Siguruar nga Knox
Siguria. Është në ADN-në tonë.
Kur diçka ka rëndësi për ju, ju e mbroni atë me çdo kusht. Për Samsung, siguria është pjesë qëndrore e procesit tonë dhe e asaj që jemi. Ne kemi shpenzuar vite të tëra për të perfeksionuar platformën tonë të sigurisë Knox për t'ju dhënë privatësinë që mund ta besoni në një botë të pasigurt të mbushur me kërcënime të shumta dhe shkelje të sigurisë. Pajisjet tona celulare janë projektuar me siguri të shkallës ushtarake që nga çipi, në mënyrë që pajisjet tuaja të jenë të siguruara nga Knox nga momenti që ju e ndizni për herë të parë.
Ndërsa kërcënimet ndaj sigurisë evoluojnë, po ashtu evoluojmë edhe ne. Ne jemi vazhdimisht duke bërë inovacione për të arritur sfidat që do të sjellë e ardhmja. Sepse pavarësisht se çfarë ka përpara, ne do të jemi gati të mbrojmë botën tuaj dixhitale.
Mbrojini fjalëkalimet tuaja me Samsung Pass
Ka vetëm një si ju, dhe ne sigurohemi që pajisjet tuaja ta dinë këtë. Me teknologjinë tonë inovative të autentifikimit biometrik, duke përfshirë Dallimin e fytyrës dhe Gjurmët e gishtave ultrasonike, aksesi në të dhënat tuaja mund të mbrohet edhe nëse pajisja ju humb ose vidhet.
Me Samsung Pass, karakteristikat tuaja individuale ju lejojnë të aksesoni me lehtësi, shpejtësi dhe siguri të dhënat e rëndësishme - siç janë aplikacionet tuaja bankare dhe të emailit. Nuk është nevoja të mbani mend emra përdoruesi dhe fjalëkalime të pafund.
- *Disponueshmëria e veçorisë së autentikimit biometrik mund të variojë sipas pajisjes.
- *Funksionet dhe veçoritë e disponueshme si edhe aplikacionet e përputhshme për Samsung Pass mund të variojnë sipas vendit për shkak të mjediseve të ndryshme rregullatore dhe ligjore.
- *Identifikimi në ueb është i disponueshëm vetëm në aplikacionin Samsung Internet.
Mbajini personale të dhënat personale
me Secure Folder
Pajisjet celulare janë bërë mjetet tona me shumë përdorime - portofoli, librat telefonikë, albumet tona të fotografive, kompjuterët tanë portativë. Për më shumë privatësi, Secure Folder krijon një hapësirë të enkriptuar të veçantë për të ruajtur të dhënat tuaja, që do të thotë se vetëm ju do të keni akses në pjesët më private të telefonit tuaj.
- *Disponueshmëria e Secure Folder mund të variojë sipas pajisjes.
Mbroni të dhënat tuaja shëndetësore
Edhe të dhënat tuaja shëndetësore duhet të jenë të sigurta. Aplikacioni Samsung Health ju lejon të monitoroni të dhënat tuaja të mirëqenies për të menaxhuar shëndetin tuaj personal, qoftë kur është dieta, ushtrimet, gjumi, pesha ose stili i përgjithshëm i jetesës. Knox i mban të mbrojtura ato të dhëna personale, sepse shëndeti juaj është puna juaj dhe e askujt tjetër.
- *Veçoritë e Samsung Health mund të variojnë sipas pajisjes dhe vendit.
Siguroni lidhjet tuaja
Për shfletim të përditshëm, Secure Wi-Fi enkripton trafikun e internetit në dalje dhe çaktivizon monitorimin e aplikacioneve dhe uebsajteve. Ajo ju lejon të shfletoni internetin në mënyrë të sigurt në lidhjet publike me valë pa pasur frikë nga shkeljet e sigurisë.
- *Disponueshmëria e veçorisë së Wi-Fi mund të variojë sipas vendit, operatorit celular ose mjedisit të rrjetit dhe mund të mos mbështetet në të gjitha pajisjet celulare Samsung. Mund të aplikohen tarifa në varësi të përdorimit të Secure Wi-Fi.
Gjurmoni smartfonin tuaj
Smartfoni juaj është pjesë e rëndësishme e jetës suaj, por ju jeni sërish njeri. Në rast humbjeje ose vjedhjeje, shërbimi Find My Mobile ju lejon të lokalizoni në distancë smartfonin tuaj, të rezervoni të dhënat e ruajtura në pajisje në Samsung Cloud, të kyçni telefonin dhe madje të bllokoni aksesin në Samsung Pay. Dhe nëse ju nevojitet, mund edhe t'i fshini të gjitha të dhënat e ruajtura në pajisjen tuaj.
- *Disponueshmëria e shërbimit Find My Mobile mund të variojë sipas pajisjes dhe/ose sistemit operativ.
- *Për të përdorur shërbimin Find My Mobile:
- 1) Duhet të keni konfiguruar llogarinë tuaj të Samsung në pajisjen tuaj.
- 2) Duhet t'i lejoni Google që të grumbullojë informacionin e vendndodhjes suaj dhe të bini dakord me kushtet e përgjithshme të përdorimit të rrjeteve me valë.
Siguri me shumë shtresa e ndërtuar për mbrojtje
Me një siguri me shumë shtresa, Knox integron harduerë dhe softuerë që punojnë së bashku për t'ju dhënë një nivel të lartë mbrojtje të dhënash, duke mbrojtur informacionin tuaj më delikat nga softuerët keqdashës dhe kërcënimet. Eksploroni katër komponentët kryesorë të platformës sonë të sigurisë së Knox më poshtë.
- Prodhimi që nga çipi
- Samsung mund të projektojë, krijojë dhe vlerësojë çdo çip kompjuteri, çdo pjesë teli, dhe çdo komponent hardueri përpara se t'i përdorë për të prodhuar pajisje celulare në fabrika me siguri të lartë nëpër botë. Kontrolli mbi dizajnin, prodhimi dhe montimi sigurojnë një zinxhir të sigurt furnizimi dhe një produkt përfundimtar tek i cili mund të keni plotësisht besim.
- Enkriptimi i të dhënave
- Platforma e Knox ekripton të dhënat tuaja në mënyrë që ato të mos ekspozohen apo të jenë të brishta, edhe në rast vjedhjeje apo humbjeje. Të dhënat tuaja mbeten të enkriptuara ndërkohë që pajisja juaj është e fikur dhe nuk do të deshifrohen përveçse kur ju zgjidhni t'i shkyçni ato.
- Izolimi i të dhënave
- I kemi projektuar pajisjet tuaja celulare të Samsung me izolimin e të dhënave të integruar në çdo komponent. Është një kyç i dyfishtë për të dhënat tuaja delikate, që do të thotë se edhe nëse dikush arrin të hyjë brenda telefonit tuaj, i vetmi person që ka aksesin real jeni ju.
- Mbrojtja gjatë kohës së funksionimit
- Mbrojtja gjatë kohës së funksionimit nënkupton se pajisja juaj celulare Samsung funksionon gjithmonë në gjendje të sigurt kundër sulmeve të të dhënave ose softuerëve keqdashës. Çdo përpjekje e paautorizuar ose e paqëllimtë për të aksesuar ose modifikuar bërthamën e telefonit tuaj, bllokohet në kohë reale, në çdo moment.
Besuar nga agjencitë qeveritare dhe ekspertët e sigurisë në mbarë botën
Platforma e sigurisë Knox është e besuar nga organizatat qeveritare që kërkojnë nivele të larta sigurie. Knox është lider në industrinë e sigurisë celulare me certifikimet globale të sigurisë qeveritare.
"E fortë"
Platforma Knox mori vlerësimin “E fortë” në 27 nga 30 kategori në reportazhin e Gartner të majit 2019 “Sistemet operative celulare dhe siguria e pajisjeve: Një krahasim i platformave”
Samsung vazhdimisht bashkëpunon me institucionet ndërkombëtare rregullatore për të plotësuar një gamë të gjerë kërkesash për certifikim të hartuara për të mbrojtur interesat kombëtare, sigurinë publike dhe privatësinë e konsumatorëve.
Nëpër pajisjet celulare të Samsung
Shumë telefona, tableta dhe pajisje portative Samsung janë prodhuar me platformën Samsung Knox të integruar në arkitekturën e tyre, duke mbrojtur si konsumatorin ashtu edhe pajisjet e biznesit.
Zgjidhja jonë e sigurisë me shumë shtresa funksionon në sistemet operative Android dhe Tizen, prandaj secila pajisje është e mbrojtur aktivisht nga momenti që e ndizni.
Prioriteti ynë është të mbrojmë atë që ka më shumë rëndësi.
Dhe kjo është arsyeja pse do ta zgjerojmë sigurinë e Knox në një ekosistem zgjidhjesh sigurie përtej pajisjeve celulare, duke mbuluar lidhjet e rrjetit të tilla si pikat fundore dhe pajisjet e 5G dhe IoT.
Ne gjithashtu po e bëjmë platformën tonë të sigurisë Knox më inteligjente në mënyrë që të mund të parashikojmë kërcënimet e ardhshme duke mësuar nga përdorimi aktual i pajisjes dhe rrjetit për të prodhuar konfigurues të automatizuar, raporte incidentesh dhe zgjidhje për kërcënimet. Në fund, synimi ynë është që të evoluojmë vazhdimisht dhe të qëndrojmë një hap përpara rreziqeve të sigurisë, duke i mbajtur të dhënat tuaja të sigurta në një botë të lidhur maksimalisht me internetin.
-
Merrni më shumë informacione rreth Politikës së privatësisë së Samsung.
