Rezistenca ndaj ujit e Galaxy Watch
Pajisja Galaxy Warch/Fit është rezistente ndaj ujit, kështu që mund ta përdorni në shumë situata që përfshijnë ujë në jetën tuaj të përditshme. Udhëzimet e mëposhtme ju ndihmojnë që të përfitoni në maksimum nga rezistenca ndaj ujit dhe pluhurit.
Çfarë niveli rezistence ndaj ujit ka Galaxy Watch/Fit im?
- Modelet Galaxy Watch3, Watch4, Watch5, Watch Active, Watch Active2 dhe Galaxy Fit, Fit2 dhe Fit E janë rezistente ndaj ujit dhe pluhurit sipas klasifikimeve të IP6X për rezistencën ndaj pluhurit, IPX8 për rezistencën ndaj ujit dhe 5ATM për rezistencën ndaj ujit.
- Ato mund të përdoren në situata ku ekspozohen ndaj ujit apo djersës në jetën e përditshme (ekspozimi ndaj djersës gjatë ushtrimit, larja e duarve, shiu etj.). Ato gjithashtu mund të përdoren në pishina ose ujëra të cekëta.
- Klasifikimi 5ATM për rezistencën ndaj ujit u testua duke zhytur pajisjen në thellësi 50 metra në ujë të pastër për 10 minuta, duke e lënë pa lëvizur, për të plotësuar kërkesat e certifikimit ISO 22810:2010.
- Klasifikimi IPX8 për rezistencën ndaj ujit u testua duke zhytur pajisjen në thellësi 1,5 m në ujë të pastër për 30 minuta, duke e lënë pa lëvizur, për të plotësuar kërkesat e certifikimit IEC 60529.
- Klasifikimi IP6X për rezistencën ndaj ujit u testua në mënyrë që të përmbusheshin kërkesat e certifikimit IEC 60529.
- Galaxy Watch (e hedhur në treg në vitin 2018) ka klasifikim për rezistencën ndaj ujit IP68 dhe nuk mund të përdoret në pishina apo në det.
- Për serinë Gear Fit, ju lutemi të kontrolloni klasifikimet e rezistencës ndaj ujit dhe pluhurit në manualin e përdoruesit.
Cilat aktivitete (zhytje në det, not etj.) mund të kryej ku jam duke përdorur Galaxy Watch/Fit?
- Galaxy Watch3, Watch4, Watch5, Watch Active, Watch Active2 dhe Galaxy Fit, Fit2, dhe Fit E mund të përdoren në pishina ose ujëra të cekëta.
- Mos qëndroni të zhytur nën ujë, mos bëni snorkeling, zhytje ose zhytje në thellësi, ose luani sporte ujore si ski në ujë ose sërf, dhe mos notoni në ujëra që lëvizin shpejt, si lumenj, ndërkohë që mbani pajisjen tuaj. Gjithashtu mos e ekspozoni ndaj makinerive të pastrimit me presion të lartë ose diçkaje të ngjashme. Kjo mund të sjellë ngritje dramatike të presionit të ujit, gjë e cila mund shkaktojë ndryshimin e garancisë për rezistencën ndaj ujit të dhënë nga kompania jonë. Drejtojuni gjithmonë manualit të përdoruesit për udhëzim të mëtejshëm.
- Galaxy Watch (e hedhur në treg në vitin 2018) ka klasifikim për rezistencën ndaj ujit IP68 dhe nuk mund të përdoret në pishina apo në det.
Çfarë duhet t'i kushtoj rëndësi kur mbani Galaxy Watch/Fit?
- Veçoria e rezistencës ndaj ujit e Galaxy Watch/Fit nuk është e përhershme. Sigurohuni të kontrolloni rregullisht rezistencën ndaj ujit pranë një qendre shërbimi të autorizuar të Samsung Electronics për të siguruar mbrojtjen e pajisjes tuaj.
- Dezinfektuesit ose kripa në ujin e pishinës ose në ujin e detit mund të ndikojë në performancën e rezistencës ndaj ujit, prandaj lajeni me ujë të pastër pas notit para se të thahet, më pas fshijeni mirë me një leckë të butë dhe të pastër dhe thajeni para se ta përdorni në mënyrë që të ruhet rezistenca ndaj ujit.
- Edhe nëse ekspozohet ndaj lëngjeve të tjera përveç ujit të pastër (kafe, pije, ujë me sapun, vajra, parfume, krem për mbrojtjen nga dielli, dezinfektues për duart dhe kimikate si produkte kozmetike etc.), lajeni me ujë të pastër dhe fshijeni mirë me një leckë të butë dhe të pastër dhe thajeni në mënyrë që të ruhet rezistenca ndaj ujit.
- Mos bëni zhytje, zhytje në thellësi, snorkeling ose merrni pjesë në sporte ujore (ski në ujë, sërf etj.) ose mos notoni në lugina me prurje të lartë ujore etj. ndërsa mbani pajisjen tuaj.
- Mos e përdorni pajisjen tuaj me larës me presion etj. pasi një rritje e shpejtë e presionit të ujit mund të tejkalojë rezistencën ndaj ujit të garantuar nga Samsung.
- Nëse pajisja juaj pëson një dëmtim apo goditje të jashtme, rezistenca e saj ndaj ujit dhe pluhurit mund të ulet.
- Mos e çmontoni pajisjen tuaj, pasi rezistenca ndaj ujit ose pluhurit mund të ndikohet.
- Tharja e pajisjes tuaj me anë të pajisjeve ngrohëse si tharëset e flokëve, ose në ambiente si sauna apo dhoma avulli me ndryshime të menjëhershme ose ekstreme në temperaturë dhe temperaturën e ujit mund të rrezikojë efektshmërinë e rezistencës ndaj ujit.
- Mos e hapni vrimën jashtë Watch/Fit me objekt me majë. Përbërësit e brendshëm mund të dëmtohen ose mund të ndikohet rezistenca ndaj ujit.
- Rripat e lëkurës ose ata hibridë nuk janë rezistentë ndaj ujit. Mos i mbani rripat e lëkurës apo ata hibridë gjatë kohës që notoni ose bëni dush.
Faleminderit për komentin tuaj
Përgjigjju të gjitha pyetjeve.