Si të regjistroj një video me lëvizje super të ngadaltë me Galaxy S9/S9+?

Ka dy opsione të ndryshme për të regjistruar me lëvizje super të ngadalta:
 

• Multi-shkrepje: Regjistroni një video dhe kapni disa momente me lëvizjet super të ngadalta.
• Një shkrepje: Regjistroni një video dhe kapni një moment të vetëm me lëvizje super të ngadalta.

Përdorni këtë veçori në një vend që ka dritë të mjaftueshme.

Ndërsa regjistroni një video në opsionin Multi-shkrepje, çdo sekuencë në të cilën subjekti lëviz do të kapet automatikisht me lëvizje super të ngadalta.

Për ta lëvizur zonën e dallimit të lëvizjeve, shtypni dhe mbani shtypur pjesën brenda kuadros dhe tërhiqeni në një vend të ri. Për të rregulluar madhësinë e sipërfaqes, shtypni dhe mbani shtypur një cep të kuadros dhe tërhiqeni.

Pikat e bardha që shfaqen sipër ikonës "Stop" bardhë e zi tregojnë numrin e sekuencave të regjistruara me lëvizje super të ngadalta. Mund t’i përdorni lëvizjet super të ngadalta deri në 20 herë në një video të vetme.

Ju lutemi vini re: Kur regjistroni një video në metodën Auto, regjistrimi me lëvizje super të ngadalta mund të fillojë padashur nëse ka lëvizje që dallohen nga kamera. Gjithashtu mund të dallohen lëvizje:
 

• Kur pajisja dridhet.
• Kur një objekt tjetër i afrohet subjektit në vendin e dallimit të lëvizjeve.
• Kur regjistroni në dritë që dridhet, si për shembull drita fluoreshente.
• Kur regjistroni në zona të errëta ku ka zhurmë.