Knox qovluğu nədir və ondan necə istifadə etməli
Qorunan qovluq (Knox qovluğu) - Samsung Galaxy-də özəl hesab etdiyiniz fotoşəkilləri, faylları, tətbiqləri və məlumatları saxlaya biləcəyiniz təhlükəsiz yerdir.
Knox qovluğunun necə işlədiyi və ondan necə istifadə edilməli olduğu barədə məlumatı aşağıdakı məqalədə əldə edə bilərsiniz.
Qeyd:
Bu funksiya bütün cihazlarda mövcud deyil. Sizin telefonun modelində bu funksiyanın olub-olmadığını istifadəçi təlimatında dəqiqləşdirin.
Mövzu üzrə:
Knox qovluğunu necə yaratmalı
Knox qovluğu istənilən fayl və ya tətbiqləri köçürə biləcəyiniz, "smartfon içində smartfon" kimi işləyir. Ona daxil olan zaman sizin seçdiyiniz parol tələb olunacaq.
Qorunan qovluqda saxladığınız məlumatlar Samsung Knox təhlükəsizlik platformasının etibarlı müdafiəsi altındadır. Ona görə də telefonunuz cinayətkarların əlinə düşsə, şəxsi məlumatlarınızın qorunacağından əmin ola bilərsiniz.
Knox qorunan qovluğunu yaratmaqdan ötrü aşağıdakı hərəkətləri icra edin:
1-ci addım. Parametrləri açın və Təhlükəsizlik və məxfilik (Biometriya və təhlükəsizlik) bölməsinə keçin.
2-ci addım. Daha çox təhlükəs. parametri açın.
3-cü addım. Təhlükəsiz Qovluq açın.
4-cü addım. Samsung hesabınıza daxil olun və ya yenisini yaradın. Qaydaları və şərtləri oxuyub Davam et düyməsinə basın.
5-ci addım. Knox qovluğu üçün zəruri olan icazələr siyahısı ilə tanış olun. Razısınızsa, Davam et düyməsinə basın.
6-cı addım. Smartfonun tənzimləməni başa çatdırması üçün 1-2 dəqiqə gözləyin. Sonra Knox qovluğu üçün kilidləmə növü seçin: Cizgi, PIN və Parol.
7-ci addım. Parol təyin edin. Parolu təyin etdikdən sonra onu unudacağınız halda Samsung hesabının köməyi ilə parolun sıfırlanmasını aktivləşdirmək təklifi göstərilən pəncərə açılacaq. Sizə lazım olan variantı seçin.
8-ci addım. Knox qovluğunu qorumaq üçün Barmaq izi funksiyasını aktivləşdirə bilərsiniz.
9-ci addım. "Knox qovluğu"nun etiketi tətbiqlər ekranında görünəcək.
Faylları Knox qovluğuna necə köçürməli
1-ci addım. Knox qovluğunu açın və sağ yuxarı küncdə üç nöqtənin üzərinə basın.
2-ci addım. Faylları əlavə et bəndini seçin.
3-cü addım. Knox qovluğuna köçürməli olduğunuz fayl növünü seçib ona toxunun.
4-cü addım. Faylları seçin və Hazırdır düyməsinə basın.
5-ci addım. Aşağıdakı elementlərlə mümkün hərəkətlərin əks olunduğu pop-up pəncərə görünəcək:
• Ləğv et - yerdəyişməni ləğv etmək,
• Kopyala - fayl ancaq Knox qovluğunda mövcud olacaq,
• Köçür - Knox qovluğunda faylın surətini yaratmaq.
6-cı addım. Knox qovluğundakı fayllara Mənim fayllarım tətbiqinin köməyi ilə baxmaq olar.
Faylları istənilən vaxt geri - ümumi istifadəyə qaytara bilərsiniz. Bunun üçün Knox qovluğunu açın və indi məlumatların saxlandığı tətbiqi işə salın. Məsələn, "Qalereya":
1-ci addım. Knox qovluğundan ümumi istifadəyə qaytarmaq istədiyiniz elementin üzərinə basın.
2-ci addım. Doha çox (⋮) basın.
3-cü addım. Təhlükəsiz Qovlug-dan köçür seçin.
Hazırdır. İndi məlumatlar Knox qovluğundan kənarda belə bir tətbiqdə görünəcək.
Qeyd:
Knox qovluğunda Mənim fayllarım və Qalereya tətbiqlərinin ayrıca "Zibil qutusu" var. Bu, o deməkdir ki, əgər qorunan qovluqdakı məlumatları silsəniz, onları Knox qovluğundan kənar "Zibil qutusu"nda tapa bilməyəcəksiniz.
Knox qovluğunda tətbiqi necə quraşdırmalı və ya silməli
1-ci addım. Knox qovluğunu açın və "+" (müsbət) işarəsinə basın.
2-ci addım. Köçürmək lazım olan tətbiqi seçin, sonra Əlavə et düyməsinə basın.
3-cü addım. Tətbiq Knox qovluğunda görünəcək.
Knox qovluğunun daxilində və xaricində olan eyni tətbiq - iki bir-birindən asılı olmayan surətlərdir, deməli, onların məzmunu da bir-birindən fərqli olacaq.
Məsələn, qorunan qovluğa messencer quraşdırsanız və ona başqa hesabdan daxil olsanız, iki tətbiqin söhbətləri və yazışma tarixçələri fərqli olacaq.
Tətbiqi Knox qovluğundan silmək üçün onun üzərinə basıb Poz bəndini seçin.
Knox qovluğundan silinmiş tətbiq Knox qovluğundan kənarda quraşdırılmışdısa, smartfonunuzda qalacaq.
Əvvəlcədən quraşdırılmış tətbiqləri, məsələn, "Qalereya"nı qorunan qovluqdan silmək olmur. Belə tətbiqləri Knox qovluğundan ancaq gizlədə bilərsiniz.
Tətbiqi qorunan qovluqdan gizlətmək üçün onun üzərinə basın və Gizlət bəndini seçin.
Gizlədilmiş tətbiqi qaytarmaq üçün "+" (müsbət işarəsi) basın, ekranı "Knox qovluğunda gizlədilmiş tətbiqlər" bölməsinə qədər aşağı doğru vərəqləyin. Lazımi tətbiqi seçin, sonra Əlavə et düyməsinə basın.
Knox qovluğunu necə gizlətməli
Knox qovluğu tətbiqlər ekranında və ya əsas ekranda görünməsin deyə onu gizlətmək olar. Knox qovluğunun etiketinin əks olunmasını sürətli tənzimləmələr paneli ("pərdə") vasitəsilə yandırmaq və söndürmək olar.
1-ci addım. Parametrlər açın və Təhlükəsizlik və məxfilik (Biometriya və təhlükəsizlik) bölməsinə keçin.
2-ci addım. Daha çox təhlükəs. parametri açın.
3-cü addım. Təhlükəsiz Qovluq açın.
4-cü addım. Təhlükəsiz Qovluq programini Programlar ekranina əlavə et bəndinin yanındakı sürüngəci aktivləşdirin.
Sürətli tənzimləmələr panelini ("pərdəni") açın və Knox qovluğunun işarəsinə basın:
- yanılı olanda - qovluq əks olunur,
- sönülü olanda - qovluq gizlədilir.
Bundan başqa, siz tətbiqlər ekranında qovluğun xarici görünüşünü tənzimləyə bilərsiniz. Qovluğun adını və işarəsini elə dəyişin ki, yad adamlar onda özəl məlumatların olduğunu təxmin etməsinlər.
1-ci addım. Knox qovluğunu açın və Seçimlər (⋮) işarəsinə basın.
2-ci addım. Ferdiləşdir seçin.
3-cü addım. Adı daxil edin, tətbiqin işarəsini və rəngini seçin. Sonra Tətbiq et düyməsinə basın.
İndi tətbiqlər ekranında və ya əsas ekranda tətbiq seçilmiş xüsusi görünüşə malik olacaq.
Knox qovluğuna quraşdırılmış tətbiqlər sizi narahat etməsin deyə onlar üçün bildirişlərin icazəsini tənzimləyin:
1-ci addım. Knox qovluğunu açın və Seçimlər (⋮) işarəsinə basın.
2-ci addım. Parametrləri seçin.
3-cü addım. Bildirişlər səsi bölməsinə keçin.
4-cü addım. Program bildirişləri bəndini açın.
5-ci addım. Bildirişlərini söndürmək istədiyiniz tətbiqin dəyişdiricisini sağa çəkin.
Knox qovluğunu necə silməli
1-ci addım. Knox qovluğunu açın və sağ yuxarı küncdə üç nöqtənin üzərinə basın.
2-ci addım. Parametrləri seçin.
3-cü addım. Daha çox parametr bölməsinə keçin.
4-cü addım. Poz düyməsinə basın.
5-ci addım. Knox qovluğunun silinməsindən sonra faylları saxlamaq istəyirsinizsə, Knox qovluğundan mediafaylların yerini dəyiş yazısına quş işarəsi qoyun, əks halda onlar bərpa imkanı olmadan silinəcək. Sonra Poz düyməsinə basın.
Knox qovluğundakı məlumatları necə bərpa etməli
Telefon qırıldığı və ya itdiyi halda məlumatları saxlamaq üçün qorunan qovluğun ehtiyat surətini yaradın. Onda siz onun məzmununu istənilən vaxt bərpa edə biləcəksiniz.
Bunun üçün aşağıdakı məqalənin tövsiyələrindən yararlanın.
Şərhiniz üçün təşəkkür edirik!
Bütün sualları cavablandırın.