როგორ გადავტვირთო პარამეტრები (hard reset, factory reset) Samsung Galaxy მოწყობილობაზე
შინაარსი
- რისთვის არის საჭირო მონაცემების გადატვირთვა
- რა უნდა გავაკეთო მონაცემების გადატვირთვამდე
- მონაცემების გადატვირთვის პირველი მეთოდი - მენიუდან
- მონაცემების გადატვირთვის მეორე მეთოდი - ღილაკების მეშვეობით
- თუ პარამეტრების გადატვირთვის შემდეგ მოწყობილობა არ ირთვება, საჭიროა Google-ის ანგარიში
- თუ პარამეტრების გადატვირთვის შემდეგ მოწყობილობა არ ირთვება (გაჭედილია)
რისთვის არის საჭირო მონაცემების გადატვირთვა
მოწყობილობის მონაცემების გადატვირთვა (პარამეტრების გადატვირთვა, hard reset, factory reset) — ეს არის სმარტფონიდან ან პლანშეტიდან ყველა მონაცემის წაშლა, რაც მოიცავს კონტაქტებს, შეტყობინებებს, ჩატვირთულ აპლიკაციებს, ფოტოებს, მუსიკალურ ფაილებს, ფოსტის ან მაღვიძარას პარამეტრებს და ა.შ. მონაცემების გადატვირთვის შემდეგ მოწყობილობა დაბრუნდება ქარხნულ პარამეტრებზე.
მოწყობილობის გამოყენებისას, ოპერაციულ სისტემაში გროვდება შეცდომები, რომლებიც ხელს უშლის მის ნორმალურ მუშაობას და ამავდროულად იზრდება ენერგიის მოხმარება. მონაცემების გადატვირთვის შემდეგ ხდება ოპერაციული სისტემის პარამეტრების განულება და პროგრამული ხარვეზების და შეცდომების წაშლა. მოწყობილობის ნორმალურად მუშაობისთვის, რეკომენდებულია პარამეტრების გადატვირთვა ექვს თვეში ერთხელ, ასევე სისტემის განახლების შემდეგ.
მოწყობილობის ნორმალურად მუშაობისთვის, რეკომენდებულია პარამეტრების გადატვირთვა ექვს თვეში ერთხელ, ასევე სისტემის განახლების შემდეგ.
ჩვეულებრივ, მონაცემების გადატვირთვა საჭიროა შემდეგ შემთხვევებში:
- მოწყობილობის გაყიდვის ან სხვა პირისთვის გადაცემის წინ;
- როდესაც მოწყობილობას გარკვეული პრობლემები ექმნება, რომელთა აღმოფხვრა სხვა მეთოდით ვერ ხერხდება;
- მოწყობილობის პროგრამული უზრუნველყოფის (სისტემის) განახლების შემდეგ.
რა უნდა გავაკეთო მონაცემების გადატვირთვამდე
მოწყობილობიდან დააკოპირე მნიშვნელოვანი ინფორმაცია.
პარამეტრების გადატვირთვის შემდეგ მოწყობილობის მეხსიერება სრულად გაიწმინდება და ყველა მონაცემი წაიშლება. თუ მოწყობილობაში მნიშვნელოვანი მონაცემები გაქვს შენახული, შექმენი მათი ასლები.
მოწყობილობიდან წაშალე Google-ის ანგარიში.
თუ ამას არ გააკეთებ, პარამეტრების გადატვირთვის შემდეგ მოწყობილობა მოითხოვს იმ ანგარიშთან წვდომას, რომელიც დაყენებული იყო მასზე პარამეტრების გადატვირთვამდე. ამ ანგარიშის მონაცემების შეყვანის გარეშე მოწყობილობას ვერ ჩართავ.
საფეხური 1. გახსენი პარამეტრების მენიუ.
საფეხური 2. აირჩიე პუნქტი „ზოგადი პარამეტრები“. თუ ეს პუნქტი არ არის მენიუში, გადადი შემდეგ საფეხურზე.
საფეხური 3. აირჩიე პუნქტი „პარამეტრების გადატვირთვა“. ამ პუნქტის სახელწოდება ასევე შეიძლება იყოს „დაარქივება და აღდგენა“ ან „კონფიდენციალურობა“.
საფეხური 4. აირჩიე პუნქტი „მონაცემების გადატვირთვა“. ამ პუნქტის სახელწოდება ასევე შეიძლება იყოს „მოწყობილობის პარამეტრების აღდგენა“.
საფეხური 5. აირჩიე პუნქტი „გადატვირთვა“ (სახელწოდების შესაძლო ვარიანტებია „მოწყობილობის პარამეტრების აღდგენა“ ან „ყველა მონაცემის წაშლა“.)
მოწყობილობა გადაიტვირთება და მონაცემები წაიშლება.
მონაცემების გადატვირთვის მეორე მეთოდი - მენიუდან Recovery ან ღილაკების მეშვეობით
შენიშვნა:
- ეს მეთოდი გამოიყენება იმ შემთხვევაში, როდესაც სმარტფონი არ ირთვება ან როდესაც ეკრანი დაბლოკილია.
- ტელეფონის პარამეტრების გადატვირთვამდე, რომელზეც დაინსტალებულია Android 11 ან უფრო ახალი ვერსია, მოწყობილობა USB კაბელით უნდა იყოს დაკავშირებული კომპიუტერთან ან სხვა მოწყობილობასთან (მაგალითად სათამაშო კონსოლთან, ტელევიზორთან ან ავტომობილთან).
თუ მოწყობილობა დაიბლოკა, გადატვირთე ის ღილაკების გამოყენებით: ერთდროულად დააჭირე ჩართვის და ხმის დაწევის ღილაკებს და გეჭიროს 10 წამამდე. შემდეგი საფეხური უნდა დაიწყო მაშინვე, როგორც კი ტელეფონი ჩართვას დაიწყებს, სისტემის ჩატვირთვამდე.
- თუ მოწყობილობას აქვს ღილაკი „მთავარი“ (ქვედა ნაწილში, ცენტრში) – ჩართვის ღილაკი + „მთავარი“ + ხმის აწევის ღილაკი.
- თუ მოწყობილობას აქვს ღილაკი „Bixby“ (ჩართვის ღილაკის საპირისპირო მხარეს) – ჩართვის ღილაკი + ხმის აწევის ღილაკი + Bixby.
- თუ მოწყობილობას არ აქვს ღილაკი „მთავარი“ ან „Bixby“ – ჩართვის ღილაკი + ხმის აწევის ღილაკი.
Recovery — ეს არის მოწყობილობის ჩატვირთვის სპეციალური რეჟიმი, რომელიც ტექსტური მენიუს მსგავსია.
- თუ გამოჩნდა წარწერა „No command“ და სამკუთხედი ძახილის ნიშნით, დაელოდე 30-40 წამი.
- თუ Recovery მენიუ არ გამოჩნდა, გაიმეორე საფეხურები 1-3, ამჯერად ღილაკებზე უფრო ხანგრძლივად გეჭიროს.
თუ გადაიფიქრე პარამეტრების გადატვირთვა და გსურს Recovery მენიუდან გამოსვლა, აირჩიე „Reboot system now“ (სისტემის ხელახლა ჩატვირთვა).
თუ პარამეტრების გადატვირთვის შემდეგ მოწყობილობა არ ირთვება, საჭიროა Google-ის ანგარიში
თუ პარამეტრების გადატვირთვის შემდეგ მოწყობილობა არ ირთვება (გაჭედილია)
მონაცემების გადატვირთვის შემდეგ, ტელეფონის ჩართვას შეიძლება გარკვეული დრო დასჭირდეს. ზოგჯერ ამ პროცესს დაახლოებით ერთი საათი ესაჭიროება.
თუ ტელეფონი არ ჩაიტვირთა, დაუკავშირდი Samsung-ის სერვის ცენტრს - შეიძლება საჭირო გახდეს სისტემის გადაყენება ინჟინერული მეთოდების გამოყენებით.
მადლობა გამოხმაურებისთვის!
უპასუხე ყველა კითხვას.