Samsung Galaxy-də SMS ismarışlar üçün istifadə olunan əsas SIM kartı necə seçmək olar
Bir çox Galaxy smartfonunda 2 SIM kart taxmaq imkanı var. Bu zaman siz həmişə ismarışların hansı SIM kartdan göndəriləcəyini seçə bilərsiniz. Galaxy smartfonunda SMS ismarışların göndərilməsi üçün istifadə olunan əsas SIM kartın necə seçilməli olduğu barədə aşağıda məlumat əldə edə bilərsiniz.
Siz kartı aşağıdakı qaydada seçə bilərsiniz:
- tənzimləmələrdə - burada susmaya görə SIM kart təyin edilir. Hər bir yeni ismarış avtomatik olaraq tənzimləmələrdə seçilmiş kartdan göndəriləcək.
- ismarışlarda - burada konkret ismarışın göndərilməsi üçün SIM kartı dəyişmək olar, tənzimləmələrdə başqa kart təyin edilsə belə.
SIM kart üçün "Həmişə soruş" parametrini təyin etmək mümkün olmayacaq - belə bir tənzimləmə mövcud deyil.
Susmaya görə istifadə olunan əsas kartı necə təyin etmək olar (tənzimləmələrdə)
1-ci addım. Tənzimləmələri açın.
2-ci addım. Qoşulmalar bölməsinə keçin.
3-ci addım. SIM kart dispetçerinə basın.
İsmarışlar bəndinə basın və kartı seçin.
Burada siz, həmçinin, zənglər (Zənglər) və internetin istifadəsi (Mobil verilənlər) üçün istifadə olunan əsas kartı seçə bilərsiniz.
Lakin siz həmişə konkret ismarışın göndərilməsi üçün dialoq pəncərəsində tez başqa kartı seçə bilərsiniz. Bu barədə ətraflı məlumatı aşağıda əldə edə bilərsiniz.
İsmarışlarda başqa SIM karta necə keçmək olar
Yazışmanı davam edirsinizsə:
1-ci addım. İsmarışlarda dialoqu açın.
2-ci addım. Opsiyalara basın – sağ yuxarı küncdə üç nöqtə.
3-ci addım. Bir SIM kartdan digərinə keçmək üçün aşağıdakı SIM kart işarəsinə basın.
Yeni ismarış yaradırsınızsa:
1-ci addım. İsmarışlarda yeni ismarış yaratmaq üçün ismarış işarəsinə basın.
2-ci addım. İsmarışı alan şəxsi əlavə edin. İsmarışı alan şəxs əlavə edilmədiyi halda, SIM kartı seçmək mümkün olmayacaq.
3-ci addım. Bir SIM kartdan digərinə keçmək üçün SIM kart işarəsinə basın. Bunu ismarış mətnini daxil etməzdən öncə etsəniz, daha yaxşı olar, əks halda, çap etdiyiniz bütün mətn silinəcək.
İsmarışın hansı SIM karta gəldiyini necə öyrənmək olar
SMS ismarışın hansı SIM karta gəldiyinə ismarış mətninin yanında baxa bilərsiniz. Bu zaman yuxarıda SMS-in göndərilməsi üçün seçilmiş kart qeyd olunacaq.
İsmarışların gəldiyi kart göndəriş üçün seçilmiş kartla eynidirsə, işarə yalnız yuxarıdan əks olunur. İsmarışların yanında həmin işarə əks olunmur.
Şərhiniz üçün təşəkkür edirik!
Bütün sualları cavablandırın.