Samsung Galaxy cihazlarınızdakı səslər, vibrasiyalar və bildirişlər
Galaxy cihazlarınızda mesaj, e-poçt və ya telefon zəngi kimi bildiriş aldığınız zaman xəbərdar olmağın bir neçə yolu var. Üstəlik, bu bildiriş seçimlərini və tərzlərini öz zövqünüzə uyğun olaraq fərdiləşdirmək imkanı da mövcuddur.
Qeyd: İstifadə olunan şəkillər illüstrativ məqsədlər üçün simulyasiya edilib və faktiki istifadəçi interfeysi və quraşdırma metodu ƏS versiyası, cihaz modeli, region və s. görə dəyişə bilər.
Daxil olan zənglər və bildirişlər üçün səslər və vibrasiyalar təyin edə bilərsiniz. Əlavə olaraq, siz həm səs, həm də vibrasiya xəbərdarlığını almaq üçün parametrlərdə "Zəng zamanı vibrasiya et" seçimini aktiv edə bilərsiniz.
Addım 1. Param-lər-i açın > Səs və vibrasiya-nı seçin.
Addım 2. Səs və vibrasiya parametrlərinizi təyin edin.
Səs rejimi
- Zəng melodiyası: Daxil olan zənglər üçün istədiyiniz zəng melodiyasını seçin və səs səviyyəsini təyin edin. Siz burada, həmçinin “Zəng zamanı vibrasiya et” seçimini aktivləşdirə bilərsiniz.
- Bildiriş səsi: Bildirişləriniz üçün səsləri idarə edin.
- Sistemin səsi: Ekranla əlaqəli əməliyyatlar, düymələr, klaviatura, ekranın kilidlənməsi/açılması, enerji yığılması və toxunuş bildirimləri üçün səsləri tənzimləyin.
- Səs səviyyəsi: Zəng melodiyası, media, bildirişlər və sistem səslərinizin səs səviyyələrini idarə edin.
Vibrasiya rejimi
- Zəng vibrasiyası: Daxil olan zənglər üçün vibrasiya intensivliyinə və üsuluna nəzarət edin.
- Bildiriş vibrasiyası: Daxil olan bildirişlər üçün üstünlük verdiyiniz vibrasiya üsulunu seçin.
- Sistem vibrasiyası: Toxunuş, zəng düymələri, klaviatura, naviqasiya jestləri, şarj və kamera bildirişləri üçün vibrasiya intensivliyi və geri bildirimi tənzimləyin.
- Vibrasiyanın intensivliyi: Zənglər, bildirişlər, sistem səsləri və media üçün vibrasiya intensivliyini tənzimləyin. Siz burada, həmçinin “Zəng zamanı vibrasiya et” seçimini aktivləşdirə bilərsiniz.
Digər parametrlər
- Səs keyfiyyəti və effektlər: Səs keyfiyyətini yüksəltmək üçün Dolby Atmos özəlliyini aktivləşdirin, videolarda daha aydın səslər üçün dialoqu gücləndirin, səsi sabit saxlamaq üçün ucalığı normallaşdırın və uyğunlaşdırılmış dinləmə təcrübəsi üçün səsi adaptasiya edin.
- Ayrı proqram səsi: Bu funksiyanı aktiv edin ki, seçdiyiniz tətbiqlərdən gələn media səsləri avtomatik olaraq ayrı bir qurğuda, məsələn, dinamiklərdə və ya qulaqlıqlarda səslənsin.
Addım 1. Param-lər-i açın > Bildirişlər-i seçin.
Addım 2. Kilid ekranı bildirişləri-ni və Ani bildiriş üslubu-nı fərdiləşdirin.
Kilid ekranı bildirişləri: Kilid ekranı bildirişlərini aktivləşdirin və ya deaktiv edin, həmçinin hansı tətbiq bildirişlərinin kilid ekranında göstəriləcəyini tənzimləyin.
Ani bildiriş üslubu: Qısa və ya ətraflı açılmış pəncərə bildirişlərindən birini seçin və bildiriş parametrlərinizi daha da fərdiləşdirmək üçün tətbiqləri, işıq effektlərini və açar sözlərin rənglərini tənzimləyin.
Şərhiniz üçün təşəkkür edirik!
Bütün sualları cavablandırın.