Si të përdorni Wireless DeX me Galaxy Note20 | Note20 Ultra

Samsung DeX është një shërbim i cili ju jep mundësi ta përdorni celularin si kompjuter duke e lidhur këtë celular me një ekran të jashtëm, si televizori apo një monitor. Deri tani për Samsung DeX është mbështetur lidhja me kabllo HDMI/USB. Por, me modelet Galaxy Note20 dhe Note20 Ultra mund ta bëni lidhjen pa kabllo me Samsung DeX nëpërmjet rrjetit Wi-Fi. Bëni disa gjëra njëkohësisht në një ekran të madh me anë të Wireless DeX. Përdorimi i aplikacioneve të veçanta mund të bëhet njëkohësisht në ekranin e jashtëm dhe në celular. Mund të ndiqni YouTube ose Netflix në televizor, ndërkohë që shfletoni njëkohësisht internetin në celular ose mund të mbani një shënim me Samsung Notes ndërkohë që ndiqni leksione online në televizor. 

Mund t’i shikoni përmbajtjet me rezolucion më të qartë se me FHD.

Rezolucioni 2560 x 1440 ofron përvojë të kënaqshme të shikimit të përmbajtjes me cilësi pamjeje të mprehtë dhe me ngjyra të gjalla. 

Më parë ju nevojiteshin aksesorë të tillë si DeX Pad apo një kabllo për ta përdorur Samsung DeX i cili ju lidh celularin me televizorin smart. Por, tani që Wireless DeX është një funksion i ri në Galaxy Note20 dhe Note20 Ultra, nuk ju duhet më një aksesor. Ndiqni hapat e mëposhtëm për të konfiguruar Wireless DeX.
 

Hapi 1. Në smartfon, hapni panelin e shpejtë, tërhiqni me gisht për nga poshtë dhe pastaj prekni Dex.

Hapi 2. Përzgjidhni një televizor nga lista e pajisjeve të zbuluara.

Hapi 3. Prekni Fillo tani në dritaren e re që del për Samsung DeX. (Kërkohet për pajisjet pas sistemit operativ Q)

Hapi 4. Pranoni në televizor kërkesën për lidhje.

Hapi 5. Kur lidhen, në televizor shfaqet ekrani Samsung DeX.

Bëni disa gjëra njëkohësisht me celularin dhe televizorin. Duke përdorur Samsung DeX, mund të përdorni njëkohësisht aplikacione të veçanta në ekranin e jashtëm dhe në celular.

• Përvojë e këndshme multimediale
  

Mund të ndiqni YouTube ose Netflix në televizor ndërkohë që dërgoni një mesazh me tekst apo ndërkohë që shfletoni internetin në të njëjtën kohë.
 

• Arsimim efikas online
  

Mund të mbani shënime duke përdorur Samsung Notes ndërkohë që ndiqni leksione online në televizor si TED.

Fusha me prekje në DeX me Galaxy Note20 dhe Note20 Ultra ju jep mundësi ta komandoni sikur të jetë kompjuter. Këtij funksioni të përmirësuar i janë shtuar tri lloje të reja gjestesh. Mund ta komandoni DeX më mirë duke fërkuar në ekran 3 gishta, që mbështetet nga Galaxy Note20 dhe Note20 Ultra. Shikojini elementet e reja më poshtë.
 

Për të aktivizuar fushën e prekjes, pasi të keni bërë lidhjen me DeX, tërhiqni me gisht për nga poshtë panelin e shpejtë dhe përzgjidhni Përdor fushën me prekje.