Si përdoret Samsung DeX në pajisjen Galaxy S22

Samsung DeX është një aplikacion që lidh aparatin tuaj celular (një smartfon ose tabletë) me një pajisje të jashtme (një televizor ose monitor) ose me një kompjuter, në mënyrë që dita juaj e punës të shkojë sa më mirë pavarësisht pajisjes që përdorni. Mësoni më poshtë se si të përdorni Samsung DeX pa tel në pajisjen Galaxy S22. 

Pamja e një gruaje që po përdor Samsung DeX në pajisjen e saj Galaxy S22.

Çfarë është Samsung DeX?

Me Samsung DeX, mund ta përdorni pajisjen tuaj Galaxy S22 në mënyra të ndryshme. Me një adaptor HDMI ose pa tel, mund ta lidhni pajisjen tuaj Galaxy S22 me çdo monitor që mundëson Miracast dhe të filloni ta shijoni smartfonin tuaj në një mënyrë tërësisht të ndryshme.

Dërgojini mesazh miqve, shihni një film në ekranin e madh dhe bëhuni gati për prezantime të rëndësishme përmes mjetit më të fundit shumëpërdorimësh.

Qoftë nëse lidheni përmes një laptopi apo desktopi, në një kompjuter (PC) ose Mac, mjafton të shkarkoni aplikacionin DeX për PC nga faqja e internetit të Samsung DeX në kompjuterin tuaj.

Pasi të keni lidhur smartfonin me monitorin, mund t’i përdorni të gjithë aplikacionet nga ekrani i madh, në mënyrë që ta shfrytëzoni në maksimum pajisjen tuaj Galaxy S22. Prezantime të mëdha, konferenca, video e shumë më tepër, Samsung DeX e bën më të lehtë ditën tuaj të punës - Është njësoj si të kesh një kompjuter në xhep. 

Ju lutemi, vini re: Në varësi të situatës, mund t’ju duhet të blini aksesorë të veçantë për të përdorur Samsung DeX.

Si të lidheni me Samsung DeX

Pasi të keni shkarkuar aplikacionin Samsung DeX për PC, mund të filloni ta konfiguroni Samsung DeX në smartfonin tuaj. Lidhuni me Samsung DeX duke ndjekur këta hapa: 

Pamja e ekranit bazë të Galaxy S22 me një gjest rrëshqitës për poshtë në anën e sipërme të ekranit. Pamja e ekranit bazë të Galaxy S22 me një gjest rrëshqitës për poshtë në anën e sipërme të ekranit.

Hapi 1. Rrëshqitni dy herë poshtë në ekranin bazë.

Pamja e panelit të shpejtë të Galaxy S22 me opsionin DeX të theksuar. Pamja e panelit të shpejtë të Galaxy S22 me opsionin DeX të theksuar.

Hapi 2. Prekni “Dex”.

Pamja e ekranit të lidhjes së Samsung DeX me opsionet “DeX në TV ose monitor” dhe “DeX në PC”. Pamja e ekranit të lidhjes së Samsung DeX me opsionet “DeX në TV ose monitor” dhe “DeX në PC”.

Hapi 3. Prekni “DeX në TV ose monitor” ose “DeX në PC” dhe kërkoni kompjuterin me të cilin doni të lidheni.

Pasi të keni gjetur kompjuterin, televizorin ose monitorin me të cilin doni të lidheni, prekeni dhe në pajisjet e zgjedhura do të shfaqet Samsung DeX. 

Si të përdorni Samsung DeX

Samsung DeX ofron disa veçori për optimalizimin e kryerjes së shumë detyrave njëherësh, duke përfshirë: 

Pamja e një gruaje që vizaton në një smartfon dhe që sheh artij e saj në një monitor.
  • Blloku me prekje: Pajisjen tuaj Galaxy S22 mund ta përdorni si bllok me prekje për kompjuterin ose mund të përdorni një tastierë për të komanduar gjithë aktivitetin tuaj në ekranin e madh. 
Pamja e një smartfoni pranë një laptopi, ku shfaqen opsionet e fotove të Samsung DeX.
  • Ndarja e fotove dhe prezantimeve: Me Samsung DeX mund të ndani foto dhe prezantime nga pajisja juaj Galaxy S22 pa i shkarkuar ato në kompjuterin tuaj. 
Pamja e një smartfoni që bën një thirrje pranë një laptopi, ku shfaqet dritarja e thirrjes në Samsung DeX.
  • Mesazhet me tekst dhe përgjigjja e thirrjeve: Mund të dërgoni ende mesazhe me tekst dhe t’iu përgjigjeni thirrjeve kur pajisja juaj Galaxy S22 është e lidhur me kompjuterin tuaj.
View of a computer screen with Microsoft™ apps and OneDrive windows and icons.
  • I pajtueshëm me aplikacionet e Microsoft™ dhe OneDrive: Samsung DeX është i pajtueshëm me pjesën më të madhe të aplikacioneve të Microsoft™, OneDrive dhe aplikacioneve të tjera në Cloud, në mënyrë që të mund ta ndani punën lehtësisht. 
Pamja e një burri që po sheh një smartfon duke qëndruar ulur pranë një djali me kokoshka në dorë e duke parë televizor.
  • Punë e dyfishtë: Nëse e lidhni pajisjen tuaj Galaxy S22 me një monitor televizori, mund të shihni një film në një ekran të madh ose të krijoni një klasë virtuale për fëmijët. Ndërkohë, mund të vazhdoni të mbaroni punën tuaj në telefon.

Pyetjet të Ngjashme

Faleminderit për komentin tuaj

Kontakt

Keni nevojë për riparim?

Pavarësisht nëse produkti juaj është ose jo nën garanci, ne mund t'ju ndihmojmë.
Mëso më shumë

Online

Mund të kontaktoni në mënyra të ndryshme: në chat, duke shkruar një e-mail dhe shumë të tjera.
Mësoni më shumë

Merrni në telefon

Flisni me një nga ekspertët tanë për të kërkuar ndihmë ose për të gjetur një përgjigje për pyetjet tuaja.
Mësoni më shumë
Shiko më shumë