Samsung Galaxy üçün enerjidoldurma cihazını necə seçməli
Smartfon və ya planşet üçün enerjidoldurma cihazının seçilməsi enerjidoldurma vaxtına və batareyanın xidmət müddətinə təsir göstərir.
Biz orijinal Samsung enerjidoldurma cihazından və kabelindən istifadə etməyi tövsiyə edirik. Uyğun olmayan aksessuarlar ciddi travmalara və ya cihazın zədələnməsinə səbəb ola bilər.
Enerjidoldurma cihazının gücünü öyrənmək üçün hara baxmaq lazımdır
Enerjidoldurma cihazının cərəyan gücü və gərginliyi parametrləri cihazın arxa hissəsində yerləşən yapışqan etiketin üzərində qeyd olunur.
Siz telefondakı yapışqan etiketi qoparmısınızsa, Parametrlər > Telefon haqqında > Status məlumatlar açın, aşağıda Təyin edilib bölməsinə qədər düşün.
Ən geniş yayılmış güc göstəriciləri:
- 9V 1.67A — 15W
- 9V 2.77A — 25W
- 10V 4.5A — 45W
Cihazınızdakı göstəricilər sadalananlardan fərqlidirsə, sadə düstur üzrə hərəkət edin:
V dəyəri (Volt) * A dəyəri (Amper) = W (Vatt) dəyəri
Qeyd: smartfon modeliniz üçün zəruri güc haqqında məlumatı tapa bilmirsinizsə, Dəstək xidmətinə müraciət edin.
Simli enerjidoldurma cihazını necə seçməli
Enerjidoldurma cihazının gücü texnikanın enerjisinin doldurulması üçün tələb olunan gücə bərabər olmalıdır.
- Enerjidoldurma cihazının gücü smartfonun tələblərində qeyd olunandan aşağıdırsa, smartfon daha uzun müddət ərzində enerji yığacaq.
- Enerjidoldurma cihazının gücü smartfonun tələblərində qeyd olunandan yüksəkdirsə, cihaz ona tələb olunan həcmdən çox enerji istifadə etməyəcək. Lakin adapter belə iş formatını dəstəkləməlidir.
Misal:
Galaxy A54 smartfonunun yapışqan etiketində və ya tənzimləmələrində 9V və 1,67A dəyərləri göstərilib.
9V * 1,67A = 15,03W — təxminən 15 Vt. Məsələn, EP-T1510.
Deməli, smartfonun enerji yığması üçün 15 Vt enerjidoldurma cihazı lazımdır.
Siz sərf olunan güc göstəriciləri fərqli olan bir neçə cihazın enerji yığmasını istəyirsinizsə, siz daha güclü enerjidoldurma cihazından istifadə edə bilərsiniz. Məsələn, 45 Vt (EP-T4510). Bu enerjidoldurma cihazı fərqli güc göstəriciləri ilə işi dəstəkləyir. Buna görə siz onu yalnız tələb olunan 15 Vt istifadə edən smartfonla da istifadə edə biləcəksiniz.
Eyni zamanda bir neçə qurğunun enerji doldurması üçün nəzərdə tutulan enerjidoldurma cihazlarının xüsusiyyətlərində maksimal güc qeyd olunur. Məsələn, EP-T6530 şəbəkə enerjidoldurma cihazının maksimal gücü 65 Vt təşkil edir və üç cihazın qoşulması üçün yuvaları var: 65 Vt, 25 Vt və 15 Vt.
Galaxy Watch saatının və Galaxy Buds qulaqlıqlarının enerji doldurması üçün istənilən Samsung adapterindən istifadə etmək olar. Məsələn, Galaxy smartfonunun adapterindən. Saatın və ya qulaqlıqların enerjidoldurma cihazı onun üçün tələb olunandan artıq enerji sərf etməyəcək.
Simsiz enerjidoldurma cihazını necə seçməli
Simsiz enerjidoldurma aşağıdakı cihazlarda mövcuddur:
- Galaxy Note smartfonları: Galaxy Note20 5G, Note20 Ultra 5G, Note10+, Note10, Note9, Note8 və Note5
- Galaxy S smartfonları: S24 seriyası, S23 seriyası, S22 seriyası, S21 seriyası, S20 seriyası, S10 seriyası, S9 seriyası, S8 seriyası, S7 seriyası və S6 seriyası
- Qatlanan telefonlar: Galaxy Z Fold6, Z Fold5, Z Fold4, Z Fold3, Z Fold2, Z Fold, Z Flip6, Z Flip5, Z Flip4, Z Flip3, Z Flip Z 5G və Z Flip
- Qulaqlıqlar: Galaxy Buds3 Pro, Galaxy Buds2 Pro, Galaxy Buds Pro, Galaxy Buds3, Galaxy Buds2, Galaxy Buds, Galaxy Buds Live və Galaxy Buds+
- Smart saat modelləri: Galaxy Watch Ultra, Galaxy Watch7, Galaxy Watch6, Galaxy Watch6 Classic, Galaxy Watch5 Pro, Galaxy Watch5, Galaxy Watch4, Galaxy Watch4 Classic, Galaxy Watch, Galaxy Watch3, Galaxy Watch Active və Galaxy Watch Active2
Digər Galaxy cihazlarında simsiz enerjidoldurma dəstəklənmir.
Simsiz enerjidoldurma cihazını seçərkən, eyni zamanda enerji yığa biləcək cihazların sayına diqqət etmək lazımdır – birdən üçə qədər.
EP-P2400 simsiz enerjidoldurma cihazı
EP-P5400 simsiz enerjidoldurma cihazı
EP-P6300 simsiz enerjidoldurma cihazı
Şərhiniz üçün təşəkkür edirik!
Bütün sualları cavablandırın.