როგორ შევცვალო ზარის ეკრანის ფონი Samsung Galaxy მოწყობილობაზე
შეგიძლია სურვილისამებრ დააყენო ზარის ეკრანის ფონი:
- ეკრანის განლაგების შეცვლა,
- ზარის ფონზე სასურველი გამოსახულების დაყენება,
- ფონად ანიმაციის ან ვიდეოს დაყენება.
ზარის ეკრანის ფონის შეცვლა შესაძლებელია Samsung Galaxy სმარტფონებზე, რომლებზეც დაინსტალებულია ოპერაციული სისტემა Android 11 ან უფრო ახალი ვერსია.
შენიშვნა: შემდეგი ქმედებების შესრულებამდე შეამოწმე განახლებულია თუ არა შენს მოწყობილობაზე პროგრამული უზრუნველყოფა და შესაბამისი აპლიკაციები ბოლო ვერსიამდე. გახსენი „პარამეტრები“ > „პროგრამული უზრუნველყოფის განახლება > „ჩამოტვირთვა და ინსტალაცია > მიჰყევი ეკრანზე გამოსახულ ინსტრუქციებს.
საფეხური 1. გახსენი აპლიკაცია „ტელეფონი“.
საფეხური 2. შეეხე ზედა მარჯვენა კუთხეში მოცემულ სამ წერტილს.
საფეხური 3. მენიუში აირჩიე „პარამეტრები“.
საფეხური 4. გახსენი „ეკრანის ფონი ზარის დროს“.
საფეხური 5. დააყენე სასურველი ზარის ფონი ჩანართში „განლაგება ან ფონი“.
ზარის ეკრანის ფონის განლაგების დაყენება
ჩანართში „განლაგება“ შეგიძლია აირჩიო, თუ როგორ გამოჩნდეს ინფორმაცია ზარის განმახორციელებელი პირის შესახებ.
ზარის ეკრანის ფონად „გალერეაში“ არსებული ფოტოს დაყენება
ფონად შეგიძლია დააყენო სისტემაში არსებული ერთ-ერთი ფოტო ან აირჩიო გალერეაში შენახული გამოსახულება (ფოტო, gif-ფაილი ან ვიდეო).
საფეხური 1. გახსენი აპლიკაცია „ტელეფონი“, დააჭირე სამ წერტილს > „პარამეტრები“ > „ზარის ეკრანის ფონი“. დააჭირე ღილაკს „ფონი“.
საფეხური 2. სისტემაში არსებული ერთ-ერთი ფოტოს დასაყენებლად დააჭირე ამ ფოტოს, შემდეგ კი აირჩიე „ფონად დაყენება“. გალერეიდან ფოტოს, gif-ის ან ვიდეოს დასაყენებლად დააჭირე ეკრანის ზედა მარჯვენა კუთხეში არსებულ ღილაკს „+“ (პლიუსი) და შემდეგ დააჭირე ღილაკს „გალერეიდან არჩევა“.
საფეხური 3. მოძებნე და აირჩიე სასურველი ფოტო.
საფეხური 4. დააჭირე ღილაკს „ფონად დაყენება“.
საფეხური 5. არჩეული გამოსახულება დაყენდება ზარის ეკრანის ფონად.
თუ ზარის ეკრანის ფონად ვიდეოს დაყენება გსურს:
- შესაძლებელია 15 წამამდე ხანგრძლივობის ვიდეოს დაყენება.
- თუ შენი ვიდეო 15 წამზე მეტს გრძელდება, „ფონად დაყენების“ ღილაკზე დაჭერამდე შეგიძლია აირჩიო სასურველი მონაკვეთი.
- შეგიძლია ვიდეოს ხმა ზარის მელოდიად გამოიყენო. გაააქტიურე გადამრთველი ღილაკი „ვიდეოს ხმის ზარის მელოდიად გამოყენება“.
ზარის ეკრანის ფონად ავატარის დაყენება
შეგიძლია შექმნა შენი საკუთარი ავატარი და დააყენო ის ზარის ეკრანის ფონად.
ამავე საკითხზე:
საფეხური 1. გახსენი აპლიკაცია „ტელეფონი“, დააჭირე სამ წერტილს > „პარამეტრები“ > „ზარის დროს ფონი“ > „ფონი“. შემდეგ დააჭირე ეკრანის ზედა მარჯვენა კუთხეში არსებულ ღილაკს „+“ (პლიუსი) და შექმენი ფონი საკუთარი ავატარის გამოყენებით.
საფეხური 2. აირჩიე არსებული ავატარებიდან ან შექმენი ავატარი შენი ფოტოს გამოყენებით. დააჭირე ღილაკს „შექმნა კამერის გამოყენებით“, რათა გადაიღო სელფი, ან დააჭირე ღილაკს „შექმნა ფოტოდან“, რათა აირჩიო ფოტო გალერეიდან.
საფეხური 3. შეცვალე ავატარის გარეგნობა. შემდეგ დააჭირე ღილაკს „შემდეგ“.
საფეხური 4. აირჩიე ავატარის მოძრაობა და დააჭირე ღილაკს „შენახვა“.
საფეხური 5. ვიდეოს ხმის ზარის მელოდიად დასაყენებლად გაააქტიურე გადამრთველი ღილაკი „ვიდეოს ხმის ზარის მელოდიად გამოყენება“. დააჭირე ღილაკს „ფონად დაყენება“.
შენიშვნა:
მოწყობილობის ეკრანის ანაბეჭდები და მენიუს პუნქტები შესაძლოა განსხვავდებოდეს მოწყობილობის მოდელის ან პროგრამული უზრუნველყოფის ვერსიის მიხედვით.
მადლობა გამოხმაურებისთვის!
უპასუხე ყველა კითხვას.