Samsung Galaxy Buds toxunma əmri necə istifadə olunur
Samsung Galaxy Buds onları Galaxy Wearable tətbiqi vasitəsilə telefona və ya planşetə qoşduqda təcrübənizi artırmaq üçün bir neçə daxili əmr təklif edir. Sadəcə bir kliklə və ya toxunuşla musiqi oxuda, mahnıları dəyişə, zəngləri qəbul edə və daha çox şey edə bilərsiniz. Siz, həmçinin toxunma parametrlərini fərdiləşdirə, səsi tənzimləyə, səsli əmrlərdən istifadə edə, səs-küy ləğvi və Mühit səslərini aktivləşdirə bilərsiniz.
Qeydlər:
- Bu məqalə Galaxy Buds2 Pro əsasındadır və hər modelin işləmə funksiyaları fərqli ola bilər, ona görə də istifadədən əvvəl təlimatı bir daha yoxlamağınızı tövsiyə edirik.
- Əgər siz Galaxy Buds3 və Buds3 Pro-da toxunma əmrləri haqqında öyrənmək istəyirsinizsə, zəhmət olmasa, bu məqaləyə keçid edin.
Mahnı oxumaq və ya daxil olan zəngə cavab vermək lazım olduqda Galaxy Buds2, Galaxy Buds2 Pro və ya Galaxy Buds Pro-ya necə nəzarət edəcəyinizi anlamaq üçün aşağıdakı təlimatı nəzərdən keçirin.
Kliklə: Mahnını səsləndir və ya dayandır
İki dəfə kliklə: Növbəti mahnını səsləndir, zəngə cavab ver və ya zəngi bitir
Üç dəfə kliklə: Əvvəlki mahnını səsləndir
Toxunub saxla: İstifadəçinin seçimi (parametrlərdə dəyişiklik) və ya Zəngi rədd et
Hər bir qulaqlıq üçün toxunma paneli əmrlərini necə quraşdırmaq olar
Galaxy Buds-u telefonunuzda və ya planşetinizdə Galaxy Wearable tətbiqinə qoşduqda hər bir qulaqlıq üçün bəzi toxunma paneli əmrlərini fərdiləşdirə biləcəksiniz.
Addım 1. Galaxy Wearable tətbiqini açın > Sensor idarə-ni seçin.
Addım 2. Toxunub saxla-nı aktivləşdirmək üçün açıq vəziyyətin üzərinə klikləyin > Sonra Toxunub saxla-nı seçin.
Addım 3. Siz hər bir qulaqlıq üçün detallı parametrləri təyin edə bilərsiniz.
Səs-küya nəzarət Keçiricisi: Mühit səsi ilə Aktiv səs-küy ləğvi arasında keçid etmək üçün toxunma panelinə toxunub saxlayın.
Bixby: Bixby Səsini aktivləşdirmək və telefonunuzda olduğu kimi əmrlər vermək üçün toxunma panelinə toxunub saxlayın.
Aşaği səs/Yüksək səs: Səsi artırmaq və ya azaltmaq üçün toxunma panelinə toxunub saxlayın. Əgər bir qulaqlıqda səs səviyyəsinə nəzarəti seçsəniz, digəri avtomatik olaraq uyğunlaşacaq. Əgər başqa seçim seçsəniz, hələ də qoşulmuş cihazda səs səviyyəsini qaldıra və azalda bilərsiniz.
Səs artırma/azaltma özəlliyini digər toxunma əmrləri ilə birlikdə necə istifadə etmək olar
Galaxy Buds seriyasında toxunma paneli əmrlərinin başqa funksiyaları olmasına baxmayaraq siz qulaqcıqların ucundan istifadə edərək səs səviyyəsini tənzimləyə bilərsiniz.
Addım 1. Galaxy Wearable tətbiqini açın > Qulaqlıqların parametrləri-ni seçin.
Addım 2. Laboratoriyalar-ı seçin.
Addım 3. Qulaqlıq kənarına iki dəfə kliklə-ni aktivləşdirmək üçün açıq vəziyyətin üzərinə klikləyin > Sonra Qulaqlıq kənarına iki dəfə kliklə-ni seçin.
Addım 4. Aktiv/deaktiv vəziyyətini yoxlayın.
Şərhiniz üçün təşəkkür edirik!
Bütün sualları cavablandırın.