასევე ქვედა პანელზე, ოქროსფერი კონტაქტებით გარეთ.
SIM1 (ზედა ნაწილი)
SIM2 (ქვედა ნაწილი)
შენიშვნა:
- თუ SIM-ბარათი არ არის საიმედოდ დაფიქსირებული ბუდეში, SIM-ბარათმა შეიძლება არ იმუშაოს ან ვერ მოხდეს მისი ამოცნობა მოწყობილობის მიერ.
- გამოიყენე მხოლოდ nano-SIM-ბარათი.
- SIM-ბარათის ბუდის ამოსაღებ ჭრილში ჩხირის მოთავსებისას დარწმუნდი, რომ ჩხირი ჭრილის პერპენდიკულარულად მოძრაობს, წინააღმდეგ შემთხვევაში შეიძლება მოწყობილობა დააზიანო.
- SIM-ბარათი შეიძლება ამოვარდეს, თუ ის მყარად არ ზის ბუდეში.
- ნესტიანი ან სველი ბუდის ჩასმის შემთხვევაში შეიძლება მოწყობილობა დაზიანდეს. დარწმუნდი, რომ SIM-ბარათის ბუდე მშრალია.
- ბუდე ბარათის განყოფილებაში მჭიდროდ უნდა მოთავდეს, რათა გამოირიცხოს მოწყობილობაში წყლის მოხვედრა.
Galaxy S22 სერიის სმარტფონებს აქვს eSIM-ის მხარდაჭერა, რომელის მუშაობს, როგორც ჩვეულებრივი SIM-ბარათი. eSIM-ის აქტივაციის ან nano-SIM-ბარათის მოწყობილობაში მოთავსების შემდეგ შეძლებ მობილური ქსელით სარგებლობას.
eSIM-ის აქტივაციისთვის შეასრულე შემდეგი მოქმედებები:
საფეხური 1. გახსენი პარამეტრების მენიუ და გადადი განყოფილებაში „დაკავშირება“.
საფეხური 2. აირჩიე „SIM-ბარათის დისპეტჩერი“.
საფეხური 3. დააჭირე ღილაკზე „eSIM-ის დამატება“.
საფეხური 4. აირჩიე პუნქტი „QR კოდის სკანირება“.
საფეხური 5. კამერის მეშვეობით დაასკანირე ქსელის ოპერატორის მიერ მოწოდებული QR კოდი.
თუ QR კოდის გამოსახულება შენახულია „გალერეაში“, დააჭირე მის სიმბოლოზე 
და აირჩიე საჭირო ფაილი.
თუ QR კოდის ნაცვლად ოპერატორმა მოგაწოდა აქტივაციის კოდი, აირჩიე პუნქტი „აქტივაციის კოდის შეყვანა“.
შემდეგ მიჰყევი ეკრანზე გამოჩენილ ინსტრუქციებს. აქტივაციის დროს შესაძლოა საჭირო გახდეს მოწყობილობის EID კოდის შეყვანა. მის სანახავად გადადი მენიუში „პარამეტრები“ → „ინფორმაცია ტელეფონის შესახებ“ → „სტატუსი“ → EID.
შენიშვნა:
- eSIM-ის გააქტიურებისთვის საჭიროა უსადენო ქსელის სატარიფო გეგმა, რაც გაძლევს მობილური კავშირის გეგმის გააქტიურების საშუალებას ფიზიკური nano-SIM-ბარათის გამოყენების გარეშე.
- eSIM-ის გამოყენება შეიძლება არ იყოს ხელმისაწვდომი ზოგიერთ რეგიონში, რაც დამოკიდებულია სერვის-პროვაიდერზე და მოწყობილობის კონკრეტულ მოდელზე.
„SIM-ბარათის დისპეტჩერის“ მეშვეობით შეგიძლია შეცვალო SIM-ბარათის პარამეტრები და გაააქტიურო ან გათიშო უკვე დაყენებული SIM-ბარათები.
შედი „პარამეტრების“ მენიუში და აირჩიე „დაკავშირება“ > „SIM-ბარათის დისპეტჩერი“. აირჩიე შესაბამისი განყოფილება:
განყოფილება „SIM-ბარათები“: აქ შეგიძლია გაააქტიურო SIM-ბარათი, რომლის გამოყენებაც გსურს ან შეცვალო მისი პარამეტრები.
განყოფილება „eSIM-ბარათები“: აქ შეგიძლია eSIM-ის გააქტიურება.
განყოფილება „პრიორიტეტული SIM-ბარათი“: თუ ორი ბარათი გაქვს გააქტიურებული, აქ შეგიძლია აირჩიო ბარათი, რომლის გამოყენებაც გსურს კონკრეტული ფუნქციისთვის, მაგალითად ზარების განხორციელებისთვის.
განყოფილება „მონაცემთა გადაცემის ავტომატური გადართვა“: თუ არჩეული SIM-ბარათით ვერ ხერხდება ქსელთან დაკავშირება, მონაცემთა გადაცემის ფუნქციისთვის აირჩიე მეორე SIM-ბარათი.
განყოფილება „დამატებითი პარამეტრები“: აქ შეგიძლია შეცვალო ზარების ან eSIM-ბარათების პარამეტრები.
შენიშვნა:
- ზოგიერთი ფუნქცია, რომელიც საჭიროებს ქსელთან კავშირს, შეიძლება არ იყოს ხელმისაწვდომი, რაც დამოკიდებულია პროვაიდერზე.
- მოწყობილობის ეკრანის ანაბეჭდები და მენიუს პუნქტები შეიძლება განსხვავებული იყოს, რაც დამოკიდებულია მოწყობილობის მოდელზე და პროგრამული უზრუნველყოფის ვერსიაზე.
მადლობა გამოხმაურებისთვის!
უპასუხე ყველა კითხვას.