Si t’i zgjidhni problemet e mikrofonit të telefonit Galaxy kur nuk e njeh mirë zërin.

Telefoni mund të mos jua njohë mirë zërin nëse vrima e mikrofonit është zënë nga sende të tilla si kasa mbrojtëse apo nga qesja mbrojtëse që i është vendosur telefonit përpara blerjes. Mikrofoni ndodhet në pjesën e poshtme të telefonit. Kontrolloni se mos diçka e ka bllokuar vrimën e mikrofonit dhe pastaj provoni përsëri pasi ta keni zhbllokuar.

Problemin mund t’jua zgjidhë edhe thjesht rindezja.  Pas rindezjes, kontrolloni si dëgjohet zëri gjatë një telefonate ose provoni t’i jepni një komandë me zë për Bixby ose për Google Assistant.  Ndiqni hapat e mëposhtëm për ta rindezur telefonin.

Hapi 1. Rrëshqitni gishtin nga pjesa e sipërme e ekranit për poshtë, për të hapur Panelin e shpejtë.

Hapi 2. Prekni ikonën e Ndezje/Fikjes dhe pastaj prekni Restart (Rinis).

Hapi 3. Nëse telefoni rindizet normalisht, kontrolloni nëse ndodh i njëjti problem.

Provoni ta përdorni mikrofonin gjatë regjimit të sigurt. Nëse nuk ka asnjë problem gjatë regjimit të sigurt, shkaku i problemit mund të jetë një aplikacion i një pale të tretë i instaluar në telefon.  Për të gjetur se cili aplikacion e shkakton problemin, mund të provoni të çinstaloni aplikacionet, duke filluar nga aplikacioni që është instaluar më i fundit.

Hapi 1. Hapni Konfigurimet e shpejta. Prekni ikonën e Fikje/Ndezjes në pjesën e sipërme të ekranit.

Hapi 2. Mbani të prekur ikonën Power off (Fik) gjersa të shfaqet ikona Safe mode (Regjimi i sigurt).

Hapi 3. Prekni Safe mode (Regjimi i sigurt). Nëse keni hyrë me sukses në Regjimin i sigurt, do të shihni në pjesën e poshtme të ekranit fjalët Safe mode (Modaliteti i sigurisë ).