Samsung Account-ზე შესვლისას ჩნდება შეცდომის შეტყობინება

ბოლო განახლების თარიღი : 28-11-2024

Samsung Account-ზე შესვლის პრობლემები შეიძლება სხვადასხვა მიზეზთან იყოს დაკავშირებული:

  • არ იგზავნება დადასტურების კოდი,
  • Samsung Account-ზე მიმდინარეობს ტექნიკური სამუშაოები, 
  • მითითებული დრო და თარიღი არასწორია,
  • ინტერნეტთან კავშირი არ არის,
  • დაფიქსირდა აპლიკაციის შეცდომა და მოწყობილობის პროგრამული უზრუნველყოფის ვერსია მოძველებულია.

ქვემოთ მოცემულ სტატიაში წარმოდგენილია დეტალური ინფორმაცია იმის შესახებ, თუ რა უნდა გააკეთო, როდესაც ვერ ახერხებ Samsung Account-ზე შესვლას.

სარჩევი

  1. რა გავაკეთო, როდესაც რეგისტრაციისას არ იგზავნება დადასტურების კოდი
  2. რა გავაკეთო, თუ ვერ ვახერხებ არსებულ ანგარიშზე შესვლას
  3. რა გავაკეთო, თუ არ მაქვს წვდომა ფოსტასთან ან ტელეფონის ნომერთან, რომელიც მივუთითე ანგარიშზე რეგისტრაციისას
  4. თუ Samsung Account-ის რეკვიზიტები გახსოვს, თუმცა შესვლას ვერ ახერხებ

Samsung Account-ზე რეგისტრაციისას უნდა მიუთითო შენი მოქმედი ტელეფონის ნომერი. ეს საჭირო იქნება ანგარიშზე ორფაქტორიანი ავთენტიფიკაციის გამოყენებით შესვლისთვის. თუ რეგისტრაციის დროს, ტელეფონის ნომრის შეყვანის შემდეგ არ მოდის შეტყობინება დადასტურების კოდით, შეასრულე შემდეგი რეკომენდაციები:

1 დაბრუნდი ერთი საფეხურით უკან და შეამოწმე მითითებული ნომერი.
2 კოდის გაგზავნა ხდება არა ავტომატურად, არამედ ღილაკზე „კოდის გაგზავნა“ დაჭერის შემდეგ.
3 შეამოწმე WhatsApp-ზე, VK-ზე ან სხვა სერვისებზე შემოსული შეტყობინებები.
თუ ანგარიშთან შენი ტელეფონის ნომერია მიბმული, ზოგჯერ დადასტურების კოდი ამ პლატფორმებზე შემოდის. შეტყობინების ტექსტიდან დაგჭირდება მხოლოდ ციფრები. შეიყვანე ციფრები ინტერვალების, დეფისების და სხვა სპეციალური სიმბოლოების გარეშე.
4 თუ კოდი დიდი ხნის განმავლობაში არ მიიღებ, თავიდან მოითხოვე.
კოდის შემცველი შეტყობინება პირველივე ჯერზე შეიძლება ვერ მიიღო, ან მიიღო 1-2 საათის შემდეგ. კოდის შემცველი შეტყობინების მიღების დრო დამოკიდებულია მობილური ოპერატორის ან მობილური ინტერნეტის მუშაობაზე (დარწმუნდი რომ ეს სერვისი ჩართულია).

1 თუ Google-ის ანგარიშით შესვლას ვერ ახერხებ, სცადე შეხვიდე პირდაპირ Samsung-ის ანგარიშზე: Samsung Account-ის ავტორიზაციის გვერდზე შეიყვანე Google-ის ელ. ფოსტის მისამართი და პაროლი.
2 თუ არ გახსოვს Samsung Account-ზე მიბმული ელექტრონული ფოსტის პაროლი ან მისამართი, გადადი სტატიაზე „რა უნდა გავაკეთო, თუ დამავიწყდა პაროლი და Samsung-ის ანგარიშთან დაკავშირებული ელ“. ამ სტატიაში აღწერილია მონაცემთა აღდგენის პროცესი.
3 სცადე ანგარიშზე სხვა მეთოდით შესვლა.
დააჭირე პუნქტს „არ მიგიღია ავთენტიფიკაციის კოდი?“ და აირჩიე ორფაქტორიანი ავთენტიფიკაციის სხვა მეთოდი.
  • Galaxy მოწყობილობით, რომელზეც დამატებულია Samsung-ის ანგარიში.

    თუ გაქვს იმ Galaxy მოწყობილობაზე წვდომა, რომელსაც ადრე იყენებდი Samsung Account-ზე ავტორიზაციისთვის, დადასტურების ამ მეთოდის არჩევის შემთხვევაში, ეკრანზე გამოჩნდება შეტყობინება ანგარიშზე შესვლის შესახებ.
    დააჭირე ღილაკს „დიახ“ და შეიყვანე კოდი, რომელიც სმარტფონის ეკრანზე გამოჩნდება.
  • SMS-ით ან შეტყობინებით მიღებული დადასტურების კოდის დახმარებით.

    აირჩიე ავთეტიფიკაციის ეს მეთოდი და დააჭირე ღილაკს „კოდის გაგზავნა“. ავთენტიფიკაციის კოდს მიიღებ SMS-ით ან მესენჯერზე (მაგ., WhatsApp-ზე ან VK-ზე, თუ ანგარიშზე შენი ტელეფონის ნომერია მიბმული). შეტყობინების ტექსტიდან დაგჭირდება მხოლოდ ციფრები. შეიყვანე ციფრები ინტერვალების, დეფისების და სხვა სპეციალური სიმბოლოების გარეშე.

    თუ დიდი ხნის განმავლობაში არ მიიღებ შეტყობინების კოდს: შეამოწმე WhatsApp-ის, VK-ის ან სხვა სერვისების შემომავალი შეტყობინებები ან ხელმეორედ მოითხოვე კოდი. კოდის შემცველი შეტყობინება პირველივე ჯერზე შეიძლება ვერ მიიღო, ან მიიღო 1-2 საათის შემდეგ. კოდის მიღების დრო დამოკიდებულია მობილური ოპერატორის ან მობილური ინტერნეტის მუშაობაზე (დარწმუნდი რომ ეს სერვისი ჩართულია). 
კოდის შემცველი SMS-შეტყობინების მაგალითი
  • აღდგენის კოდის დახმარებით.

    აღდგენის კოდების დახმარებით სისტემაში შესვლა ტელეფონის დაკარგვის, მოპარვის ან დაზიანების შემთხვევაშიც შეგიძლია. ამ კოდის ნახვა შესაძლებელია ორფაქტორიანი ავთეტიფიკაციის პარამეტრებში, სმარტფონზე ან ბრაუზერიდან.

    თუ აღდგენის კოდები შენახული გაქვს, ანგარიშზე შესასვლელად შეიყვანე ერთ-ერთი მათგანი. თითოეული აღდგენის კოდის გამოყენება შესაძლებელია მხოლოდ ერთხელ.

• თუ გაქვს წვდომა Samsung Account-ის რეგისტრაციისას მითითებულ ელ. ფოსტაზე, მაგრამ არ გაქვს წვდომა ტელეფონის ნომერზე:

  1. ტელეფონის ნომრის შესაცვლელად, შეიყვანე Samsung Account-ზე მიბმული ელექტრონული ფოსტის მისამართი და პაროლი.
    თუ არ გახსოვს Samsung Account-ზე მიბმული ელექტრონული ფოსტის პაროლი ან მისამართი, გადადი სტატიაზე „რა უნდა გავაკეთო, თუ დამავიწყდა პაროლი და Samsung-ის ანგარიშთან დაკავშირებული ელ“. ამ სტატიაში აღწერილია მონაცემთა აღდგენის პროცესი.

  2. ორფაქტორიანი ავთენტიფიკაციის განხორციელების ნაცვლად, აირჩიე: „არ მიგიღია ავთენტიფიკაციის კოდი?“

  3. დააჭირე ღილაკს „მჭირდება ტელეფონის ნომრის შეცვლა“ და მიჰყევი ეკრანზე გამოჩენილ ინსტრუქციას.
     

ნომრის შეცვლისთვის საჭიროა 2 კვირა. ნომრის შეცვლის შემდეგ, ორფაქტორიანი ავთენტიფიკაციისთვის ძველ ნომერს ვეღარ გამოიყენებ.

• თუ გაქვს წვდომა Samsung Account-ზე მიბმულ ელ. ფოსტაზე:

საჭიროების შემთხვევაში შეგიძლია შეცვალო Samsung Account-ზე მიბმული ელექტრონული ფოსტის მისამართი. ამისათვის საჭიროა მიმართო Samsung-ის მხარდაჭერის სამსახურს და უპასუხო შენს ანგარიშთან დაკავშირებულ რამდენიმე კითხვას. მონაცემების შემოწმების შემდეგ (რასაც 3 დღემდე სჭირდება), ახალ ელექტრონულ ფოსტაზე მიიღებ შეტყობინებას, რომ ანგარიშის მონაცემები წარმატებით შეიცვალა.

თუ Samsung Account-ის რეკვიზიტები სწორად შეგყავს, მაგრამ ავტორიზაციას მაინც ვერ ახერხებ

1 შეამოწმე, როგორ მუშაობს Samsung Account-ის ვებსაიტი სხვა მოწყობილობაზე ან კომპიუტერზე. ანგარიშზე შესვლის პრობლემა შეიძლება დაკავშირებული იყოს ტექნიკურ სამუშაოებთან.
2 შეამოწმე თარიღის და დროის პარამეტრები. Samsung Account-ის თარიღისა და დროის პარამეტრები უნდა ემთხვეოდეს რეალურ მონაცემებს.
გახსენი „პარამეტრები“ > „ზოგადი“ ან „სისტემა“ > „თარიღი და დრო“ და დააყენე „დროის ავტომატური ამოცნობა“ ან ხელით შეიყვანე პარამეტრები.
3 გაასუფთავე Samsung Account აპლიკაციის მონაცემები.
4 თუ VPN-ს იყენებ, გამორთე ის და ხელახლა სცადე Samsung Account-ზე შესვლა.
5 შეამოწმე მობილურ ან Wi-Fi- ქსელთან კავშირი.
დარწმუნდი, რომ ინტერნეტი მუშაობს, რისთვისაც ბრაუზერში გახსენი ნებისმიერი გვერდი.
თუ კავშირი არასტაბილურია და სიჩქარე დაბალია, შესაძლოა ანგარიშზე შესვლისას წარმოშვას სირთულეები.

ამავე თემაზე:

6 დაუკავშირდი სხვა Wi-Fi ქსელს და ხელახლა სცადე ანგარიშზე შესვლა.

ამავე თემაზე:

7 გაასუფთავე იმ ბრაუზერის ან აპლიკაციის მონაცემები, რომლის საშუალებითაც Samsung Account-ზე შედიხარ.
8 შეამოწმე, არის თუ არა ხელმისაწვდომი სისტემური აპლიკაციების განახლებები Galaxy Store-ში.
თუ არის — განაახლე აპლიკაცია და დააინსტალე უახლესი ვერსია.
9 განაახლე შენი მოწყობილობის ოპერაციული სისტემა უახლეს ვერსიამდე.

ამავე თემაზე:

10 გადაიყვანე შენი მოწყობილობა უსაფრთხო რეჟიმში და სცადე ანგარიშზე შესვლა.
ზოგიერთმა დაინსტალებულმა აპლიკაციამ შეიძლება დაბლოკოს სისტემური ფუნქციები და გამოიწვიოს მათი გაუმართავად მუშაობა. უსაფრთხო რეჟიმში ყველა აპლიკაცია, გარდა სისტემურისა, ხდება არააქტიური.

ამავე თემაზე:

თუ აღწერილი საფეხურები პრობლემის მოგვარებაში ვერ დაგეხმარა, მოწყობილობის მუშაობის დიაგნოსტირებისთვის მიმართე ავტორიზებულ სერვის-ცენტრს.

მოიძიე Samsung-ის სერვის-ცენტრი შენთან ახლოს

შესაბამისი კითხვები

მადლობა გამოხმაურებისთვის!

საკონტაქტო ინფორმაცია

საინფორმაციო ცენტრი

დაგვიკავშირდი და მიიღე ინფორმაცია პროდუქტთან დაკავშირებულ დეტალებზე
გაიგე მეტი

სერვის ცენტრები

მოძებნე შენთვის სასურველი სერვის ცენტრი ადგილმდებარეობის მიხედვით
იპოვე სერვის ცენტრი
ნახე მეტი