Çfarë duhet të bësh nëse ekrani me prekje nuk funksionin siç duhet
Nëse ekrani me prekje i telefonit tënd Galaxy nuk është mjaftueshëm i ndjeshëm ose reagon me ndërprerje, lexo udhëzuesin më poshtë.
Para se të provosh rekomandimet e mëposhtme, sigurohu të kontrollosh nëse softueri dhe aplikacionet përkatëse të pajisjes sate janë të përditësuara në versionin më të fundit. Për të përditësuar softuerin e pajisjes sate celulare, ndiq këto hapa:
Nëse vendos aksesorë, si p.sh. mbrojtës ekrani në ekranin me prekje, ai mund të mos funksionojë siç duhet. Ngjitëset e vogla, si p.sh. etiketat mbrojtëse, mund të ndikojnë gjithashtu te ndjeshmëria e prekjes. Disa xhama ose filma mbrojtës të pamiratuar nga Samsung kanë ngjitëse vetëm në skajet anësore dhe, nëse produktet janë të vendosura në ekran, xhami ose filmi mbrojtëse mund të mos ngjitet plotësisht në ekran.
Për këtë arsye, disa zona të ekranit me prekje mund të mos e njohin prekjen dhe mund të reagojnë me ndërprerje. Pasi ta kesh hequr aksesorin, kontrolloje sërish funksionin e prekjes.
Ki parasysh: Rekomandohet që të përdorësh aksesorë të miratuar nga Samsung. Përdorimi i aksesorëve të pamiratuar mund të shkaktojë probleme me performancën. Blije tani xhamin mbrojtës të Samsung në Dyqanin e Samsung.
Nëse vesh doreza ose nëse i ke duart të papastra kur prek ekranin me prekje apo nëse e troket ekranin me sende të mprehta ose me majat e gishtave, ekrani me prekje mund të pësojë defek.
Ekrani me prekje mund të pësojë defekt në kushte të lagështa ose kur ekspozohet ndaj ujit. Fshije ekranin me prekje për t'u siguruar që të mos ketë lagështi para se të provosh sërish.
Telefoni yt Galaxy ka një veçori që rrit ndjeshmërinë e prekjes së ekranit për t'u përdorur kur vendoset një mbrojtës ekrani. Nëse mendon se prekja e ekranit është bërë relativisht më pak e ndjeshme pas përdorimit të mbrojtësit të ekranit, ndiq hapat e mëposhtëm për të aktivizuar veçorinë "Ndjeshmëria e prekjes".
Ki parasysh: Nëse nuk ka reagim në ekran ose nëse ekrani është i krisur, pajisja mund të ketë nevojë për riparim.
Pajisja po reagon vetëm ndaj rrëshqitjeve me dy gishta dhe gjesteve me dy trokitje? Në po, mund të jetë aktivizuar "TalkBack". Ai përdor komente zanore për të përshkruar se çfarë ka në ekran. Për ta çaktivizuar, ndiq hapat e radhës.
"TalkBack" mund ta çaktivizosh edhe duke përdorur Bixby. Shtyp dhe mbaj shtypur butonin Bixby. Thuaj: "Çaktivizo Talkback".
Ke një pajisje të përputhshme me S Pen, por po has probleme me njohjen e S Pen pas instalimit të kapakut? Çdo aksesor e palëve të treta me komponent magnetik mund të ndikojë në njohjen e S Pen. Për ta rregulluar këtë: hiq aksesorin, instalo një kapak të autorizuar nga Samsung dhe provo sërish. Për performancën optimale të S Pen, shmang ekspozimin ndaj sendeve magnetike, si p.sh. çelësat, monedhat ose orët.
Ki parasysh:
- Pamjet e ekranit dhe menytë e pajisjes mund të ndryshojnë në varësi të modelit të pajisjes dhe versionit të softuerit.
- Për informacione të mëtejshme, mund të vizitosh Mbështetjen e Samsung.
Faleminderit për komentin tuaj
Përgjigjju të gjitha pyetjeve.