Samsung Galaxy-də qara ekran çıxdığı və smartfon işə düşmədiyi, lakin telefon işlədiyi zaman nə etmək lazımdır

Ekranın və ya işıqlandırmanın aparat nasazlığı ekranın işləməməsinin ən geniş yayılmış səbəbidir. Təəssüflər olsun ki, bu halda, diaqnostika və displey modullarının dəyişdirilməsi üçün servis mərkəzinə getmək lazımdır. 

Geniş yayılmış daha bir səbəb mexaniki zədələnmələrdir. Smartfonun üzərində çatlar və ya qırıqlar varsa, smartfon suyun təsirinə məruz qalıbsa, habelə, görüntü belə zədələnmələr ortaya çıxdıqdan sonra sönübsə, displeyin dəyişdirilməsi üçün servis mərkəzinə müraciət etmək lazımdır.

Servisə getməzdən öncə, verilənləri USB kabel vasitəsilə smartfonunuzdan kompüterə köçürün. Samsung DeX stansiyanız varsa, siz faylları telefona Samsung DeX vasitəsi köçürə bilərsiniz.

Ola bilər ki, smartfon həddindən çox yüklənmə səbəbi ilə donub.

Eyni zamanda İşəsalma və Səsartırma düymələrini on saniyə ərzində basıb saxlayın (daha erkən çıxmış modellərdə yalnız İşəsalma düyməsi basılıb saxlanmalıdır). 

Ekranda görüntünün olmamasının səbəbi cihazın endirilmiş tətbiqlərlə ziddiyyətindən ibarət ola bilər.

Kənar proqramların təsirinin istisna edilməsi üçün, təhlükəsiz rejimdə telefonun işləyib-işləmədiyini yoxlayın. Təhlükəsiz rejimdə ekran işləyirsə, yaxınlarda quraşdırılmış tətbiqləri silin və ya tətbiqləri bir-bir silin və telefonun adi rejimdə işləyib-işləmədiyini yoxlayın.

Bu rejim aktiv olduqda, telefon istifadəçinin hərəkətlərini səsləndirir. Talkback rejimində ekranın söndürülməsi funksiyası var. Ola bilər ki, cihazınızda bu funksiya aktiv edilib və məhz buna görə ekran işləmir.

Smartfon ekranla edilən bütün hərəkətləri səsləndirirsə:

• Ekrana üç barmaqla toxunun,
• Yaxud iki dəfə «Qidalanma» düyməsinə basın.

Nəticədə ya ekran yanacaq (menyu çıxacaq, «Ekran işıqlandırmasını aktiv et» bölməsini seçin), ya da səsli yardımçı bunun necə edilməli olduğunu xatırladacaq.

Talk Back funksiyası sizə lazım deyilsə, onu tamamilə deaktiv edə, yaxud yalnız ekranın söndürülməsi funksiyasını deaktiv edə bilərsiniz. Bu funksiyanın söndürülməsi üsulu Android versiyasından asılıdır: smartfonunuzdakı Android versiyasını dəqiqləşdirin və təlimatı açmaq üçün onun adının üzərinə basın.

Cihaz işə salındıqda, ekran işləmirsə, düymələrlə cihazı sıfırlamağa çalışın. Tənzimləmələrin sıfırlanması proqram nasazlıqlarını və xətalarını aradan qaldırmağa kömək edəcək. 

Tənzimləmələrin sıfırlanması cihazınızdan bütün verilənlərin silinməsinə gətirib çıxaracaq.
Biz, sıfırlanmanı həyata keçirməzdən öncə, bütün əhəmiyyətli verilənlərin ehtiyat surətini yaratmağınızı israrla tövsiyə edirik.

Smartfonu USB kabel vasitəsilə kompüterə qoşun və lazım olan verilənləri köçürün. Samsung DeX stansiyanız varsa, siz faylları telefona Samsung DeX vasitəsi köçürə bilərsiniz.

Bütün əvvəlki addımlar fayda vermirsə, işləməsinin diaqnostika edilməsi və texnikanın təmir edilməsi üçün ən yaxın rəsmi servis mərkəzinə müraciət edin.